Tímarit iðnaðarmanna - 01.12.1971, Blaðsíða 20

Þrjú heiðruð
á iðnþingi
Vigfús Sigurðsson, forseti Landssambandsins afhendir heiðurs-
merkin:
Hér fyrir ofan: Grímur Bjarnason, pípulagningameistari.
A nœstu síðu, efri myndin: ísafold Jónsdóttir, kvenhattameistari.
Neðri myndin: Sigríður Þorsteinsdóttir, kjólameistari.
Ljósm.: Ljósmyndastofa Þóris.
Á 33. Iðnþingi íslendinga, sem haldið var í Reykjavík
dagana 16—18. september sl. var Grímur Bjarnason, pípu-
lagningameistari, sæmdur heiðursmerki iðnaðarmanna úr
gulli og þær ísafold Jónsdóttir, kvenhattari og Sigríður
Þorsteinsdóttir, kjólameistari, sæmdar heiðursmerkjum
iðnaðarmanna úr silfri.
Vigfús Sigurðsson, forseti Landssambands iðnaðar-
manna, afhenti þeim ísafoldu og Sigríði heiðursmerkin á
Iðnþinginu, en þar sem Grímur Bjarnason var á spítala,
var honum afhent heiðursmerkið h. 6. október.
Grímur Bjarnason, pípulagningameistari, hefur um
langt skeið verið forystumaður í félagsmálum iðnaðar-
manna. Hann var í nokkur ár í stjórn Sveinafélags pípu-
lagningamanna og formaður Félags pípulagningameistara
um langt skeið. Einnig var hann formaður Meistarasam-
bands byggingamanna frá 1960 þar til á þessu ári og
framkvæmdastjóri þess í nokkur ár. Hann hefur verið
fulltrúi á Iðnþingum í fjölda ára og starfað í milliþinga-
nefndum.
Sigríður Þorsteinsdóttir var ein af 12 stofnendum Fé-
lags kjólameistara árið 1943 og var í fyrstu stjórn þess.
Hún hefur starfrækt kjólasaumastofu í Reykjavík í yfir
50 ár. Hún var kosin af félagi sínu á iðnþing árið 1944
og sat hvert iðnþing allt til ársins 1967.
ísafold Jónsdóttir, kvenhattameistari, lærði hattasaum
og tilheyrandi fagteikningu í Kaupmannahöfn árin 1930
og 1931. Hún var ein af sex fyrstu konunum, sem tóku
sveinspróf í iðninni. Eftir heimkomu frá námi stofnaði
hún hattaverzlun og saumastofu í Reykjavík. Hún hefur
útskrifað allmarga sveina í iðninni. Hún gekk í Kven-
hattarafélag Reykjavíkur árið 1935 og var lengi gjald-
keri félagsins og formaður prófnefndar í mörg ár. Hún
var fyrst kosin á Iðnþing árið 1939 og hefur verið fulltrúi
félags síns á Iðnþingum síðan.
56
TÍMARIT IBNABARMANNA