Vikan - 04.12.1958, Blaðsíða 37

L E I K L I S T
\
Reyfari — og þó
Leikfélcig Reykjavíkur:
ÞEGAR NÓT1VN KEMUR, eftir Emlyn
Williams. Leikstjóri: Helgi SÍcúlason.
Það er hinn æsilegasti leikur, sem Leikfélag
Reykjavíkur sýnir um þessar mundir, sem sé tvö
morð og hefði margur látið sér nægja minna.
Höfundurinn, Emlyn Williams er heimsþekktur
maður bæði sem sviðsleikari, kvikmyndaleikari,
leikritahöfundur og sendiherra. Auk þess hefur
hann samið mörg kvikmyndahandrit. Um hann
og leikhússtörf hans hefur verið skrifuð stór bók.
En öll þessi afköst og frægð endist honum skammt
með tilliti til leikritsins, Þegar nóttin kemur.
Þetta er, á ytra borði, knallreyfari og sumir taka
ef til vill alls ekki eftir því, að þetta sé annað né
meira, en þó er þetta einungis umgerð um sálar-
Gísli Halldórsson sem Dan.
farslýsingu brotamanns og hún er afbragðs vel
gerð. Um þetta leikrit má því segja bæði gott
og illt. Hitt er svo annað mál, að meðferð leik-
stjóra og leikenda er mjög góð. Leikstjóri er
Helgi Skúlason, hinn efnilegi leikari, sem hefur
nú fengið orlof frá Þjóðleikhúsinu tií að stjórna
leik hjá Leikfélaginu. Leikstjórn Helga er vönd-
uð og ber vott um að hann hefur glöggt auga
fyrir ýmsum smáatriðum sem auka áhrif og geta
þannig orðið nokkuð stór, svo sem tónum, ljós-
brigðum og myrkurhrifum. Aðalhlutverk voru
í höndum ágætra leikara. Gísli Halldórsson, sem
að vísu er dálítið einræmislegur sem leikari, átti
ágætlega heima i<þ'essu hlutverki og gerði því
hin prýðilegustu skil. Einkum sýndi hann með
ágætum sálarstríð og innri baráttu brotamanns-
ins. Auróra Halldórsdóttir lék og prýðilega hina
öldnu ,,lömuðu“ ekkjufrú. Henni mistekst sjaldan
eða aldrei. Guðmundur Pálssön og Helga Bach-
mann fóru með hlutverk sín á mjög sannfærandi
hátt. Nína Sveinsdóttir lék frú Terence mjög
skemmtilega. Nína hefur oft sýnt, að hún er af-
bragðsleikkona og er ekki í neinni afturför.
Guðrún Ásmundsdóttir sýndi skemmtileg tliþrif.
Jón Sigurbjörnsson, sem sýnir í Allir synir mínir,
að hann er afbragðsleikari, fer þarna með hlut-
verk lögregluforingja og verður ekkert að honum
fundið. Guðrún Isleifsdóttir fór snotui’lega með
lítið hlutverk.
Ýmislegt má að þessu leikriti finna, m. a.
það, að spennan er að mestu leyti búin í lok
annars þáttar og maður veit hérumbil strax,
hver brotamaðurinn er. En þó mun þetta leik-
rit vænlegt til mikilla vinsælda.
Karl Isfeld.
Þetta eru skáparnir sem allar
konur óska sér
BOSCH
Fjórar mismunandi stærðir
heimilisskápa.
Fást einnig handa verzlun-
um og hótelum.
BRÆÐURNIR ORMSSON %
Vesturgötu 3 — Sími 11467
VIKAN
37