Vikan - 03.10.1963, Síða 4

»
ÞórhallurSigurjónsson hf
Þingholtsstræti 11
Símar 18450 og 20920
Vináttusamband við
Danmörku.
Vikublaðið Vikan,
Reykjavík, ísland.
Vinsamlegast setjið eftirfar-
andi tilkynningu í blaðið: Dönsk
stúlka lýsir eftir ungum manni,
sem heitir PÉTUR og var í
sumarleyfi í Danmörku. Þú
varst á balli í Slagelse (i An-
lægget) sunnudaginn 4. ágúst og
við dönsuðum mikið saman. Ég
var í hvítum kjól með brúnum
blómum og ég var með uppsett
hár. Ef þú lest þetta, vona ég,
að þú skrifir.
Bodil Rasmussen,
Grænge pr Grænge,
Lolland, Danmark.
Alvitri Póstur ...
Kæri Póstur.
Mér hefur fundizt á því að
lesa dálkana þína, að þú sért
alvitur — eða þykist a. m. k.
vera það! Mér finnst ekki til sú
spurning, sem þú treystir þér
ekki til að svara. Nú langar mig
líka til að leggja fyrir þig spurn-
ingu. Hún er kannski dálítið
erfið, en ef dæma má af öllum
þeim svörum, sem þú hefur
treyst þér til að gefa við mörg-
um og margvíslegum vandamál-
um, þá ætti þessi spurning ekki
að vera allt of erfið:
Geturðu sagt mér, hver svar-
ar bréfum Póstsins? X2.
--------Já, já.
Vikan og dönsku blöðin.
Ritstjórn Vikunnar, Rvk.
Ég má til með að skrifa enda
þótt éfnið sé ekki merkilegt.
Mér er alveg sama þótt bréfið
fari í körfuna hjá ykkur. Ég er
nú orðin það sem kallað er mið-
aldra og hef átt fremur rólega
daga. Ég eyði stórum, kannski
alltof stórum hluta dagsins í
lestur. Það voru einkum dönsku
blöðin, sem ég las spjaldanna á
milli. Ég komst ekki í kynni við
Vikuna fyrr en á þessu ári —
ég veit ekki vegna hvers. Ég
verð að játa það, að ég hálf
skammast mín fyrir að hafa ekki
gefið Vikunni gaum því það sé
ég undir eins, að hún hefur
miklu hærri standard en dönsku
blöðin. Sérstaklega dáðist ég að
greinunum um lífskjaramark ís-
lendinga og grein Benedikts frá
Hofteigi um landnám fslands.
Ég er honum hjartanlega sam-
mála. Er hægt að fá Vikuna í
einu lagi síðan blaðinu var
breytt í þetta form?
Með vinsemd og virðingu.
Guðrún Þorsteinsdóttir.
---------Já, það er hægt að fá
Vikuna síðan henni var breytt
seint á árinu 1958. Vikan þakkar
góð orð og vonar að fleiri eigi
eftir að uppgötva þessi sannindi
með dönsku biöðin.
Skalli og lítill vöxtur.
Kæra Vika.
Ég er ungur og ókvæntur
maður, nýsloppinn frá námi og
búinn að fá ágæta stöðu í góðu
fyrirtæki. Ég stunda skemmt-
analífið talsvert eins og eðlilegt
verður að teljast á þessum aldri
og kann vel við mig í félagsskap
fagurra kvenna. En það er einn
hlutur, sem ég hef áhyggjur af
— eða raunar eru þeir tveir: Ég
er að byrja að fá skalla, en hafði
mjög fallegt, liðað hár fyrir. Og
svo er ég helzt til lítill vexti. Er
hugsanlegt, að maður nái nokkr-
um verulegum árangri í við-
skiptum við hið veika kyn, þeg-
ar svona hagar til?
Einn með áhyggjur.
---------Ungi maður — það er
sama hvort um er að ræða fram-
tíð þína í fyrirtækinu, eða ár-
angur í viðskiptum við hið veika
kyn — ekkert hefur minna að
segja heldur en það, hvernig þú
lítur út; hvort þú ert með skalla
eða lítill vexti. Að vísu verður
að gera ráð fyrir, sem gefinni
staðreynd, að þú sért snyrtileg-
ur og gangir smekklega til fara.
En þá eru þér líka allar leiðir
opnar. Það er þinn innri maður,
sem máli skiptir og hvernig þér
tekst að láta aðra sjá hann.
Skallinn getur raunverulega lyft
þér þrepi ofar. Þú virðist eldri
og getur þar af leiðandi borið
niður í þeim hópi kvenna, sem
hefur tekið út fullan þroska og
er að öllu leyti eftirsóknarverð-
ari. I fyrirtækinu getur þetta
verið kostur líka. Skallinn kipp-
ir þér nokkrum árum fram fyrir
jafnaldra keppinauta. Það væri
hægt að benda á marga sköllótta,
litla og fremur óásjálega menn,
sem vegna framgöngu og per-
sónuleika gnæfa hátt yfir þá,
sem hafa bæði hár og hæð en
lítið annað.