Tímarit íslenzkra samvinnufélaga - 01.08.1922, Blaðsíða 35

Tímarit íslenskra samvinnufélaga. 81
legan í augum félagsmanna, og mátti á þessum fundi sjá
þess glögg merki.
Eftir nokkrar umræður á fundinum, kom fram tillaga
frá Sigurði á Iiúnsstöðum, að fela væntanlegri stjórn fé-
lagsins, að leyta fyrir sér, um að fá viðunandi tilboð um
vörur, frá verslunum á Blönduósi, og ef það ekki gengi,
þá að reyna að útvega einhvern umboðsmann annan en
Zöllner.
J. G. Möller kaupmaður á Blönduósi, var staddur á
fundinum, og tjáði hann sig fúsan til að láta félagið fá
einhverjar ákveðnar vörur, sem það pantaði fyrir nýár,
og að þær vörur kæmu að vorinu t. d. í maí, og að láta
þær með því verði, sem hann ákvæði þegar vörurnar
væru komna. Annað tilboð kvaðst hann ekki geta gjört.
Verslunarstjóri Carl Höepfnersverslunar, sem einnig
var þá strax leitað til, kvaðst ekkert tilboð geta gjört.
Var svo áðurnefnd tilaga Sigurðar á Húnstöðum bor
in upp og feld með 4 atkvæðum gegn 2, en samþykt að
reyna að fá vörur frá L. Zöllner.
Á fundi þessum voru samþykt lög og reglur fyrir fé-
lagið til bráðabirgða sem næst samhljóða lögum og regl-
um Kaupfélags Skagfirðinga.
I stjórn félagsins voru kosnir:
Formáður: Þorleifur Jónsson alþrn. á Syðrilöngunrýri.
Meðstjórnendur: Benedikt Blöndal í Hvamrni og Árni
Þorkelsson á Geitaskarði.
Stjórninni var heimilað að taka lán fyrir félagsins
hönd alt að 2500 kr. gegn veði í Geitaskarði, sem eig-
andinn bauðst til að lána félaginu, gegn því að einn mað-
ur úr hverri deild félagsins, ábyrgðust einn fyrir alla og
allir fyrir einn, að hann biði ekkert tjón af veðsetning-
unni. Skyldi láni þessu fyrst og fremst varið til að kaupa
uppskipunarbát, lausabryggju og nokkuð af ábreiðum
(presenningum) til að breiða yfir vörur. Afganginum af
láninu skjddi varið til hússbyggingar á Blönduósi norðan
Blöndu, á þeim stað, sem stjórn félagsins þætti hentugastur.
6