Vikan - 28.05.1964, Side 6

Sunnu
ferðir
með fslenzkum
fararstjórum
sumarið 1964
Margra ára reynsla að liaki tryggir farþegum okkar skemmtilegt og snurðu-
laust ferðalag undir leiðsögn reyndra fararstjóra. Flestar ferðir okkar eru farn-
ar óbreyttar ár eftir ár. Vinsælar og viðurkenndar ferðir af þeim fjölmörgu, sem
reynt hafa.
Norðurlandaferð T. júií — 17 dagar.
Flogið til Bergen og farið þaðan í viku ferðalag um hinar undurfögru norsku
fjarða- og dalabyggðir. Leiðin er skipulögð um margar af heimabyggðum ís-
lenzku landnámsmannanna. Dvalið í Osló og nokkra daga í Kaupmannahöfn áður
en farið er heim.
Byggðir Vestur-ísiendinga og Heimssýningin, 27. júlí — 7—30 dagar.
Þessi ferð er miðuð við Heimssýninguna í New York og ferðalög um byggðir
Vestur-íslendinga, x ICanada og Bandaríkjunum. Dvalið verður á Gimli á hin-
um vegiegu hátíðahöldum íslendingadagsins.
París — Rínarlönd — Sviss, 26. ágúst — 21 dagar.
Þessi ferð til eftirsóttustu ferðamannastaða Mið-Evrópu er bæði skemmtileg
og tilbreytingarik, en þó róleg, þar sem ekki er farið of hratt yfir. í París
fær fólk tækifæri tii að skcmmta sér í heimsborg gleðinnar. Farið er með
skemmtibátum á Kin og tekið þátt í hinni óviðjafnanlegu Vínhátíð Rínarbúa.
Loks er dvalið í Luzern,. Meðan dvalið er þar gefst fólki kostur á að fara í
tveggja daga ferð suður yfir Gotthardskarð til Ítalíu.
EdinborgarháiiSin, 23. ágúst — 7 dagar.
Fiogið er til Glasgow og ekið þaðan til Edinborgar. Farið í stutt ferðalög um
hinar undurfögru byggðir skozku hálandanna.
Italía í septembersól, 2. september — 21 dagur.
Þessi ferð hefir reynzt óskaferðin til Ítalíu. Dvalið 2—4 daga í sögufrægustu og
fegurstu borgum Ítalíu, Feneyjum, Florenz, Sorrento við Napoliflóann og fimm
daga í Róm. í stað þess að aka til baka upp alla Ítalíu siglum við með glæsi-
legasta hafskipi ítala Leonaro da Vinci 33.000 smál. með 3 sundlaugum og glæsi-
legum veizlusölum, til Nizza og dveljum þar í nokkra daga áður en flogið er
heimleiðis með viðkomu í London eða Höfn að viid.
Síðsumardagar á Parardísareynni Mallorca, 4. september. — 16 dagar
Flogið til Mallorca og dvaliö þar í háifan mánuð á góðum hótelum, m.a. Bahia
Palace og Sant Ana, sem hundruð Sunnufarþega þekkja frá okkar vinsælu páska-
ferðum. Á heimleiðinni er stanzað i tvo daga í London.
London — Amsterdam — Kaupmannahöfn, 22. september — 12 dagar.
Þetta er stutt og ódýr ferð, þar sem fólki gefst góður tími til að kynnast
þremur helztu borgum Norður-Evrúpu.
Ítalía og Spánn, 25. september — 20 dagar.
Þetta er óvenjuleg ferð, þar sem fólki gefst kostur á að kynnast Ítalíu og Spáni
í sömu ferð og sigía með glæsilegu hafskipi ítala, Cristoforo Colombo, sem er
34.000 lestir, með sundlaugum og veizlusölum. Með skipinu er fariö frá Napoll
tii Gíbraltar. Flogið er til Rómar með viðkomu í London. Þaðan er ekið til
Napoli og Sorrento og dvalið þar við Napolíflóann. Siglt út til Capri. Eftir hina
skemmtilegu ferð með hafskipinu milli Napoli og Gíbraltar er ekið um Sól-
strönd Spánar og dvalið í hinum viðfrægu baðstrandarbæ Torremolinos við
Malaga. Þeir, sem ekki nota allan tímann á baðströndinni þar, skreppa í skyndi-
ferð til Tangier í Marokko. Frá Malaga er ekið hina undurfögru fjallaleið norð-
ur um Granada til Madrid. Þaðan er flogið heim með viökomu í London.
Allar Sunnuferðir eiga það sameiginlegt að eingöngu eru notuð góð hótel,
sem þekkt eru að því að hafa góðan mat og þjónustu. Engar þrcytandi bíl-
ferðir. Flogið eða siglt með skemmtiferðaskipum lengstu áfangana. Reyndir
fararstjórar, sem hafa allt að fimm ára reynslu við fararstjórn í vinsælustu
SUNNUFERÐUNUM. í öllum ferðunum getur fólk framlengt dvölina erlendis
og flogið síðar heim með áætlunarflugvélum.
Við gefum sjálfum okkur ekki einkunn, en spyrjið þá sem reynt hafa. Mörg
hundruð ánægðra viðskiptavina hafa ferðast á vegum SUNNU í hópferðum
og sem einstaklingar. Margir ár eftir ár og oft á ári. Vitnisburður þessa fjöl-
menna hóps viðskiptavina er okkar bezta auglýsing.
FERÐASRIFSTOFAN
SUIMINIA
Bankastræti 7.
Símar 16400 og 21020.
Biðjið um nákvæmar ferðaáætlanir.
Komið, skrifið eða símið.
PANTIÐ SNEMMA, þegar eru marg-
ir skráðir þátttakendur og aðeins
hægt að taka 20—30 manns í ferð.
g — VIKAN 22. tbl.
Gáfnaprófið og
da Vinci
Kæra Vika!
Gáfnaprófið ykkar gerði mikla
lukku hér á mínu heimili og við
lágum í því heila helgi. Ekki
það að ég taki mikið mark á
svona prófum, heldur lít ég á það
sem dægradvöl, líkt og krossgát-
una, sem ég verð að segja, að er
bezt hjá ykkur af þeim sem ég
sé. Hvernig er það með þessi
gáfnapróf og allskonar sérgáfur,
sem geta verið ómetanlegar. Er
til dæmis víst að Leonardo da
Vinci hefði fengið 190 þó höf-
undi greinarinnar finnist það
líklegt .Var ekki Vinci fyrst og
fremst listamaður, enda þótt hann
væri einnig snjall vísindamaður
og hugsuður?
Með þökk og kærri kveðju.
Tóri.
------ — Þetta er réttilega at-
hugað og var raunar minnst eitt-
hvað á það í greininni. Frábær
minnisgáfa kemur ekki í ljós af
svona prófi, sömuleiðis ekki fag-
Urfræðilegt skyn eins og stíl-
snilld og múþíkölsk sköpunar-
gáfa. Það sem hér er um að ræða,
er eins og sagt var í greininni
það sem þeir kalla fyrir vestan
„analytical power“, hvernig í
ósköpunum sem það má nú út-
leggjast á vort ástkæra, ylhýra
mál.
Vill vera kurteis ...
Kæra Vika!
Ég er sölumaður hjá verzlun
einni hér í borg og allan liðlang-
an daginn er ég á þönum til að
hitta menn og selja þeim vör-
ur, sem fyrirtæki mitt hefur á
boðstólum. Ég hitti daglega fjölda
manns, einkum allskonar verzl-
unarmenn eða kaupmenn. Þar
sem ég er ungur maður og vil
ógjarna meiða neinn viljandi, þá
hef ég það fyrir venju, að þéra
menn, þar sem ég kem til að gera
viðskipti, selja vörur og taka
á móti pöntunum. Margir og sér-
staklega hinir eldri menn, þéra
mig á móti, en fara svo að þúa
mig þegjandi og hljóðalaust eft-
ir að ég er búinn að tala við þá
í svo sem fimm mínútur. í sjálfu
sér er ég á móti þéringum og
leiðist þær, en þær eru oft eina
lausnin. Samt finnst mér þetta
hálfu verra, þegar fullorðinn
maður byrjar á því að þéra mig
og vindur sér síðan í það að þúa
eftir fyrstu orðræðurnar. Hvað
á ég að gera? Á ég að halda
áfram að þéra eins og ekkert
hafi í skorizt og þéra þar til
maðurinn býður mér formlega
dús, eða á ég að taka þetta sem
bendingu og fara að þúa hann?
Vonast eftir svari sem fyrst.
Lási.
--------Þetta er fremur at-
liyglisvert bréf hjá þér Lási, og
sýnir vcl, að umgegnismenning
okkar er á hálfgerðu vandræða-
þrepi. IVTig grunar, að þéringar
fari í taugamar á þessum ágætu
kaupmönnum eins og þér, og þeir
byrja örugglega að þúa þig í
þeirri von, að þú gerir það sama.
Sumir eru hálf feimnir við að
bjóða dús, en vilja láta þetta
koma eins og af sjálfu sér. Þú
skalt bara þúa þá eftir að þeir
eru byrjaðir á því. Það er fátt
eins annkanalegt og samtal þar
sem önnur persónan þérar en
hin þúar. Mundu að þú ert í
þeirra húsum og þeir eru eldri;
þeir eiga að ráða.
Rödd að utan ...
Kæri póstur!
Ég þakka þér kærlega fyrir
allar greinar og annað sem þú
flytur. Ég fæ Vikuna alltaf senda
hingað vikulega, og ég hef mikla
ánægju af því.
Ég sá í 15. tbl., í póstinum, að
tvær unagr stelpur voru að
byðja um heimilisfang The
Beatles og þið sögðuð að það væri
í Liverpool Scotland, en það er
ekki til, það er Liverpool Eng-
land og ekki neitt annað. Hér
með leiðréttist það.
Beatles-hatari.
Heimurinn versnandi
fer...
Kæri póstur!
Við erum hérna nokkrir piltar,
sem erum á bezta aldri og höfum
séð ýmislegt óhollt í sambandi
við janfrétti karla og kvenna.
Fyrir nokkrum árum var mikið
um samtök sem unnu að jafnrétti
kvenna á við karla. En nú veitir
ekki af að fara að stofna sam-
tök sem stuðla að jafnrétti karla
á við kvenfólk. T.d. þegr eigin-
maðurinn kemur heim eftir erfið-
an vinnudag, bíða hans óhreinir
diskar og matarílát, meðan eig-