Stúdentablaðið - 01.12.1969, Síða 44

Félagið starfaði þó áfram og tók drjúg-
an þátt í undirbúningi, baráttu og starfi
B-listans í 3 ár.
Nú hafa vinstri sinnaðir stúdentar
endurskipulagt samfylkingu sína og geng-
ið saman í eitt félag, Stúdentafélagið
Verðandi. Þótt þetta félag sé ekki sósíal-
iskt í þeirri merkingu, sem róttækir hafa
ætíð lagt i það orð, og vissulega væri þörf
á því, að hafa innan skólans starfandi
félag, sem hefði raunverulegan sósíalisma
á stefnuskrá sinni, hafa sósíalistar lagt
það mikið upp úr sameiningu allra íhalds-
andstæðinga innan H.Í., að þeir beina nú
félagslegum starfskröftum sínum fyrst og
fremst að Verðandi, og reyna að sveigja
stefnu þess félags æ meir í átt að jafn-
réttis- og mannúðarhugsjónum Sósíal-
ismans.
Af þessum ástæðum hefur F.R.S. ekki
starfað síðan Verðandi var stofnað, hvað
sem síðar kann að verða.
VAKA, félag
lýðræðissinnaðra
stúdenta
Árið 1935 stofnuðu nokkrir lýðræðis-
sinnaðir háskólastúdentar VÖKU, félag
lýðræðissinnaðra stúdenta. VAKA er
sjálfstætt og óháð stjórnmálafélag. Allir
háskólastúdentar, sem aðhyllast lýðræð-
ishugsjónina, geta því tekið þátt í störfum
félagsins.
Nú er VAKA stærsta og öflugasta
stjórnmálafélag stúdenta í Háskóla ís-
lands.
Tilgangur félagsins er svo sem segir í
lögum þess:
1. Að vinna að eflingu og útbreiðslu lýð-
ræðis og lýðræðishugsjóna.
2. Að vinna gegn hvers konar áhrifum
byltingarsinnaðra ofbeldis- og öfga-
stefna á sviði félagsmála.
3. Að efla samtök stúdenta til sameigin-
legs átaks til þess að koma fram þeim
málum, sem horfa stúdentum og
íslenzku þjóðinni til heilla.
í upphafi var starfssvið VÖKU bar-
átta gegn öfgastefnum nazista og komm-
únista, sem mjög gætti í félagslífi há-
skólastúdenta á íjórða tug aldarinnar.
Síðan beindist starf VÖKU einkum að
stofnun lýðveldis á íslandi. Nú berst
Vaka fyrir aukinni þátttöku fólksins í
stjórnmálastarfseminni; gegn flokksfor-
ysturæðinu, stirðnuðum stjórnmálaflokk-
um og samtryggingu valdsins. VAKA
telur, að þessum markmiðum verði bezt
náð með því að breyta kjördæmaskip-
aninni og koma á einmenningskjördæm-
um.
VAKA vinnur að bættum hag stúdenta
og eflingu háskólans. Á síðast liðnu ári
hóf S.F.H.Í. undir forystu VÖKU öfluga
sókn í málefnum háskólans, sem borið
hefur góðan ávöxt. Nú er unnið að stuðn-
ingi við Stúdentaráð og kynningu á há-
skólanum. Á liðnu sumri hafði VAKA
frumkvæði og forystu í útgáfu Stúdenta-
blaðs, þar sem vandi háskólans var
kynntur öllum almenningi; blaðinu var
dreift inn á hvert heimili í landinu.
Undir forystu VÖKU vinnur Stúdenta-
félagið nú að kynningu á háskólanum í
íjölmiðlunartækjum svo sem útvarpi og
sjónvarpi; einnig er í undirbúningi kynn-
ingardagur á störfum háskólans, svo-
kallaður „háskóladagur“.
VAKA hefur beitt sér fyrir og stutt
aðild íslands að Atlantshafsbandalaginu.
Starfsemi VÖKU skiptist að mestu í
þrjá meginþætti:
1) Margþætt funda- og ráðstefnuhald um
málefni stúdenta og Háskóla íslands,
þjóðfélags og menningarmál. Á þessu
ári hafa m.a. verið haldnir almennir
félagsfundir um hvaða breytinga væri
þörf í íslenzkum stjórnmálum og hlut-
verk stúdentabaráttu auk þriggja funda
um starfsemi VÖKU og S.F.H.Í. Þá
var einnig haldin tveggja daga þjóð-
málaráðstefna. Fyrirhugaður er nú í
desember fundur um einmennings-
kjördæmi.
2) Gróskumikil blaðaútgáfa er rekin á
vegum félagsins, en félagið gefur út
„VÖKU“, blað lýðræðissinnaðra stúd-
enta. Megin efni blaðsins eru greinar
um málefni stúdenta ogþjóðmál. Þegar
hafa komið út átta tbl. á þessu ári.
3) Þátttaka í starfi og stjórn Stúdenta-
félagsins. VAKA var á liðnu starfsári
í meirihluta í stjórn S.F.H.Í. og svo er
enn á þessu starfsári. Þegar VAKA er
í meirihluta í Stúdentafélaginu beinast
starfskraftarnir einkum að því, svo
sem eðlilegt er.
Á aðalfundi VÖKU, sem haldinn var
15. apríl s.l. voru þessir menn kjörnir í
stjórn félagsins:
Þorsteinn Pálsson, stud. jur., form.,
Reynir T. Geirsson, stud. med., vara-
formaður.,
Árni Ól. Lárusson, stud. oecon, gjald-
keri,
Sigurkarl Sigurbjörnsson, stud. oecon,
ritari,
Vilhj. Þ. Vilhjálmsson, stud. jur., ritstj.,
Björn Jósef Arnviðarson, stud. jur.,
Sigurður Guðmundsson, stud. med.,
Vigfús Ásgeirsson, stud. polyt.,
Jens Ól. Eysteinsson, stud. scient.
Sigurkarl Sigurbjörnsson lét af störfum
í stjórninni, vegna náms erlendis. Í hans
stað var kjörinn Sveinn Sveinsson, stud.
jur.
Undirbúningur að kosningum til S.F.
H.í. 11. okt. s.l. stóð í sumar og haust.
Við þessar kosningar voru bornir fram
tveir listar: A-listi VÖKU, félags lýð-
ræðissinnaðra stúdenta og B-listi Verð-
andi, félags svokallaðra vinstri manna.
Úrslit kosninganna urðu þau, sem
kunnugt er, að atkvæði féllu jöfn, báðir
listar fengu 493 atkv. Þetta var einstakur
atburður í sögu Stúdentafélagsins og olli
töluverðu írafári. Hlutkesti réði úrslitum
og kom það í hlut VÖKU. VAKA mun
því enn hafa forystu í Stúdentafélaginu
og Vökumenn eru einhuga um að tryggja
að það verði áfram styrkt afl í þágu
stúdenta.
Þorsteinn Pálsson, stud. jur.
VERÐANDI,
félag
vinstrisinnaðra
stúdenta
Verðandi, félag vinstrisinnaðra stúd-
enta í Háskóla íslands, var stofnað 26.
marz 1969.
Takmarkið með stofnun félagsins var,
eins og segir í lögum þess, að sameina
alla vinstri stúdenta í Háskóla íslands í
einu félagi. Á þessu var mikil þörf, því
áður höfðu vinstri stúdentar starfað í
þremur litlum félögum, sem hvert um
sig, höfðu ekki bolmagn til að veita Vöku
þá mótstöðu sem þurfti. Af þessari á-
stæðu höfðu vinstri félögin gengið til
samstarfs um ýmis mál, t.d. sameinuðu
framboði í kosningum til Stúdentafélags
Háskóla íslands. Þetta samstarf var að
ýmsu leyti ágætt, en hafði þó nokkra
mikla ókosti, sem verða ekki raktir hér.
Það mun hafa verið veturinn 1967, að
ég heyrði fyrst minnst á hugmyndina um
stofnun allsherjarsamtaka vinstri stúd-
enta í skólanum, en ekkert varð úr fram-
kvæmd þess þá, enda hafði B-listinn
(listi vinstri félaganna þriggja) unnið
kosningarnar til Stúdentafélagsins þá um
haustið, þannig að vinstri stúdentar höfðu
í mörg horn að líta. Haustið 1968 tapaði
B-listinn aftur á móti kosningunum til
Stúdentafélagsins, og þótti þá mörgum
fást ákjósanlegt tækifæri til að endur-
skipuleggja félagsmálin.
Hófust þá þegar þær umræður sem
leiddu til stofnunar Verðandi. Á fjöl-
mennum stofnfundi, þar sem um 80
stúdentar gerðust stofnfélagar, voru
Verðandi sett lög og stefnuskrá.
Inngangur stefnuskrárinnar hljóðar
svo, „Verðandi stefnir að lýðræði í Há-
skóla íslands, þjóðfélagi samábyrgðar
og jafnréttis og alþjóðahyggju í sam-
skiptum þjóða.“
Annars skiptist stefnuskrá Verðandi í
STÚDEIMTABLAÐ
44