Veðrið - 01.04.1975, Blaðsíða 5

Minning
Ólafur Einar Ólafsson
Ólafur Einar Ólafsson veðurfræðingur
lézt í Landakotsspitala 16. september
1974 á 46. aldursári. Hann var fæddur
í Háhold í Reykjavík 21. nóvember
1928, sonur lijónanna Sigrúnar Krist-
jánsdóttur og Ólafs Einarssonar sjó-
manns. Atvikin höguðu því svo til að
foreldrar Ólals slitu samvistum þegar
hann og systkini hans voru enn börn
að aldri. Var liann á bernskuárum sín-
um í fóstri á ýmsum bæjum við Hval-
fjörð, en síðast og lengst að Hálsi i
Kjós, þar sem hann átti gott athvarf
er hann mat mikils alla tíð.
Hugur Ólafs Einars hneigðist snemma
til náms, og var það þó eigi greiðfær
leið fyrir þann, sem treysta varð i öllu
á sjálfan sig. Minnist ég þess enn
glöggt er ég sá hann fyrsta sinni, bjart-
leitan og æskuglaðan í Gagnfræðaskólanum í Reykjavík. Síðan lágu leiðir okkar
saman um Menntaskólann í Reykjavík og Háskólann í Osló, þar sem við lögðum
stund á sömu námsgreinar og deildum kjörum á ýmsa lund. Er mér mjög ljúft
að minnast vináttu og sameiginlegra ánægjustunda frá liðnum árum og marg-
háttaðra samskipta við góðan dreng.
Ólafur Einar lauk stúdentsprófi frá stærðfræðideild Menntaskólans í Reykja-
vík vorið 1948 og lagði að því loknu stund á nám í veðurfræði og skyldum grein-
um við Háskólann í Osló. Lauk liann þar kennaraprófi (cand. mag.) í stærð-
fræði, aflfræði og landafræði árið 1954, en embættisprófi í veðurfræði (cand.
real.) árið 1958. Fjallaði prófritgerð hans um loftmassa yfir íslandi.
í ársbyrjun 1956 var Ólafur Einar ráðinn veðurfræðingur við veðurstofuna á
Keflavíkurflugvelli, og starfaði hann þar jafnan síðan, ef undan er skilið stutt
orlof til að ljúka lokaprófi. Fyrr á námsárum sínum hafði hann einnig starfað
við áhaldadeild og veðurfarsdeild Veðurstofunnar og við veðurspádeildina á
Reykjavíkurflugvelli. Reyndist hann nýtur og farsæll starfsmaður livar sem hann
gekk að störfum. Megináhugamál hans voru þó á sviði veðurspáfræði, og sem
Ólafur Einar Ólafsson
VEÐRIÐ — 5