Vikan - 29.03.1979, Side 63

tæki því fagnandi að aðstoða við
að eyðileggja það, sem mamma
þin er að reyna að byggja upp.
Almennar lækn-
ingar?
Háttvirti Póstur!
Þér hlýtur að vera sama þótt
ég komi mér strax að efninu,
en sé ekki að semja neinn
formála á undan, svo sem „Svo
er mál með vexti...” eða
eitthvað í þá áttina. Styttir
plássið hjá þér, ekki satt?
Hvað tekur mörg ár að læra
almennar lækningar?
Þarf nokkuð að fara erlendis,
nema maður ætli sér að taka
sérgrein?
Nægir ekki fyrir heimilis-
lœkni að hafa bara almennar
lækningar?
Annað var það nú ekki, en
þú mátt lesa úr rithöndinni í
leiðinni, þótt hún sé ekki í lagi
þessa dagana, er háð tíma og
rúmi! En sem sagt, afsakaðu
skriftina! Pikkið var ekki í lagi
svo ég neyðist til að hafa þetta
svona.
Bless.
Fía feikirófa
Var þessi formáli í raun og veru
nokkuð styttri? Almennar
lækningar getur þú að mestöllu
leyti lært hér á landi og tekur
námið mismunandi langan tíma,
en algengast mun vera að það
taki sex til sjö ár. Segja má að
það nægi fyrir heimilislækni að
hafa almennar lækningar en
Pósturinn lætur ósagt hvort
hei.nilislækningar sem sérgrein
verði orðin almenn krafa þegar
þú kemst til vits og ára. Æ, æ
skriftin — jú úr henni má lesa
áhuga á heimiiislækningum, ha,
ha!
Plakat af KR-
ingum
Kæra Vika.
Við erum fjórar stelpur og
höfum aldrei skrifað þér áður.
Við erum ekta KR-ingar og
okkur langar að biðja þig um
að hafa viðtal við KR-inga í
körfubolta (úrvalsdeUdinni) og
einnig að birta plakat af þeim í
Vikunni. Við grátbiðjum þig
um að gera þetta fyrir okkur.
KR-ingarnir fjórir
Kata, Gudda, Anna, Laila
Plakötin hafa yfirleitt verið af
vinsælum poppstjömum en það
er ekkert því til fyrirstöðu að
ihuga uppástungu ykkar og
tillagan er komin á sinn stað í
hugmyndabankanum.
Stelpa skrift-
vélavirki
Halló, halló, kœri Póstur!
Viltu vera svo vænn (eins og
oftast) að svara þessum
spurningum?
Finnst þér nokkuð athuga-
vert við það að stelpa sé skrift-
vélavirki? Hvaða menntun þarf
til þess að geta orðið það? Ég
vona að Helga sé ekki svöng,
því þessar spurningar eru mikil-
vægar fyrir mig, þó að þér
finnist þær ekki vera neitt
mikilvœgar. Ég veit að skriftin
er hræðileg og líka hvað ég er
gömul. Bið að heilsa öllum,
sem vinna á Vikunni.
Bless, bless, kæri Póstur!
Inga
P.S. Karámellan er handa
Helgu.
Inga
Þessar spurningar eru á engan
hátt lítilvægar að mati Póstsins
og því óþarfi að afsaka þær. í
huga Póstsins er harla fátt, sem
honum finnst líklegt að stelpur
geti varla orðið sakir kynferðis
síns, nema ef til vill baðverðir
karla í sundi og íþróttum. Nám í
skriftvélavirkjun tekur um það
bil fjögur ár og á þeim tíma þarf
nemándinn að vera á samningi
hjá meistara og stunda nám í
Iðnskólanum. Það væri ef til vill
betra að taka fyrst forskólann í
Iðnskólanum, grunndeildina í
rafiðnaðargreinum. Að því
loknu getur nemandinn fengið
umsögn hjá kennurum og það
auðveldar honum að komast á
samning hjá meistara. Helga fær
alltaf tannverki af karamellum,
svo það varð að samkomulagi að
hún fengi umslagið og Póstur-
inn þessa indælu karamellu.
Kærar þakkir.

Gott hjá þér, Svenni minn! Farðu og náðu i fleiri skeljar og raðaðu þeim upp
hérna við hliðina á mér.
Meatloaf á
plakati
Kæri Póstur!
Mig langar að spyrja þig
hvort ekki eigi að birta plakat
af Meatloaf eins og mörgum
öðrum söngvurum og hljóm-
sveitum? Einnig langar mig að
spyrja hvert sé hans rétta nafn
og hvort þú vitir hve gamall
hann sé. Hann á sér marga
aðdáendur hérlendis um þessar
mundir, þannig að margir
myndu fagna því ef þið birtuð
eitthvað um hann ogkœmuð
með plakat.
Að lokum vil ég þakka
Vikunni fyrir gott blað.
Meatloafaðdáandi
P.S. Hvað þýðir orðið
dashboard?
I
Það hefur lengi verið á áætlun
að birta plakat af Meatlöaf en
allar framkvæmdir strandað á
myndaskorti. Góðar myndir af
þeim mæta manni virðast ekki á
hverju strái. Nýjustu fregnir
herma að hann vinni að gerð
nýrrar plötu, sem koma á út nú í
vor og þá mun hefjast auglýsinga-
herferð mikil og væntanlega
fjúka með myndir af kappanum.
Þá mun Vikan grípa tækifærið
og birta plakat af honum í allri
sinni dýrð og þá frásögn af
kappanum sjálfum. Þangað til
það verður ættuð þið að veita
þolinmæðinni útrás.
Dashboard þýðir mælaborð.
Tðkum bara hvitu flisarnar, það er orðið svo
framorðið.
13. tbl. Vikan 63