Fálkinn - 17.04.1963, Blaðsíða 14

Tröð opnar
Sunnudaginn 31. marz síðastliðinn var opnað nýtt veitingahús í Austurstræti,
i húsi Almenna bókafélagsins. Veitingahúsið nefnist TRÖÐ og eru eigendur
þess hinir sömu og veitingahússins Naust. Framkvæmdastjóri er Halldór
Gröndal. — Sveinn Kjarval hefur teiknað innréttingar Traðar og séð um útlit
staðarins að öilu leyti. Er það rómur manna, að verk hans hafi tekizt sérlega
vel. Tröð mun leggja áherzlu, á að vera fyrsta flokks kaffihús. Til dæmis verða
þar á boðstólum vandaðri og betri kökur en áður hafa fengizt hérlendis. Veit-
ingahúsið hefur samið við fjóra íslenzka bakarameistara, sem munu leitast
við af fremsta megni að sjá veitingahúsinu fyrir fyrsta flokks kökum. — í
Tröð verða listkynningar margs konar og bókmenntakynningar og mun Knútur
Bruun annast umsjón þeirra fyrir hönd Almenna bókafélagsins. — Meðfylgj-
andi myndir tók FÁLKINN af nokkrum af fyrstu gestum hins nýja veitinga-
húss Traðar, sem verður skemmtileg tilbreytni í veitingahúsamálum höfuð-
staðarins.
14 FALKINN
Kvenþjóðm
Framhald af bls. 27.
Kjötið látið inn í vel heitan ofn, ofar-
lega, og brúnið það í 10—20 mínútur,
eða þangað til komin er góð, fallega
brún skorpa. Ofnskúffan færð neðar í
ofninn, laukurinn settur í ofnskúffuna
einni gulrót ef vill, vatninu eða beina-
soðinu hellt yfir og hryggurinn soðinn
í nál. 1 Yz klst. Ausið soðinu yfir á
10—15 mínútna fresti. Soðinu hellt af
og ofninn látinn standa hálfopinn með-
an sósan er búin til. Fleytið soðið, ef
það er mjög feitt. Venjuleg brún sósa
búin til, sem krydduð er með salti,
pipar og sherry ef til er.
Berið hrygginn fram sem heilan, en
skerið þó vöðvana í sneiðar. Berið alls-
kyns soðið grænmeti með hryggnum.
Ef hryggurinn er fylltur með ávöxt-
um er lauknum sleppt.
Lambasteik.
1 lambslæri 2—kg.
3 tsk. salt.
% tsk. pipar.
2 msk. smjör.
3 msk. steinselja.
Vatn.
1 laukur.
Sósa:
4 msk. feiti, ofan af soðinu.
4 msk. hveiti.
Steikarsoðið.
Sósuliur, krydd.
Steikin þerruð með klút undnum úr
heitu vatni. Berið steinseljúumjölið ut-
an á steikina eða singið því inn í vöðv-
ann eins og myndin sýnir. Steinselju-
smjörið er búið til á þann hátt, að stein-
seljan er klippt fínt, smjörið linað,
hvorutveggja blandað saman, geymt á
köldum stað. Sleppa má smjörinu og
singa bara steinselju inn í vöðvann.
Einnig er gott að nota 1 bita af hvít-
lauk, sem er marinn smátt og blandað
við saltið, áður en því er núið á steik-
ina. Steinselju er þá sleppt.
Steikt í ofni á sama hátt og hrygg-
urinn. Vöðvahliðin snýr upp. Leggið
smjörpappír yfir, ef steikin virðist ætla
að verða of dökk. Steikt í 1%—2 klt.
Steikin borin fram með velfleyttu
soðinu eða venjulegri sósu, soðnum
eða frönskum kartöflum, heilum, steikt-
um lauk, allskyns soðnu grænmeti,
steiktum sveppum eða hráu grænmetis-
salati.
Vínarsnitzel.
% kg. beinlaust svínakjöt.
Salt, pipar.
3 eggjahvítur.
Brauðmylsna.
80 g. smjörlíki.
1 msk. smjör.
8 sítrónusneiðar.
Kryddsíld.
Kapers.
2 dl. kjötsoð.
2 msk. sherry.
Framh. á bls. 24