Vikan - 19.03.1970, Blaðsíða 4
Þeirn verður að sinnast, sem saman
eiga að búa.
íslenzkur málsháttur.
fólk í fréttunum
Maður nokkur, Leonard Lyons að nafni,
hefur lánað Soffíu Loren nærföt; kaupir
hatta sína frá Lock‘s of London; vann
Ernest Hemmingway einu sinni í keppni
— um það hver hefði stærra nef; setur
klukku sína ávallt 8 mínútum of fljóta;
borðaði einn með Truman-fjölskyldunni
síðasta kvöldið sem þau voru í Hvíta
húsinu; er eini maðurinn í New York sem
þarf ekki að borga þjórfé á flestöllum
veitingahúsum; kynnti Tony Galento fyrir
Noel Coward og Marc Chagall fyrir
Rikka Nixon. Leonard Lyons er líka einn
síðasti virkilegi slúðurdálkahöfundurinn í Bandaríkjunum Norður-
Ameríku.
Hann byrjaði fyrir 35 árum síðan og þótti þá svo lélegur að
hann fékk hvergi vinnu. Hann ákvað þá að vinna sig upp — sem
hann hefur aldeilis gert, því nú skilar hann einni grein á viku, í
Post og veltir sér í peningum.
Fyrir fimm árum síðan var Malcolm X
blökkumannaleiðtoginn frægi, myrtur.
Síðan hefur yfirleitt allt sem nöfnum
tjáir að nefna verið skírt í höfuðið á
honum og myndir af honum hanga um
allar skóla- og æskulýðsbyggingar víðs-
vegar um Bandaríkin. Meðan hann var
og hét var hann oft kallaður villimaður,
kommúnisti og skrímsli — en í dag ger-
ist það æ algengara að honum er hrein-
lega líkt við dýrling; fórnarlamb rétt-
lætisins og bræðralags.
Nú er komin út sjálfsævisaga hans;
færð í búning af náunga að nafni Alex Haley. Þar kemur meðal
annars fram að þegar hann var 19 ára gamall (Malcolm X), var
hann orðinn argasti melludólgur, dópsali og þjófur. Var honum
stungið í tugthús og hann látinn dúsa þar í 10 ár. Þar komst hann
í kynni við kenningar Elijah Muhammed, leiðtoga Svörtu múham-
meðstrúarmannanna og tók miklu ástfóstri við þær, svo miklu
að hann varð einn helzti spámaður hreyfingarinnar er hann slapp
úr fangelsinu.
Hvað um það: Malcolm X var tvímælalaust einn merkasti bylt-
ingarmaður og frelsisunnandi þessarar aldar — engu síðri en
Doktor Martin Luther King, jr., þó hver á sinn hátt.
Hið fræga brezka skáld, Charles Dickens, sagði einhverju sinni
frá stúlku, sem var umsetin fimm biðlum. Saga þessi gerðist á
skipi, og hafði stúlkan bókstaflega engan frið fyrir biðlunum. Hún
vildi gjarnan taka einum þeirra, en gat ekki með nokkru móti gert
upp á milli þeirra. Hún kom að máli við skipstjórann og spurði
hann ráða. Skipstjórinn var gamansamur í betra lagi og ráðlagði
stúlkunni að stökkva útbyrðis og giftast síðan þeim manni, sem
stykki á eftir til að bjarga henni. Hann hlyti jú að elska hana mest.
Næsta morgun sáu biðlarnir fimm, að stúlkan datt útbyrðis. Fjórir
þeirra stukku þegar í stað á eftir henni. Þegar stúlkan og mennirnir
fjórir voru komin aftur um borð, spurði stúlkan skipstjórann:
„Og hvað á ég nú að gera við þá — svona rennblauta?"
„O, taktu þann sem þurr er,“ svaraði skipstjórinn.
Og það gerði stúlkan og giftist honum.
PATRICIA NIXON
STENDUR UPPI í HÁRINU Á FÖÐUR SÍNUM
Það hefur verið töluverð
óánægja ríkjandi í Hvíta húsinu.
Richard Nixon er alls ekki sátt-
ur við það að Tricia (23 ára)
dóttir hans giftist vini sínum,
Edward Finch Cox. (Á mynd-
inni eru ungu hjúin á leið á
dansleik). Forsetahjónin segjast
heldur vilja að hún giftist frek-
ar „hverjum sem er“, eins og
STUTT
OG
LAG-
GOTT
Eigingjarn er sá maður,
sem talar bara um sjálfan
sig, — þegar þú vilt tala
um sjálfan þig.
forsetinn segir. Edward Cox
hlustar ekki á slíkar mótbárur.
Þessi óánægja stafar af því að
stúdentinn, sem stundað hefur
nám í Harvard um hríð, ætlar nú
að hætta námi og fara að vinna
á ritstjórn tímaritsins „New
Republik". En þetta tímarit hef-
ur oft ráðizt harkalega á Nixon.
☆
FRJÁLS VINNUTÍMI
Verksmiðja ein í Köln hefur
tekið upp nokkurskonar „starfs-
tímaval“ meðal starfsmanna
sinna. Verkamennirnir geta haf-
ið vinnu þegar þeim sýnist á
milli klukkan 7 og 8,30 á morgn-
ana og svo fara þeir bara heim
þegar þeir hafa lokið sínum
vinnutíma. Reynslan hefur verið
mjög jákvæð og hefur stjórn
verksmiðjunnar ákveðið að
halda þessu áfram og jafnvel að
færa út kvíarnar í þessum efn-
um. Athyglisvert og til eftir-
breytni, ekki satt?
☆
4 VIKAN
12. tbl.