Fálkinn - 22.02.1961, Page 17

Til allrar hamingju sluppu ferðalang-
arnir okkra út úr dýragarðinum í tæka
tíð, áður en hinum stóru og þungu járn-
hurðum var lokað.
Þeir eru nú orðnir kunnugri í borg-
inni og ákveða að eyða einum degi í
að skoða markverðar byggingar, brýr
og önnur mannvirki. Sem að líkum læt-
ur, hefja þeir ferðina með því að fara
í sporvagni til Ráðhússtorgsins, sem
þýzkir nefna ,,Rathausmarkt“, en hét á
valdatímum nazista „Adolfsplatz“.
Ráðhúsið í Hamborg er mjög stór og
fögur bygging, mikið útflúruð og skraut-
leg. Þak koparslegið. Er inn kemur, er
engu minna um dýrðir, salir margir og
fagrir, sögulegar minjar og listaverk á
veggjum. Við ráðleggjum hér með hin-
um heppnu vinnendum, að fá einhvern
starfsmann ráðhússins til leiðsagnar, því
villugjarnt er í hinum mörgum göngum
og sölum.
í kjallara ráðhússins er mjög góður
veitingastaður.
Enda þótt Hamborag hafi sitt ákveðna
skjaldarmerki, er þó mynd af turni hinn-
ar veglegu St. Michaelskirkju mjög oft
notað sem tákn borgarinnar.
Ferðalangarnir fara fótgangandi til
kirkjunnar, því að turn hennar gnæfir
yfir og engin hætta á að villast.
Enda þótt mörg íbúðarhverfi
í næsta nágrenni St. Michaelskirkju
yrðu sprengjum bandamanna að bráð
í síðari heimsstyrjöldinni, hélt hún velli,
varð þó fyrir nokkrum skemmdum og
sprungur mynduðust í turninn. Það er
ekki ýkjalangt síðan viðgerð var lokið
og gestum og gangandi gafst þess kost-
ur að fara upp og njóta útsýnisins.
Við skiljum í dag við hina heppnu,
sem vinna flugfar til Hamborgar með
Viscount Flugfélags Islands í Bingó-spili
Fálkans, þar sem þeir eru stignir inn
í lyftu, sem flytur þá upp í turn St.
Michaels kirkjunnar. Við vonum, að
þeir njóti útsýnisins vel og við hittum
þá aftur í næsta Fálka.
Hér birtast næstsíðustu tölurnar í hinu spennandi Bingóspili.
Hver hlýtur flugfar til Hamborgar með Flugfélagi íslands?
Myndin er af ráðhúsinu í Ham-
borg. Það er stór og fögur bygg-
ing, mikið útflúruð og skraut-
leg. Þegar inn er komið, er engu
minna um dýrðir, salir margir
og fagrir, sögulegar minjar og
listaverk á veggjum.
FÁLKINN 17