Fálkinn - 14.02.1966, Blaðsíða 8
MILL J ARÐ ABRÚÐUR
Þau giftu sig í Jóhannesarborg í S-Afríku fyrir skemmstu.
Nöfn hinna lukkulegu eru Mary Oppenheimer og George Wandell,
hún er dóttir demantakóngsins Ernest Oppenheimers, sem dó fyrir
17 árum og lét dóttur sinni eftir u. þ. b. 4,8 milljarða króna, svo
ekki ættu ungu hjónin að þurfa að horfa í peninginn í framtíðinni.
Brúðkaupsveizlan var heldur ekki af verri endanum. Ekki færri
en 4000 af ríkustu mönnum heims hafi verið þar meðal boðsgesta.
Brúðguminn er hinsvegar venjulegur brezkur „rugby“ leikari og
ekki vitum við hvort jafnræði er með þeim hjónum peningalega séð.
inm ,\ o« YFIRBOT
Brezki kvikmyndaleikarinn Peter O’Toole gat
sér mikið orð fyrir frammistöðu sína í kvik-
myndinni um Arabíu-Lárus, en hún var sýnd í
Háskólabíói í fyrra. Nú er hann að leika í mynd,
sem gerð er eftir skáldsögu Josheps Conrad,
Lord Jim. Tarna er heldur skrítinn náungi,
sem vill komast til metorða í Austurlöndum.
Hann elskar meðbræður sína, en svíkur þá
þegar mest ríður á til að bjarga eigin skinni.
Þar með hefur hann eyðilagt hluta af sínum
betri manni og samvizkan nagar hann sí og æ
og hann eyðir því sem eftir er ævinnar til að
reyna að bæta fyrir brot sitt.
Fangar ng manniíðarmál
Anna María er 17 ára gömul, en örlögin
hafa slegið hana þeim hryllilega sjúkdómi
er blóðkrabbi nefnist (leukæmi). Hún væri
að líkindum löngu dáin, ef fangarnir í ríkis-
fangelsinu í Indiana ríki hefðu ekki komið
sér saman um að sjá henni fyrir öllu því
blóði, sem hún þarf á að halda. Til þessa
dags hefur hún fengið um 80 litra af blóði
úr fangelsinu og hér á myndinni sést hún
(önnur frá vinstri) koma út úr fangelsinu
eftir að hafa þakkað föngunum blóð- og líf-
gjöfina.
8
FALKINN