Vikan - 03.02.1966, Blaðsíða 16

HÚN ER ÞAÐ
SEM KOMA
SKAL-NÝI
VINDBLÆRINN-
NÝJA TÍZKAN
JEAN SHRIMPTON er dæmigerð
nútíma stúlka, elskuleg, eðlileg og
þokkafull. Hún er fyrirmynd og
hugsjón kvenna í London, París og
... já um allan heim. Hér fáið þið
að heyra um hana, hæst launuðu
fyrirsætu heimsins.
Hún hefur fallegasta andlit í heimi, er sagt í dag
um Jean Shrimpton, tuttugu og tveggia ára gamla
fyrirsætu. I Englandi er hún almennt kölluð „rækj-
an" (The Shrimp). Hún er efst á lista hjá tízku-
Ijósmyndurum og vinnur sér inn þrjár til fjórar milljón-
ir á ári, án þess að þurfa að leggja að sér. Hún gæti
hæglega haft meiri tekjur, ef hún vildi vinna annars-
staðar en í Englandi.
En það eru ekki nema fjögur ár síðan stúlkan, sem
nýlega var orðin fyrirsæta, fékk ekki vinnu hjá ensku
tízkublaði vegna þess að hún var dæmd „of Ijót"!
í dag eru dómarnir um hana aðrir:
— Hún er dæmigerð týpa fyrir nýju tízkuna, sem
hefur vakið hrifningu um allan heim, hún er fyrir-
mynd ungu stúlknanna, segir Eileen Ford, forstöðu-
kona stærsta tízkuteikningafyrirtækis Bandaríkjanna og
um leið tízkufrömuður fyrir allan heiminn . . .
— Það er dásamlegt að mynda hana, segja Ijós-
myndararnir himinlifandi.
— Hún er nýja útlitið, segja tízkumeistararnir.
— Hún er einfaldlega stórkostlega smart, segja ungu
stúlkurnar og herrar þeirra segja: — Hún er sexy . . .
Sjálf lætur Jean, sem hefir stór, undrandi augu og
háan grannvaxinn líkama, eins og þetta stand komi
sér ekkert við. Undrunarsvipurinn er kannske alls ekki
uppstilling, því að hún heldur því fram að hún hafi
alltaf haft áhyggjur af útliti sínu, sérstaklega líkam-
anum og útlimunum, sem eru einum um of á lengd-
ina, að minnsta kosti finnst henni það sjálfri. Hún er
ekkert hrifin af letilífi í lúxus og þykir ekkert gaman
af að sækja veitingahús, enda er það heppilegt fyrir
hana, því að hún vinnur mikið og þarf bæði á hvíld
og fegurðarblundum að halda.
Vinnu sína tekur hún mjög alvarlega. Hún lifir sig
inn í listina að sitja vel fyrir, hefir nákvæma stunda-
töflu, fer frá einum stað til annars á réttum tíma og
svíkur ekki gefin loforð. Hún er líka töluvert hreykin
yfir stöðu sinni og reiknar með að geta haldið henni
í fimm ár ennþá. Eftir þann tíma ætlar hún helzt að
setjast að úti í sveit, vill helzt verða gamaldags ensk
húsmóðir og vill eignast mörg börn. Eða þá að taka
Framhald á bls. 36.
Jg VIKAN 5. tbl.