Vikan - 14.06.1979, Blaðsíða 34
Rauðir skór á geð-
veikrahæli
Kæri draumrábandi:
Mig langar til að biðja þig um að
ráða fyrir mig draum, sem mig dreymdi i
nótt.
Mér fannst ég vera á dýrasýningu
og vera að skoða tvær slöngur, sem
voru þarna í búri. Ég var að pæla í,
hvort þær slyppu ekki út og spyr
gæsiumanninn að því. Hann kvað nei
við því og fer við svo búið. Þá sé ég
að þær eru að skríða út og mérfannst
endilega að þœr myndu ráðast á mig.
Ég tek á sprett og hleyp og hleyp en sé
gæslumanninn hvergi. Ég var að leita
að honum til þess að láta hann vita að
þær væru að skríða út. Ég spyr nokkra
um manninn en enginn hafði séð
hann. Kem ég svo að hárri brekku og
var ofsalega mikill snjór, alveg mann-
hæðar háir skaflar á brekkunni og
mokaður hafði verið smá stígur í
snjóinn. Treð ég mér þar upp en það
var svo þröngt að ég varð að skríða
aftur á bak uppeftir henni, en kemst
þó upp. Þá var alveg jafnbratt niður
hinum megin og ég renn á rassinum
niður eftir. Mæti ég þá tveimur
strákum, sem eru að leika sér og annar
var ívið eldri. Hann tekur utan um
mig en mér fannst hann heldur ungur
til slíkra hluta og fer frá þeim. Þá kem
ég í Austurstræti og mœti tveimur
rónum og annar eltir mig. Ég verð
alveg ofsalega hrædd og hleyp yfir
götuna og þar situr ungt par og spyr
ég þau, hvort ég megi ekki sitja, sem
ég og geri. Sé ég þá að ég er komin í
alveg ógeðslega rauða skó, slitnir og
rifnir voru þeir en samt var dálítið gott
að ganga á þeim. En ég vildi fyrir alla
muni fá mína skó, því ég skammaðist
mín fyrir þessa. Stelpan sagðist vita
hvar skórnir mínir væru og væru þeir
á geðveikrahæli þar I grennd og býðst
hún til að fylgja mér. Hún lætur mig
hafa brúna skó, skárri en þessa rauðu,
og vill lána mér þá á meðan við leitum
að mínum. En þeir meiða mig, það var
ferlega óþægilegt að ganga á þeim og
ég skila þeim aftur. Svo komum við að
hælinu og ég fer ein inn. Þá kemur
forstöðukonan með skó, sem hún sagði
að væru mínir og hefði hún geymt þá
fyrir mig. Hún réttir mér skóna, en
þetta voru alls ekki mínir skór. Þessir
voru brúnir með opinni tá en vel útlít-
andi og sagði ég henni frá þessu. Hún
Mig
dreymdi
verður þá reið og segist vita mjög vel
að þetta séu mínir skór. Þrætum við
um þetta smástund og hún rýkur I
burtu í fússi. Þá sé ég fatahengi og
mikið af skóm. Ég fer að leita að
mínum og var alveg viss um að þarna
hlytu skórnir mínir að vera. Á meðan
ég var að gramsa þarna sé ég tvær
gamlar konur, greinilega sjúklinga, og
tók ég bara eftir annarri sökum þess hve
gömul og hrukkótt og alveg hræðilega
Ijót hún var. Hún situr og tuldrar
eitthvað fyrir munni sér, sem ég heyrði
ekki hvað var. Ég held svo áfram að
leita en það er einhver beygur I mér og
vildi fyrir alla muni drífa mig I burtu,
en held þó áfram að leita ogfnn
annan skóinn, en hinn fnn ég ekki. Ég
var alveg viss um að hann vœri þarna
en ég bara fann hann ekki. Svo sé ég
hvítan plastpoka þarna með fötum,
sem ég átti að mér fannst og tek hann.
Þá rek ég augun I brúna peysu, frekar
karlmanns helduren hitt. Mig langaði að
eiga hana, stel henni og treð henni I
annan poka ásamt öðrum fötum, sem
ég stal þarna. Svo fer ég en á leiðinni
út mæti ég vistmanni, sem var ungur
maður. Hann segir að hann sé nú bara
leigjandi þarna, raunar búi hann I
Erakklandi. Svo kveðjumst við og þá
eru tvíburadætur mínar komnar þarna
ogfannst mér að pabbi þeirra hefði
laumað þeim til mín þangað. Ég er að
pæla I því hvernig I ósköpunum ég
ætti að fara að því að komast I burtu
með tvo plastpoka, tvö börn og bara
einn skó. Við þetta vaknaði ég og bið
ég þig kæri draumráðandi að ráða fyrir
mig þennan draum sem fyrst, því hann
er ákaflega þýðingarmikill í
ákveðnu sambandi. Ég sendi draum
fyrir nokkru og hann var alveg
ofsalega lengi að komast á prent hjá
ykkur, ég veit að það er alveg ferlega
mikið að gera þarna en gœtuð þið
ekki gert smáundantekningu? Ég er
nefnilega svolítið hrædd um að þessi
draumur boði ekkert gott og hef
raunar fengið ráðningu á honum, en
treysti ykkur betur.
Andrea
P.S. Rétt áður en mig dreymdi draum
þennan, þá dreymir mig að ég er að
tína blóm og er að hnýta mér vönd,
sem var ofsalega fallegur. Þetta var
sömu nóttina.
Því miður verður því ekki breytt að
Vikan þarf nokkuð langan vinnslutíma
og því verður þú að sætta þig við að
bíða ráðningar í nokkrar vikur.
Það er rétt hjá þér að draumur þessi
er á margan hátt frekar slæmur, en þó
ekki að öllu leyti. Hann er líklega fyrir
nokkuð stórum atvikum í lífsgöngu
þinni og gæti komið fram á nokkuð
mörgum árum. Líklega er þarna sterk
bending um erfiðleika í sambandi við
tvíburadætur þínar, og þá einkanlega
fjárhagslega. Það mun samt verða þér
happadrýgst að láta ekki undan þótt
móti blási og reyna að nýta þau tæki-
færi sem bjóðast. Ýmislegt í einkalífinu
á eftir að ganga brösótt, annaðhvort
finnst þér sem allt gangi sem best verður
á kosið, eða tilveran alveg óbærileg.
Skaplyndi þitt er þér þröskuldur við að
reyna að rata hinn gullna meðalveg. Þú
skalt reyna að flýta j)ér hægt í sambandi
við allar meiriháttar ákvarðanir og
líklega verður ýmislegt í sambandi við
makaval þitt ekki með öllu tíðindalaust.
Til þess að ná settu marki í lífinu átt þú
ef til vill eftir að þurfa að sýna meiri
hörku og dugnað en flestir aðrir og sæta
talsverðu baktali en takist þér að láta
ekkert á þig fá mun framtíðin verða
bjartari en þú átt von á um þessar
mundir.
34 Vikan 24.tbl.