Tímarit iðnaðarmanna - 01.12.1971, Qupperneq 29

viðeigandi undirbúningi, sbr. ofanritað, en til viðbótar
því veiti garðyrkjuskóli tveggja ára tæknamenntun og
útskrifi garðyrkjutækna.
9. Póst- og símaskóli.
9.1. Símvirkjun. Nefndin leggur til, að rafeindavirkjun
verði samheiti nokkurra iðngreina í útvarps-, símvirkjun-
ar-, fjarskipta-, sjálfvirkni-, rafreikna-, skriftvéla- og
sjúkratækjagreinum, og verði þessar greinar felldar inn í
iðnfræðslukerfið. Skv. þessu yrði símvirkjun ein iðngrein-
in úr hópi rafeindavirkjunargreina. Nefndin gerir ráð
fyrir því, að nám í símvirkjun fari að mestu eða jafnvel
öllu leyti fram á vegum Póst- og símamálastjórnar, og
yrði Póst- og símaskólinn þar með iðnskóli að því, er
varðaði nám í símvirkjun. Náminu lyki með sveinsprófi
skv. iðnfræðslukerfinu.
Námsskipan og námstími í símvirkjun, svo og öðrum
greinum rafeindavirkjunar, er kenndar yrðu í iðnskóla
eða e. t. v. að einhverju leyti í Póst- og símaskóla, yrðu
hliðstæð almennu iðnnámi skv. því kerfi, sem nefndin
mælir með, sbr. lið 1.1. Sama er að segja um inntöku-
skilyrði og réttindi til framhaldsnáms.
9.2. Línumenn, símsmibir, símritarar. Nefndin telur
eðlilegt, að Póst- og símamálastjórn myndi í samráði við
fræðsluyfirvöld námsbraut til undirbúnings þessum sér-
hæfðu störfum, og tengist þær námsbrautir við símvirkja-
námið. Nám í þessum greinum fari algerlega fram á
vegum Póst- og símaskólans.
9.3. Póstafgreiðslumenn. Eðlilegt virðist, að sérmennt-
un póstafgreiðslumanna fari algerlega fram á vegum
Póst- og símamálastjórnar, þ. e. í Póst- og símaskólanum.
11. Nokkrar sérstakar námsbrautir.
11.1. Iðjuþjálfun. Nefndin leggur til, að iðnskólum
verði falið að láta í té iðjuþjálfun í einstökum greinum í
samráði við samtök atvinnuveganna. Verði hér um að
ræða hreina handbragðaþjálfun, ásamt í vissum tilvikum
nokkru tilheyrandi tæknibóknámi, og verði slík þjálfun
að jafnaði skipulögð sem allt að eins skólaárs nám.
11.3. Pcekniteiknun. Iðnskólinn í Reykjavík heldur nú
námskeið fyrir tækniteiknara, og er það um 700 stundir
alls. Nefndin leggur til, að námsbraut þessi verði gerð að
reglulegu námi við iðnskóla, er standi í fullt skólaár, og
verði lengingin einkum fólgin í að auka við þátt hag-
nýtrar stærðfræði í náminu, svo og því að sérhæfa námið
lítillega í lokin. Jafnframt verði á árunum 1972-1973
gerð sérstök athugun á þörfinni fyrir tækniteiknara og
skyldar greinar aðr.toðarfólks og gerðar tillögur til ráðu-
neytisins um fram íðaruppbyggingu þessa náms.
11.4. Iðnhönnun. Nefndin leggur til, að sérstök at-
hugun verði gerð, er miði að stofnun námsbrautar fyrir
iðnhönnuði innanlands. Þyrfti þá að áthuga m. a. þörf
þjóðfélagsins fyrir sérhæfða iðnhönnuði og greina þörf-
ina eftir sviðum þessarar greinar (málm-, leirkera-, hús-
gagna-, fatnaðar-, auglýsinga- og e. t. v. ljósmyndunar-
sviðs). Einnig þyrfti að athuga heppilegasta staðsetn-
ingu námsbrautarinnar í íslenzku skólakerfi, en umrætt
svið virðist liggja einna næst Myndlista- og handíðaskól-
anum. Jafnframt þyrfti að athuga möguleika á að opna
þessa námsbraut fyrir iðnaðarmönnum á skyldum svið-
um, svo og hugsanlega samræmingu á hluta af viðkom-
andi námsefni iðnskóla við nám x Myndlista- og hand-
íðaskólanum til að auðvelda nemendum framhaldsnám í
iðnhönnun.
11.5. Nám arkitekta. Nefndin leggur til, að stjórnskip-
uð verði sérstök nefnd, er fjalli um skýrgreiningu á
verksviði arkitekta og athugun á myndun námsbrautar
fyrir arkitekta innanlands.
12. Verknám í gagnfrceðaskóla.
Nefndin leggur til, að auk skyldunáms í verklegum
greinum verði nemendum gefinn kostur á valnámi í
slíkum greinum frá og með 7. bekk skyldunámsstigs.
Markmið valnámsins verði einkum að efla almennt verks-
vit nemenda og þjálfa handlagni þeirra og formskyn, svo
og að kynna nemendum tiltekin verkleg störf. Nefndinni
þykir hæfilegt, að í 7. bekk nemi slíkt valnám 2 viku-
stundum, í 8. bekk 4, og í 9. bekk 7 vikustundum. Ætla
má, að þær verklegu valgreinar, er veita mundu nem-
endum aukinn undirbúning að verknámi á framhalds-
skólastigi, verði einkum á sviði tré- og járniðnaðar, véla-
meðferðar og matvælaiðnaðar.
13. Námsskrárgerð, námseiningar, punktakerfi, námsmat.
Nefndin leggur til, að allar námsskrár á framhalds-
skóla- og háskólastigi verði framvegis þannig samdar, að
unnt sé að meta námsefnið samkvæmt samræmdu ein-
ingamati eða námsstigagjöf. Telur nefndin eðlilegast, að
námsefnið verði metið þannig, að hver námseining eða
námsstig samsvari einni námsviku í fullu starfi. Er þetta
í samræmi við það kerfi, sem þegar er komið til fram-
kvæmda í viðskiptadeild og verkfræði- og raunvísinda-
deild Háskóla íslands.
Slíkar námsskrár verði lagðar til grundvallar við gerð
áætlana um fjármögnun, byggingu og tækjabúnað skóla-
lxúsnæðis, bæði fyrir bóklegar og verklegar námsgreinar.
í námsskrá fyrir hverja námsgrein skal koma fram al-
mennur tilgangur með kennslu í greininni á viðkomandi
skólastigi, námsefni og skipting þess í þætti, svo og ein-
ingafjöldi hvers þáttar. Fyrir hvern þátt verði ýtarlega
skilgreint markmið, og verði reynt að setja skilgreining-
una þannig fram, að auðvelt sé að prófa, hvort markmið-
inu hafi verið náð í kennslunni. Þá skal námsskrá til-
greina gerð og fyrirkomulag prófa. Ábendingar um
kennsluaðferðir og kennslutæki skulu jafnframt vera
í námsskrá, og loks skal námsskráin gefa leiðbeiningar
um æskilegan undirbúning kennara fyrir kennslu í grein-
ini, og er þá átt við almenna grundvallarmentun, sér-
menntun og hugsanlega endurmenntun (þjálfunarnám-
TÍMARIT IÐNAÐARMANNA
65