Vikan - 16.04.1970, Qupperneq 9

f umsjón
Olafs Brynjólfssonar
Bobby Charlton, þekktasti og dáðasti
knattspyrnumaður Englands nálgast nú óð-
um hinn merka áfanga á sínum frábæra
knattspyrnuferli að leika sinn 100. lands-
leik. En svo marga landsleiki hafa aðeins
fimm leikmenn leikið, það eru þeir Billy
Wright, Englandi, Thorbjörn Svendson, Nor-
egi, Josef Bozsik, Ungverjalandi, og þeir
Djalma Santos og Gylmar dos Santos frá
Brasilíu.
Nú fyrir skömmu tilkynnti Alf Ramsey
hvaða tuttugu og átta leikmenn hann hefði
valið til æfinga fyrir heimsmeistarakeppn-
ina í Mexico og kom það engum á óvart að
Bobby Charlton væri í þeim hópi, en hann
er einn af fimm leikmönnum Manchester
United, sem valdir voru. Og ef hægt
er að dæma eftir vali Alf Ramsey á enska
landsliðinu í vetur má telja víst, að Bobby
verði þar eins og í síðustu heimsmeistara-
keppni lykilmaðurinn í leik enska landsliðs-
ins. Þetta verður fjórða heimsmeistarakeppn-
in sem hann tekur þátt í, en í svo mörgum
heimsmeistarakeppnum hefur enginn ensk-
ur leikmaður tekið þátt í fyrr.
Bobby, sem í móðurætt er kominn af
einni þekktustu knattspyrnuætt Englands,
hefur eflaust ekki skort góða leiðbeinendur
þegar hann var ungur, því hvorki meira né
minna en fimm frændur hans og afi voru
allir atvinnuknattspyrnumenn. Sá frægasti
þeirra var Jackie Milburn, sem á sínum tíma
var aðalstjarna Newcastle og enska lands-
liðsins. Þóttu það því engin stórtíðindi, þegar
hann var valinn í úrvalslið skólans, i heima-
bæ sínum, Ashington.
Það var í einum af þessum skólaleikjum,
að skólastjórinn var meðal áhorfenda og
veitti hann Bobby sérstaka athygli. Varð
hann mjög hrifinn af leikni þessa snaggara-
BOBBY CHARLTON.
lega stráks og benti vini sínum Joe Arm-
strong á Bobby, en Joe þessi var einmitt
að leita að efnilegum drengjum fyrir Man-
chester United. Samkvæmt áskorun skóla-
stjórans var hann viðstaddur næsta leik,
sem Bobby lék.
Joe sá strax að það hafði verið vel þess
virði að koma og sjá þennan leik, og að hon-
um loknum bauð hann Bobby að koma til
Manchester United, þegar hann hefði lokið
skólagöngu. En einhverra hluta vegna dróst
það samt að samningurinn yrði gerður skrif-
legur, og komu þá mörg önnur félög til sög-
unnar og buðu honum samning, en það var
þessu frumkvæði Joes að þakka, að hann
gerði samning við Manchester United árið
1953.
Manchester United var á þessum árum
toppfélag í Englandi. 1 fjögur skipti á ár-
unum frá 1946 til 1951, lenti félagið í öðru
sæti í 1. deildinni, en vann hana loks árið
1952.
Cliarlton með Evrópubikarinn, eftir sigurinn yfir
Benefica 1968.
Matt Busby, framkvæmdastjóri United,
gerði sér hins vegar fulla grein fyrir því,
að það færi að koma að því, að hann þyrfti
brátt að yngja þetta lið upp. Og hóf því
félagið umfangsmikla leit að efnilegum
drengjum sem síðar meir gætu orðið góðir
atvinnumenn. Voru fleiri hundruð drengir
prófaðir í þessu sambandi um allt Bret-
land og þeim beztu boðinn samningur við
félagið.
Þannig varð liðið til sem síðar var kallað
Busby Babes, en í því voru meðal annarra
þeir Duncan Edwards, Dennis Viollet, Roger
Byrne og Bobby Charlton. Var þetta lið mjög
sigursælt og vann til dæmis unglingabikar-
keppni enska knattspyrnusambandsins fimm
ár í röð.
Árið 1956 lék Bobby sinn fyrsta leik með
aðalliði United. Var hann leikinn á Old
Trafford, heimavelli félagsins og var gegn
Charlton Athletic í 1. deildarkeppninni.
Stóð hann sig mjög vel og gerði meðal ann-
ars tvö mörk, en United vann leikinn 4—2.
Þetta keppnistímabil vann United 1. deild-
ina annað árið í röð og spilaði úrslitaleik-
inn í bikarkeppninni við Aston Villa. Eflaust
hefði United orðið fyrsta félagið á þessari
öld til að vinna bæði deildar- og bikarkeppn-
ina sama árið, ef tveir af leikmönnum liðs-
ins, þeir Mark Jones og Dennis Viollet, hefðu
ekki slasast fyrir leikinn og gátu því ekki
leikið með. En Aston Villa vann leikinn 2—1.
Framhald á bls. 50.
• DÝR STJÖRNULEIKMAÐUR
LUIGI RIVA - setjið nafn hans vel á minn-
ið, því trúlega verður hann ein mesta stjarna
heimsmeistarakeppninnar í Mexico. Undan-
farin þrjú ár hefur hann verið einhver
mesti og reglulegasti markaskori í heimi,
sem bezt sést á því, að í þeim fjórtán lands-
leikjum, sem hann hefur spilað, hefur hon-
um tekizt að skora sextán mörk. — Það
var mest þessum leikmanni félagsins Cagli-
ari að þakka að ítalir unnu Evrópukeppni
landsliða árið 1968, en í þeim fjórum leikj-
um, sem hann spilaði, skoraði hann hvorki
meira én minna en sjö mörk, þar af eitt
í auka-úrslitaleiknum gegn Júgóslövum, sem
ítalir unnu. Og í leikjunum gegn Austur-
Þjóðverjum og Wales-mönnum í undan-
keppni heimsmeistarakeppninnar gerði hann
sjö mörk af þeim tíu, sem ítalir gerðu í
þessum fjórum leikjum. — Riva hefur tvisv-
ar verið markahæsti maður Ítalíu, árið 1967,
en þá gerði hann átján mörk og 1969 með
tuttugu mörk. — Það er því ekki að undra
að öll stærstu og ríkustu félög Ítalíu séu á
höttunum eftir honum. Hæsta tilboð sem
Cagliari hefur fengið í Riva hljóðaði upp á
860.000 pund, - 180.600.000 kr. - eitthundrað
og áttatíumilljónir og sexhundruðþúsund
krónur - í beinhörðum peningum, og var
frá félaginu Inter Milan. Þá var þess og
getið í tilboðinu að ef peningaupphæðin
þætti of lág, væri Inter Milan til í að láta
þrjá leikmenn fylgja með. En stjórn Cagliari
hafnaði þessu tilboði strax og ákvað að
halda áfram þeirri stefnu sem mörkuð var
fyrir fáeinum árum, þegar félagið var í 2.
deild, að selja enga af toppleikmönnum fél-
agsins, heldur vinna sig upp og verða meðal
sterkustu liða Ítalíu. Þetta hefur nú tekizt
og er Cagliari búið að vera í efsta sæti í 1.
deild nær allt keppnistímabilið og er nú
alveg öruggt með sigur í henni. — En það er
dýrt að hafa stjörnuleikmann á við Riva hjá
félaginu, því fyrir eins árs samning við Cagli-
ari, fékk hann 40.000 pund - áttamilljónir og
fjögurhundruð þúsund krónur.
• BRASILÍU SPÁÐ SIGRI
Hinn 31. maí hefst úrslitakeppni heimsmeist-
arakeppninnar í Mexico og eru menn því aS
vonum farnir að „tippa“ á hvaða lönd séu
líklcgust að sigra að þessu sinni. Fyrir
skömmu stóðu vcðmálin þannig að Brasilíu-
menn voru taldir líklegastir til að sigra og
voru líkurnar taldar 3-1, þá komu Englend-
ingar og Urúguaymenn með 7-1. En að öðru
leyti var röðin þannig: Mexico og Vestur-
Pýzkaland, 8-1; Italía, Perú og Rússland,
10-1; Tékkóslóvakía, 16-1; Búlgaria og Belgía,
21-1; Sviþjóð, 33-1; Rúmenia, 50-1; E1 Salva-
dor, ísrael og Marocco, 100-1. — Síðan þess-
ar tölur voru birtar, hefur það meðal annars
gerzt, að Joao Saldanha, framkvæmdastjóra
hrasilíska landsiiðsins, hefur verið vikið úr
starfi, vegna ágreinings, sem upp kom, þeg-
ar hann neitaði að velja Pele í landsleik nú
fyrir skömmu og tveir af beztu mönnum
Mexico hafa verið settir i hann vegna aga-
hrota og munu ekki fá að spila í heims-
meistarakeppninni. Óneitanlega hlýtur þetta
að veikja sigurlikur þessara landa mikið,
því allur ágreiningur svona stuttu fyrir loka-
átökin hlýtur að vera mjög skaðlegur.
• ENSKA LANDSLEÐIÐ 1974
Alf Ramsey hefur eins og flestum er kunnugt
valið þá tuttugu og átta leikmenn, sem enska
landsliðið verður siðan valið úr fyrir heims-
meistarakcppnina. En þeir sem horfa lengra
fram í tímann eru farnir að bollaleggja
hvernig enska Iandsliðið verður skipað í
heimsmeistarakeppninni sem fram fer i
Munchen árið 1974 og rakst ég nýlega á
þessa uppstillingu: Pcter Shilton (Leicester),
- Tommy Wright (Everton), Tommy Booth
(Manchester City), Tommy Smith (Liver-
pool), Emlyn Ilughes (Liverpool), - John
Hollins (Chelsea), Colin Bell (Manchester
City), Alan Iludson (Chelsea), - Allan Clarke
(Leeds), John Royle (Everton), Peter Osgood
(Chelsea). — Af þessum ellefu leikmönnum,
eru sex, sem Alf Ramsey valdi i tuttugu og
átta manna hópinn fyrir skömmu.
16. tbi. VIKAN 9