Vikan - 17.09.1964, Blaðsíða 5

NÝ
FRAMHALDSSAGA
EFTIR
IAN FLEMING
HEFST í NÆSTA BLADI
nnT
JAMESBOND
Það er langt síðan að VIKAN hefur átt því láni að fagna að geta
birt jafn spennandi og skemmtilega framhaldssögu og DR. NO,
sem lauk fyrir rúmum mánuði síðan.
Lesendur fylgdust flestallir með henni frá upphafi en æ fleiri
bættust við, og varla leið sá dagur, að ekki hringdi einhver eða
hefði samband við ritstjórnina til að forvitnast um söguna á ein-
hvern hátt. Við áttum að vísu von á því að sögunni yrði vel tekið,
því hún hafði lengi verið metsölubók á erlendum bókamarkaði,
og þess vegna vorum við svo forsjálir að afla okkur einkaréttar
til birtingar á sögum höfundarins — lan Fleming hér á landi.
Og eftir að hafa séð vinsældirnar, sem „DR. NO" fékk, skoðum
við ekki hug okkar um að hefja þegar í stað aðra sögu eftir
sama höfund, ekki síðri, og sem einnig hefur verið kvikmynduð
nú nýlega:
Með ástar-
kveðju frá
Rússlandi
Sagan er geysispennandi, hefur hraða atburðarás, og segja má
að hver setning sé hlaðin spennu. Hún fjallar að sjálfsögðu um
söguhetjuna James Bond, njósnara brezku leyniþjónustunnar no.
007, og nýjustu ævintýri hans.
Sagan hefst á því að rússneska leyniþjónustan ákveður að koma
honum fyrir kattarnef, og þar er ekki reiknað með neinum vett-
lingatökum. Ung og yndisfalleg stúlka er þjálfuð til að freista
hans á ýmsan hátt, en síðan send til Istambul og agni beitt fyrir
James Bond þar.
Það er ekki rétt að rekja söguþráðinn hér, því þá eyðileggjum
við mikinn hluta ánægjunnar fyrir lesendum, en við ábyrgjumst
að James Bond lendir í ótrúlegustu ævintýrum — sumum lífshættu-
legum, öðrum skemmtilegum — og að söguhetjan hreinsar sig
þokkalega af þeim öilum.
Nema kannske því síðasta . . .
En það kemur i Ijós, þegar þið lesið söguna, sem hefst í næsta
tölublaði.
Þeir, sem fylgdust með DR. NO, eru þegar búnir undir þau ótrú-
legu ævintýri sem kvennagullið og njósnarinn James Bond lendir
ávallt í — hinir eru þessu alls óviðbúnir, því Bond-brjálæðið hefur
ekki ennþá náð tökum á þeim. En verið róleg! Enn er tækifæri til
að sökkva sér niður í ævintýraheim njósnaranna, sem annað veifið
eru í vandræðum með að losna úr örmum fegurstu kvenna — en
verða á næsta augnabliki að berjast fyrir lífi sínu.
Fylgizt með sögunni:
„MEÐ ÁSTARKVEÐJU FRÁ RÚSSLANDI".
frá byrjun — í næsta blaði!
VIKAN 38. tbl. — g