Vikan - 26.09.1963, Blaðsíða 4

brjóstahöld og mjaðmabelti
í fjölbreyttu úrvali.
vörur eru þekktar
um allan heim fyrir gæði.
Úti á kvöldin . . .
Kæri Póstur.
Mig langar til þess að spyrja
þig að einu. Ég er 13 ára. Svo
er mál með vexti, að okkur
mömmu kemur mjög illa saman,
þannig, að hún vill alltaf að ég
fari svo snemma að hátta. Og
svo þegar vinkonur mínar eru
hjá mér á kvöldin, þá rekur hún
þær heim klukkan hálf tíu. í
vetur síðastliðinn var þetta
hræðilegt. Ég var fyrir hádegi í
skóla, en bezta vinkona mín eftir
hádegi. Þess vegna gátum við
ekki hitzt fyrr en á kvöldin, og
þá gekk það svona. Mamma rak
hana heim klukkan hálf tíu. Vin-
konur mínar þora varla að koma
til mín nú orðið, þeim finnst þær
vera svo óvelkomnar. En nú í
sumar hef ég verið agaleg'a frek
við mömmu og núna fæ ég líka
að vera miklu lengur úti á
kvöldin. Þó að ég sé frek við
mömmu finnst mér samt agalega
vænt um hana. Hvað á ég að
gera, Póstur minn? Mér finnst
hræðilega leiðinlegt að vera
svona frek við mömmu, en ef ég
er það ekki þá má ég aldrei
hreyfa mig. Viltu nú svara þessu
bréfi. Ég hef áður sent bréf en
þá fékk ég ekki svar.
Svo þakka ég þér fyrir allt
það góða sem þú birtir.
Pelabarn.
P. S. Hvernig er skriftin?
Svar til „Pelabarns“.
------— Þú ert nú ekki nema
þrettán ára ennþá, vinkona, svo
mér finnst þú varla geta verið
mjög heimtufrek við mömmu
þína, hvað þetta snertir. Hitt
finnst mér skiljanlegt að þér
sárni hve snemma hún sendir
vinkonur þínar heim, en máske
gerir hún það af tillitssemi við
þig. Þú ættir nú að reyna að
koma henni í skilning um hve
mikið betra er fyrir hana að
hafa vinkonur þínar heima hjá
þér, heldur en að þú sért að þvæl-
ast með þeim úti á kvöldin.
Reyndu líka að benda henni á
öll þau óhöpp sem alltaf eru að
henda stúlkur á þínum aldri,
hver veit nema hún átti sig við
slíka ábendingu.
Skriftin er ösköp sæmileg, en
alltaf finnst mér ljótt að sjá
endaorð í línu beygð niður í stað
þess að skipta einfaldlega orð-
unum.
Fleiri bindi.
Kæri póstur.
Ætlar Kristmann ekki að skrifa
fleiri bindi af ævisögunni sinni?
Eða er hann fastráðinn hjá Vik-
unni?
Guggi.
--------— Ekki er hann fastráð-
inn enn. En ég get ímyndað mér,
að hann hafi haft nóg að gera
við að skrifa þessa sögu handa
Vikunni. Auk þess var hann kom-
inn alla leið aftur í síðustu mán-
uði eða svo í síðasta hindi af
ævisögunni, svo að ég held við
ættum að leyfa honum að upplifa
efni í svo sem eina bók, áður en
hann hefst handa við næsta bindi.
Hvað viltu borga ... ?
Kæra Vika.
Ég er nýbúinn að skrifa
nokkuð langa smásögu, sem
mig langar til að fá birta. Nú
datt mér í hug að fá hana birta
í Vikunni. En svo er spurningin:
Hvað viltu borga?
Semjari.
---------Fimm aura. Við borg-
um yfirleitt fimm aura fyrir
svona brandara. — Nei, vinur
sæll, við kaupum ekki svona
auðveldlega köttinn í sekknum.
Fyrst er nú að líta á framleiðsl-
una. Ef hún reynist nothæf skul-
um við kannski fara að tala um
borgun.
Sínöldrandi.
Kæri Póstur.
Ég er alveg í vandræðum með
hann bróður minn. Hann er
tveimur árum eldri en ég og er
alltaf sínöldrandi. Ég má ekkert
gera, án þess að hann fari að
nöldra út af því. Honum finnst
allt, sem ég geri, asnalegt og
vitlaust. Kanntu nokkurt ráð til
þess að lækna svona nöldur?
Anna.
— — — Þú átt hreinlega að
skella skollaeyrum við ötlu þessu
nöldri — þykjast bara ekki heyra
í honum — þá gefst hann fljótt
upp.
Annars eiga þeir, sem búa í
glerhúsi, helzt ekki að vera að
kasta steinum. Hvað varst þú að
gera, þegar þú skrifaðir þetta
bréf?
^ — VIKAN 39. tbl.