Vikan - 14.06.1979, Blaðsíða 25
'EM HÖTTCHE er aögufrmgt hús, fullt fomminja og góðs matar.
PARK-HOTEL við Poppelsdorfer höll.
Þar er verðið 65-75 mörk einstaklings-
herbergið og 95-130 mörk tveggja
manna herbergið.
Ódýrara hótel i gamla miðbænum,
naístum alveg við Rín, er RHEIN-
LAND, við Berliner Freiheit 11. Þareru
28 herbergi, öll með baði. Verðið er 55
mörk einstaklingsherbergið og 92 mörk
tveggja manna herbergið.
Enn ódýrara hótel á svipuðum
slóðum er hið örsmáa LÖHNDORF við
Stockenstrasse 6, en þar eru fæst hinna
fimmtán herbergja með baði. Verðið er
35-42 mörk einstaklingsherbergið og 48-
72 mörk tveggja manna herbergið. Eins
og önnur hótelverð, sem hér hafa verið
rakin, felur þetta i sér morgunverð.
Gamlir viöir, bindiverk og arin-
eidur
Besta veitingahúsið í miðbænum er
CHEZ LOUP við Oxfordstrasse 18. Það
er lítil hola, sem tekur aðeins 45 manns í
sæti. Eigandinn og matsveinninn Karl-
Heinz Wolf fær mikið af hráefnum beint
af mörkuðum Parisar. Hann býður ekki
upp á neitt úr frysti né dósum.
Matreiðslan er á nútíma franska vísu.
Á Chez Loup get ég mælt með dúfna-
og gæsalifrarkæfu, lambaskinku með
hvítlaukskryddi og grænmetissoðnum
krabbadýrum. Vínlistinn er óvenju
4 skotínu við hlifl ráðhússins er
veitingahúsið EM HÖTTCHE.
góður. Það er dýrt að borða á Chez
Loup og má reikna með, að maturinn
fari tæpast niður fyrir 60 mörk og
hæglega upp í 100 mörk.
Sögufrægasta veitingahúsið i Bonn er
EM HÖTTCHE, sem þýðir 1 kofanum.
Það er ákaflega vel í sveit sett, þrengir
sér milli ráðhússins og Sternhotel við
torgið Markt. Þar hefur verið rekið
veitingahús síðan 1389 eða i nærri sex
aldir.
Eftir loftárásir siðari heimsstyrjaldar-
innar var veitingahúsið endurreist í
gömlum stíl úr viðum gamalla bónda-
bæja og fyllt forngripum af ýmsu tagi.
Það er notalegt að hverfa úr hringiðu
torgsins fyrir utan inn í þetta rómantíska
umhverfi.
Fremst er bjórkrá að nafni Kutscher-
stube eða Kúskastofa á íslensku. Hún er
i sama stíl og veitingastofan inn af
henni. Á veitingastofunni hef ég fengið
ágætan mat i hefðbundnum stil, kálfa-
bris og kálfanýru, smjörsteikt með
hvítum kartöflum og litlum grænum
baunum. Súpa dagsins var rjómuð og
með ristuðum brauðbitum, krydduð vel.
Em Höttche býður upp á tvíréttaðan
mat á 8,50 mörk, 12,50 mörk, 15,50
mörk og 17,50 mörk. Verðið má því
teljast hóflegt eftir þvi sem kaupin gerast
í Þýskalandi.
Ég sat innst, þar sem myndin er tekin.
Í öllum veggjum var gamalt timbur og
bindiverk í bland. Að vetrarlagi logar
þar eldur í arni. Matstofan er svo vinsæl.
að borð verður að panta með sólarhrings
fyrirvara.
Heimurinn er lítill, líka þar
Í Bonn er einna mest gaman að koma
á 1M STIEFEL eða 1 stígvélinu við
Bonngasse 30 í hjarta borgarinnar.
Þafl er á IM STIEFEL sem stúdentamir borða, þegar þeir eiga „aur".
Þangað koma stúdentar og prófessorar,
þegar þeir eiga „aur” og fá sér snarl með
bjór. 1 150 ár hefur þetta verið stúdenta-
búlan i Bonn.
Þarna drekka menn bjór og snæða
svinsbóg eða síldarflök, súrkál eða
baunir, sjólax eða blóðpylsur. Réttirnir
eru frá 7 mörkum upp í 17 mörk.
Ég og kunningi minn lentum i hróka-
samræðum við tvo prófessora, sem voru
að hvíla lúin bein eftir vel heppnaðan
innkaupaleiðangur milli vínkaupmanna
borgarinnar. Síðar komst ég að því, að
heimurinn er litill, því að ég hitti annan
þeirra fáum dögum síðar á götu i Berlín.
Annað sögufrægt veitingahús, sem ég
þekki í Bonn er IM BÁREN á númer 1 í
öngstrætinu Acherstrasse. Þar er boðið
upp á 30 rétti frá 6 mörkum upp i 20
i þessu húsi fæddist Beethoven.
mörk. Matreiðslan þar er í hefðbundn-
um stíl eins og innréttingin.
Góða vínkrá þekki ég i gamla þænum,
WEINHAUS JACOBS í Friedrich-
strasse 23. Þar er hægt að fá sæmilegt
snarl og ágætis þýsk hvitvín á hóflegu
verði. 25 mismunandi vin fást þar í
glasatali og 80 eru seld i heilum flöskum.
Þarna hef ég fengið Meddersheimer
Edelberg, Riesling Spátlese, af árgangi
1976, á tæplega 18 mörk, svo og hið
heimsfræga Steinberger, Riesling
Kabinett, af árgangi 1975, á 18,50 mörk.
Það eru til hlutir, sem eru ódýrari í
Þýskalandi en á íslandi.
Fína fólkið í utanrikisþjónustunni og
sendiráðunum borðar svo á St. Michael,
Haus Maternus eða Mövenpick suður í
Bad Godesberg. 1 þau hús hef ég ekki
komið, en maturinn er sagður ekki bara
dýr, heldur líka góður.
Öll hótelin og veitingahúsin, sem hér
hefur verið bent á, eru í gamla
miðbænum í Bonn, en þar er einmitt
ánægjulegast að vera, ef menn eru ein-
hverra hluta vegna á ferðinni í höfuð-
borg Vestur-Þýskalands.
Jónas Kristiánsson
/ næstu Viku:
Köln
24. tbl. Vikan 25