Fréttablaðið - 12.11.2009, Blaðsíða 2

2 12. nóvember 2009 FIMMTUDAGUR
Friðrik, er þetta skötuselsfrum-
varp í skötulíki?
„Já, og manni verður nú ekki um
sel að sjá ráðherra skripla svona á
skötunni.“
Ríkisstjórnin vill selja 2.000 tonna kvóta
af skötusel. Friðrik J. Arngrímsson, fram-
kvæmdastjóri LÍU, segir það ganga þvert
á fyrri loforð ríkisstjórnarinnar.
ÖRYGGISMÁL „Mér fannst sérkenni-
legt þegar það pípti ekki í neinu og
maður var búinn að gera allt eins
og átti að gera að þá væri forseti
Alþingis tekinn og þuklaður hátt
og lágt,“ segir Ásta Ragnheiður
Jóhannesdóttir, forseti Alþingis.
Ásta og fleiri fóru utan sunnu-
daginn 1. nóvember í opinbera
heimsókn til Króatíu í boði þings-
ins þar. Eins og aðrir fór Ásta úr
jakka og skóm og gekk á sokka-
leistunum í gegnum öryggishlið í
Leifsstöð.
„Það pípti ekkert í hliðinu en ég
var tekin til hliðar og leitað á mér
hátt og lágt. Ég gerði enga athuga-
semd við það en spurði hvort þetta
væri venja þegar pípir ekki í neinu.
Mér var sagt að þetta væri stund-
um gert,“ segir þingforsetinn og
ítrekar að öryggisverðir í Leifsstöð
hafi einungis verið að sinna sínu
starfi. „Það er virðingarvert og
sjálfsagt að það sé leitað vel áður
en fólk fer í flugvélar en þetta kom
mér bara svolítið á óvart.“
Nánast enginn er undanþeginn
leit í öryggishliðinu á Keflavíkur-
flugvelli. Friðþór Eydal hjá Kefla-
víkurflugvelli ohf. segir Flug-
málastjórn gefa út hverjir séu
undanþegnir öryggisleitinni. For-
seti Alþingis sé ekki á þeim lista.
„Þeir sem eru undanþegnir
eru forseti og forsætisráðherra
og makar þeirra, lögreglumenn
og tollverðir á flugvellinum og
erlendir þjóðhöfðingjar sem eru
í boði íslenskra stjórnvalda og til-
kynning berst um frá utanríkis-
ráðuneyti,“ upplýsir Friðþór.
Forseti Alþingis og forseti
Hæstaréttar eru auk forsætis-
ráðherra handhafar forsetavalds
þegar forseti er ekki á landinu.
Aðspurður segir Friðþór hand-
hafana sem slíka ekki vera á áður-
nefndum lista Flugmálastjórn-
ar. Það sama eigi meðal annars
við um sendiherra erlendra ríkja.
„Starfsmenn flugvallarins, þar á
meðal flugverndarverðirnir, eru
sjálfir ekki undanþegnir,“ segir
Friðþór sem kveður alls ekkert
óvenjulegt við það að leitað sé á
fólki þótt öryggishlið hafi ekki pípt
á það. „Hér eru gerðar alls konar
reglubundnar handahófsúttektir.“
gar@frettabladid.is
Þuklað á þingforseta
á Keflavíkurflugvelli
Forseti Alþingis segir sérkennilegt að hafa verið tekinn í líkamsleit í Leifsstöð
þótt öryggishlið hafi ekki gefið frá sér viðvörunarhljóð. Þingforsetinn er ekki
undanþeginn öryggisleit eins og forseti og forsætisráðherra og makar þeirra.
Í LEIFSSTÖÐ Friðþór Eydal hjá Keflavíkurflugvelli ohf. segir reglulega leitað á fólki við
öryggishliðið í Leifsstöð þótt nemar í hliðinu gefi ekki frá sér hljóð.
ÓLAFUR RAGNAR
GRÍMSSON
JÓHANNA
SIGURÐARDÓTTIR
FRIÐÞÓR
EYDAL
ÁSTA RAGNHEIÐUR
JÓHANNESDÓTTIR
STJÓRNSÝSLA Lögreglan á höfuð-
borgarsvæðinu og Útlendinga-
stofnun hafa stillt saman strengi
og sameinast um skilning á þeim
ákvæðum laga um útlendinga sem
snúa að heimildum til að vísa fólki
úr landi leiki grunur á að það hafi
í hyggju að fremja lögbrot.
Stefán Eiríksson lögreglustjóri
lýsti þeirri skoðun sinni á Bylgj-
unni í síðustu viku að Útlend-
ingastofnun beitti ekki tiltækum
úrræðum gagnvart glæpamönn-
um sem kæmu hingað til lands
í þeim tilgangi einum að fremja
afbrot.
„Lögreglan og Útlendingastofn-
un hafa farið yfir verkferla með
það að markmiði að þetta geti
gengið hraðar og betur fyrir sig
og ég vona að þetta skili því að
heimildir til brottvísunar brota-
manna verði fullnýttar,“ sagði
Stefán í samtali við Fréttablaðið
í gær.
Í útlendingalögum segir að
heimilt sé að vísa fólki úr landi ef
það er nauðsynlegt með skírskotun
til allsherjarreglu eða almannaör-
yggis. Manni með refsidóm á bak-
inu má vísa úr landi ef hann telst
líklegur til að fremja lögbrot.
Ákvörðun um brottvísun er í
höndum Útlendingastofnunar og
er það hennar að meta hvort grípa
beri til úrræðisins.
Stefán Eiríksson segir stofnun-
ina annað slagið hafa vísað fólki
úr landi á grundvelli þessa laga-
ákvæðis en til þess megi grípa í
mun meiri mæli. - bþs
Lögreglan og Útlendingastofnun hafa farið yfir verkferla og stillt saman strengi:
Oftar verði gripið til brottvísunar
ALÞINGI „Nú eru reykingar bannaðar í öllu húsnæði
þingsins og reyndar ríkisins líka. Þá er öll neysla
matar og drykkjar annars en vatns bönnuð hér í
þingsal og okkur þingmönnum gert að klæða okkur
snyrtilega. Því finnst mér skjóta
skökku við þegar háttvirtir þing-
menn og hæstvirtir ráðherrar
taka hér í nefið eins og ekkert
sé sjálfsagðara,“ sagði Margrét
Tryggvadóttir, þingkona Hreyf-
ingarinnar, sem tók neyslu tóbaks
fyrir í umræðum um störf þings-
ins í gær.
„Menn fara misdult með þetta
og eru missnyrtilegir en aðrir
eru hreinlega subbulegir og veifa
vasaklútum með brúnum horklessum um þingsalinn
og það á tímum svínaflensunnar,“ bætti Margrét
við. Henni var ekki skemmt, ólíkt þingheimi, og
minnti á að landlæknir hefði varað við neyslu nef-
tóbaks enda væru á þriðja tug efna í tóbakinu sem
sannað væri að væru krabbameinsvaldandi.
Margrét, sem vildi ekki einungis benda á sóða-
skapinn sem af tóbaksneyslu þingmanna hlýst, benti
á að störf þingsins hefðu orðið fyrir truflun vegna
tóbakskorna sem gert hafi kosningakerfi þingsins
óvirkt á stundum. Margrét skoraði á forseta þings-
ins að íhuga að setja reglur um tóbaksnotkun. - shá
Margrét Tryggvadóttir, þingkona Hreyfingarinnar, vill reglur um tóbaksnotkun:
Neftóbak truflar störf þingsins
ÞINGHEIMUR Neftóbaksneysla þingmanna og ráðherra er
gagnrýnd. FRÉTTABLAÐIÐ/GVA
MARGRÉT
TRYGGVADÓTTIR
Ég
vona að
þetta skili því
að heimildir til
brottvísunar
brotamanna
verði fullnýttar.
STEFÁN EIRÍKSSON
LÖGREGLUSTJÓRI
HAPPDRÆTTI Íslendingur vann
rúmar 107 milljónir króna í Vík-
ingalottóinu í gær. Potturinn var
tvöfaldur og skipti Íslendingur-
inn vinningnum með Norðmanni
Sá sem fékk milljónirnar 107
keypti miðann í Vídeómarkaðn-
um Hamraborg.
Þetta er í 15. skipti sem fyrsti
vinningur í Víkingalottóinu
kemur til Íslands og er þetta
jafnframt stærsti vinningurinn
til þessa.
Vinningsmiðinn er 10 raða
sjálfvalsmiði án Jókers sem kost-
aði 500 krónur og var seldur í
gær.
- kh
Heppinn Íslendingur:
Vann 107 millj-
ónir í lottóinu
BIFRÖST Háskólaráðið vill að möguleikar
til stuðnings háskólaþorpa séu auknir.
FRÉTTABLAÐIÐ/VILHELM
MENNTUN Háskólaráð Borgar-
byggðar hvetur stjórnvöld til að
huga sérstaklega að háskólastofn-
unum á landsbyggðinni. Taka
verði tillit til þess að menntun
sé mótvægisaðgerð í kreppu og
atvinnuleysi. Skessuhorn greinir
frá þessu.
Þá ályktar ráðið sérstaklega
um háskólastofnanir landsbyggð-
arinnar; taka verði tillit til þess
aukakostnaðar sem þær nú bera
vegna þátttöku í rekstri grunn-
þjónustu. Þá verði að auka mögu-
leika sveitarfélaga til að byggja
upp þjónustu við háskólaþorp,
meðal annars með þátttöku jöfn-
unarsjóðs sveitarfélaga. - kóp
Háskólaráð Borgarbyggðar:
Hugað verði að
háskólunum
TÆKNI Þúsundum tölvuleikjanot-
enda hefur verið bannað að spila
Xbox Live-leiki á Netinu eftir að
þeir spiluðu sjóræningjaútgáfur
af nokkrum vinsælum leikjum.
Talið er að bannið nái til allt að
600 þúsund manns.
Microsoft fyrirtækið staðfesti
að fyrirtækið hefði bannað „litla
prósentu“ af þeim 20 milljónum
notenda sem spila Xbox Live úti
um allan heim. Samkvæmt fyrir-
tækinu fóru notendur á svig við
notendaákvæði leikjanna. Fyrir
vikið geta þeir ekki spilað.
600 þúsund tölvunördar:
Bannað að spila
Xbox á Netinu
LOKAÐ Ferðaklúbburinn segir lokun
einkavega hafa ágerst eftir að þéttbýlis-
búar og eignarhaldsfélög fóru að kaupa
jarðir. FRÉTTABLAÐIÐ/VILHELM
FERÐALÖG Ferðaklúbburinn 4x4
lýsir ánægju sinni með að Þing-
vallanefnd hyggist sporna við því
að vegum sé lokað í þjóðgarðinum
og aðgangur almennings þannig
takmarkaður.
Klúbburinn bendir á að í nátt-
úruverndarlögum sé sérstaklega
kveðið á um rétt almennings til að
ferðast um landið, enda sé nátt-
úra landsins sameign þjóðarinnar
hvað sem líður eignarhaldi. Lengst
af hafi verið skilningur hjá land-
eigendum á þessum rétti, en á síð-
ustu árum hafi læst hlið og keðjur
illu heilli skotið æ oftar upp kollin-
um, í kjölfar þess að þéttbýlis búar
eða eignarhaldsfélög hafi keypt
upp landeignir. - kóp
Ferðaklúbburinn 4x4:
Fagna opnun
vega í þjóðgarði
BANDARÍKIN, AP Barack Obama
Bandaríkjaforseti nýtur stuðn-
ings 54 prósenta Bandaríkja-
manna, ef marka má niðurstöður
nýrrar könnunar AP. Það er svip-
aður stuðningur og hann naut í
síðasta mánuði, en í janúar, þegar
Obama tók við, studdu 74 prósent
Bandaríkjamanna forsetann.
Hlutfall þeirra sem telja Banda-
ríkin ekki á réttri leið eykst jafnt
og þétt, er nú 56 prósent, var 51
prósent í október og 49 prósent
í janúar. Fjöldi erfiðra verkefna
bíður Obama; efnahagsaðgerð-
ir, stríðið í Afganistan, umbæt-
ur á heilbrigðiskerfinu og frekari
áhersla á umhverfismál. - kóp
Bandaríkjamenn neikvæðari:
Meirihluti styð-
ur Obama enn
SPURNING DAGSINS