Vikan - 08.03.1979, Blaðsíða 34
Þrír draumar
Kæri draumráðandi.
Ég ætla að biðja þig um að ráða
fyrir mig nokkra stutta drauma. Mig
dreymdi að ég fór upp að leiði
mömmu minnar (hún er dáin) og
ætlaði að ná í skraut af grein sem ég
hajði sett þar á afmæli hennar. En þá
voru 3 blóm á greininni kramin og
ónýt.
í næsta draumi var égstödd í boði
og var þar mikið af mat. Eg sat við
matarborðið og þá datt skemmd tönn
úr mér. Síðan datt önnur og loks sú
þriðja.
Að lokum dreymdi mig að ég var í
Kanada að leita að húsinu, sem ég bjó
í einu sinni, En þegar ég fann það, var
þar risið þriggja hœða hús.
Eins og þú sérð er eitthvað þrennt í
öllum þessum draumum. En það var
ekki í draumnum, þarsem mig
dreymdi að ég var I grænum klœðnaði,
buxum, peysu, blússu og kápu. Þetta
var allt mismunandi grænt. Og I annað
skipti dreymdi mig að ég væri í
bleikum klæðnaði, en þá var ég ekki I
kápu.
Ég vona að þú getir ráðið eitthvað
úr þessum draumum og þakka þér
fyrir hjálpina. SA
Þessi draumur er þér fyrir vinarmissi og
einhverjum erfiðleikum í því sambandi.
Einnig eru þarna ákveðin tákn um að
þú saknir móður þinnar meir en þú gerir
þér grein fyrir og þurfir að snúa þér að
einhverjum verkefnum, sem hjálpa þér
að komast yfir söknuðinn. Þarna eru
líka fyrirboðar um betri tíma og mikla
velgengni í framtíðinni.
Jesúbarnið endurfætt
Mig langar að biðja þig, draumráðandi
góður, að ráða fyrir mig einkennilegan
draum sem mig dreymdi að morgni
gamlársdags. En fyrst langar mig að
segja þér, ef það skiptir nokkru máli,
að ég hef stundum hugsað um, að mig
langar að vera vitni að einhverjum
atburði, sem sannar að guð sé til.
Ég vaknaði um morguninn, en
dottaði svo aftur. Þá dreymir mig að
ég sé að draga litla létta barnakerru
upp stiga. Þegar ég kem upp, finn ég
að kerran þyngist aðeins. Ég sný mér
við og sé að lítið sveinbarn er komið í
kerruna. Það fór að gráta og ég tók
það upp. Síðan lagði ég það á jörðina
til að skoða það betur. Það var hlýtt í
veðri og sól. Ég hugsaði með mér:
„Einhver móðir hefur ekki getað haft
Mig
dreymdi
barnið sitt og látið það þarna. Hvað á
ég að gera við það, ég er að vinna og
get ekki haft það?" í þvífer barnið að
gráta aftur. Sveinninn var svarthærður
og mér fannst hann dálítið munnstór.
Ég verð hissa þegar ég sé upp í
munninn á barninu, því hann var
fullur af alls konar táknum, skrifuð
með rauðu oggrœnu að mig minnir.
Ég man eftir þríhyrningi og
sambgningarmerki (plús). Síðan varð
mér litið á hendurnar á barninu. Þar
voru líka tákn með sama lit, en í
miðjunni voru lítil göt, sem vætlaði
aðeins vökvi úr. Mérfannst hann
svolítið þynnri en blóð og ekki eins
dökkur. Þá byrjar barnið allt í einu að
tala með rólegri karlmannsrödd. Og
mér fannst það segja: „ Trúir þú á
Guð?” Ég vissi ekki hvaðan á mig stóð
veðrið, en hugsaði margt. Það hélt
áfram og segir: „Ég sé að þú hefur
tekið eftir því, að ég er Jesúbarnið
endurfætt. ” Ég hugsaði mér að loksins
hefði égfengið sönnun fyrir því, að
Guð væri til og að hann hefði sent
Jesú til jarðarinnar. Og að hann skyldi
hafa valið mig af öllu fólki á jörðinni
olli mér mikilli gleði. Þegar hann
hafði sagt: „Ég er Jesúbarnið, ”
þá fannst mér eins og ég væri öll að
springa af hamingju. Égget ekki lýst
því. í því vaknaði ég. En draumurinn
hefur staðið skýrt fyrir mér síðan.
Þetta er nú orðið ansi langt, en þið
þurfið ekki að birta drauminn. Mig
langar aðeins að fá ráðningu.
Ykkar einlœg 7432-6412
Þessi draumur gæti verið afleiðing af
hugsunum og óskum þínum í vöku.
Þrátt fyrir það er þetta mjög góður
draumur og að dreyma frelsarann er eitt
það besta tákn, sem fyrir getur borið í
draumi, ekki síst ef hann talar til þín. Þú
verður sennilega aðnjótandi bæði
mikillar gleði og sannrar trúarvissu, sem
þú hefur svo mjög leitað eftir.
Við dánarbeð ókunnugs
ungs manns
Kæri draumráðandi!
Ég sendi þér hérna draum, sem mig
dreymdi aðfaranótt gamlársdags sl.
Vonandi getur þú ráðið hann.
Mér fannst ég vaka yfir dánarbeði
ungs manns, sem var mér algerlega
ókunnugur. Fannst mér hann í ein-
hverju hjálpartæki fyrst og ég sat við
stokkinn hjá honum. Síðan fannst mér
honum hafa hrakað svo mikið, að
hann var aðeins þrjú græn laufblöð.
Eitt laufblaðið var stærra en hin tvö
og það var farið að fölna mjög. Þegar
ég lagði eyrað að bekknum, sem hann
lá á, heyrði ég hjartsláttinn og einnig
veikan óm af rödd hans. Mérfanhst
læknir koma ogskoða laufblöðin. Hann
hristi höfuðið og sagði að stóra föla
laufblaðið vœri ónýtt, en hin eitthvað
skárri. Mér fannst hann mjög ónær-
gætinn, því ég vissi að andi mannsins
var lifandi á bekknum. Þegar læknir-
inn var farinn bað sjúklingurinn um
að skrifað væri eftir sér. Hjúkrunar-
konan skrifaði upp eftir honum þar
sem ég treysti mér ekki til að gera það.
Mér fannst ég spyrja hvort ég mætti
eiga bréfið eftir að læknirinn væri
búinn að lesa það. Ég lagði eyrað á
bekkinn og reyndi að heyra svar. Loks
var svarað veikum rómi, eins og úr
fjarlægð: Já, já og nú skipti ég mér
ekki af neinu, mérersama um allt.
Hjartslátturinn stöðvaðist og ég vissi
að hann var dáinn. Ég hrópaði ánægð
upp yfr mig: Hann er laus, hann er
laus. Á bréfnu stóð öðum megin
orðsending til læknisins um að hann
(sjúklingurinn) vissi að hverju stefndi
og að hann ættifá andartök eftir.
Hinum megin á bréfnu stóð orðrétt:
Augu þín, sem hafa vakað 2-3 smfyrir
ofan bekkinn hafa létt mér byrðina.
P.S. Dulrún D.
Ég læt það fylgja með, ef það skiptir
einhverju máli, að ég er ófrísk —
komin 7 mán. á leið.
Sagt er að umönnun sjúkra í draumi
merki að dreymandanum verði trúað
fyrir einhverju mikilvægu og langþráðu
hlutverki í vökunni. Það sem þú segir í
lok bréfsins skýrir drauminn í raun og
veru. Hlutverkið langþráða er í þessu
tilviki móðurhlutverkið og aðrir hlutar
draumsins fyrir fremur auðveldri
fæðingu barnsins.
34 Vikan 10. tbl.