Fálkinn - 18.11.1963, Blaðsíða 4
Undanfarnar vikur hafa verið á Hótel Sögu allnýstárlegir skemmtikraft-
ar, eftir því sem gerzt hefur hérlendis, þótt algengir séu ytra. Það er svonefnt
„Floor-Show“, hópur dansfólks sem sýnir listir sínar, gestum til yndisauka
á meðan þeir njóta veitinga staðarins.
Hér er um að ræða þekktan enskan dansara, Willy Martin að nafni, sem
hefur skemmt á mörgum frægum stöðum í heimalandi sínu og víðar, og nýtur
þar mikils álits. Er hann sjálfur j,aðalnúmerið“ í sýningunni, en með honum
eru sex stúlkur, sem dansa með honum. Eru þær meira til uppfyllingar
í sýninguna en sem listdansarar, enda er sú venja með sýningar sem þessar.
Er þá lagt meira upp úr því, að þær séu til einhvers augnayndis gestunum,
en þær hafi náð mjög langt á listabrautinni. Og þau skilyrði uppfylla þessar
stúlkur fullkomlega.
Oft er skipt um búninga, meðan á sýningunni stendur, og eru þeir hinir
litauðugustu, og gerir skemmtileg lýsing, sem einnig er nýstárleg hér, sitt
til að lífga upp á þá.
Þá hefur einnig að undanförnu skemmt á Hótel Sögu þekktur enskur
dægurlagasöngvari, Dick Jordan, sem hefur verið nefndur „hinn brezki
Bobby Darin“, en þann fugl kvað vera óþarft að kynna þeim, sem á annað
borð hafa áhuga fyrir dægurlaga-
söng. Dick Jordan mun hér einkum
þekktur fyrir eitt lag, sem oft hefur
heyrzt í danslagatímum útvarpsins,
the Music“, en hann hefur
sungið fleiri lög inn á plötur fyrir
Columbia og Oreal.
Runólfur ljósmyndari brá sér á
Sögu eitt kvöldið og tók þá með-
fylgjandi myndir. Ein þeirra er af
Dick Jordan, þar sem hann syngur
eitt uppáhaldslaga sinna, en hinar
tvær eru af stúlkunum, sem fram
koma í dansinum, en nöfn þeirra
vitum við því miður ekki um.