Fálkinn - 24.10.1962, Blaðsíða 4

Fernandel, hinn franski, á hér eins og annars staðar marga aðdá-
endur. En nú hefur hann fengið skæðan keppinaut, sem er enginn
annar en sonur hans. Sá er rúmlega tvítugur og heitir Frank. Munu
þeir feðgar leika saman með pompi og pragt í kvikmynd, sem tekin
var á ítalíu. Mynd þessi á að verða í gömlum stíl og til að hressa
upp á hana, verður Gino Cervi einn leikarinn. En eins og kunnugt
er, var það hann sem lék á móti Fernandel í gömlu, góðu Don
Camillo myndunum. Auðvitað verður í þessari mynd ung og falleg
stúlka, sem leikur sér að feðgunum. Hún ber nafnið, Serena Vergano.
legum
Nú þegar farið er að skyggja verður rómantíkin
meiri og elskhugar taka sínar ástmeyjar á hné sér
og kyssa og kjassa. Karlmannshné er algengt meyj-
arsæti hér, en því er ekki þannig farið víða
erlendis. í Nýja Englandi í Bandaríkjunum eru
í gildi lög, þar sem segir að refsa megi konu fyrir
að sitja á svo syndsamlegum stað. í Massachusettes
er meira að segja giftum konum bannað að sitja í
kjöltu manns síns, ef þær gera það utan heimilis
eða á sunnudögum. Á þetta mál er litið mjög alvar-
augum þar vestra og ef ungur maður verður uppvís að því
að stúlka situr á hnjám hans, má sekta hann um
500 kr. í fyrsta skipti, sem það kemur fyrir, 1000
kr. í annað skipti og ef það kemur fyrir í þriðja
skipti, eru bæði pilturinn og stúlkan sett í fangelsi.
Bandarískur dómari gaf ungum manni það ráð,
að í næsta skipti, sem hann færi út með stúlkunni
sinni, skyldi hann hafa með sér púða og leggja
hann á hné sér, þegar hún vildi setjast á hnén a
honum. Þá mundi hún örugglega verða svo móðguð,
að hún þakkaði fyrir gott boð, og þá hefði hanr.
staðizt freistinguna.
Eyðimerkurbúar eru oft þyrstir og tíðum er langt í vin, þar sem
hægt er að ná í vatn. En á eyðimörkunum sjálfum lifa nokkur
skordýr, sem geta sogað í sig vatn rétt eins og kaktusar og geymt
það. Á eyðimörkum Ástralíu lifir skordýr eitt, sem nefnt er
Chiroleptes. Ef það er lagt í vatnsglas, verður það alveg eins og
lítill bolti. Dýrið sýgur vatnið nefnilega í gegnum húðina, og geymir
í lítilli blöðru. Frumbyggjar Ástralíu þekkja vel leyndardóm þessa
dýrs og þeir hika ekki við að kreista úr því vatnið, ef þeir eru
þyrstir.
4
Saga þessi verður-
ef til vill til hugg-
unar þeim, sem hafa
fengizt við leiklist
en hingað til mis •
tekizt. Sir Alec
Guiness brást líka
bogalistin, þegar
hann kom fyrst
fram á leiksviðið,
en þá var hann ekki
nema 10 ára gamall
og átti þá að leika
í leikriti í skólanum.
Alec var ekki sam-
ur maður eftir þetta
áfall og hann lét
ekki sjá sig á leik-
sviði í heilt ár á eftir. Þegar hann hafði lokið
skólagöngu, reyndi hann að vinna á auglýs-
ingaskrifstofu, þar sem hann reit slagorð
fyrir engiferöli, um hatta og meðul. En hann
dreymdi enn að vera leikari og heimsótti því
John Gielgud og það leiddi til þess, að hann
varð nemandi í leikskóla. Fyrsta hlutverkið
sem hann lék var í melodramatísku stykki;
hann lék kínverskan þjón í fyrsta þætti,
franskan sjóræningja í öðrum, og enskan sjó-
mann í þriðja þaétti. — Sir Alec Guiness var
lengi að verða frægur, en frægð hans stendur
á föstum fótum. Núna nýlega var lokið við
22. mynd hans, A majority of one. Þar leikur
hann japanskan verzlunarmann, sem lendir
á ferðalagi með „Brooklyn-ekkjunni“ Rosalind
Russell. Bíða menn nú í ofvæni eftir að sjá
myndina.
★
Þó þér kannizt
ekki við manninn á
myndinni, er það
áreiðanlegt, að móð-
ir yðar eða amma
hafa dáð þennan
mann. Hann heitir
Charles Boyer og
lék oftast í þöglu
myndunum. Hann
hefur nú ákveðið
að halda vinnunni
við kvikmyndirnar
áfram — að þessu
sinni á bak við tjöld
in. Hann hefur ný-
lega keypt stærsta
hlutann í brezk-
bandarísku kvikmyndafélagi, sem ætlar að
gera 30 stuttar kvikmyndir fyrir sjónvarpið.
Boyer hefur alveg hætt að leika og myndin
hér er tekin af honum, þegar verið var að
taka upp mynd á frönsku Miðjarðarhafs-
ströndinni.
★
Kona nokkur réðist eitt sinn á Dr. Johnson
hinn fræga orðabókarhöfund og sagði: „Þér
setjið klúryrði í orðabók yðar“. „Frú mín
góð,“ svaraði Dr. Johnson, „voruð þér að
fletta þeim upp?“
FALKINN