Vikan - 16.08.1979, Blaðsíða 12

Hann heitir fullu nafni Jón Ragnarsson
og er fæddur í Reykjavík 1951. 15 ára
gömlum fannst honum farið að þrengja að
sér á Fróni og hann leggur af stað út í hinn
stóra heim.
Síðan hafa leiðir hans legið víða og sem
stendur býr hann í Kaupmannahöfn. Sú
borg hefur verið honum nokkurs konar
bækistöð síðan 1968.
Líf hans hefur verið mun viðburðaríkara
en flestra jafnaldra hans í heimalandinu.
Þvi báðum við hann að rekja okkur feril
sinn ofurlitið — og skýra viðhorf sín sem
hugmyndafræðings og punklistamanns.
— Ég hef teiknað alveg frá því að ég
man eftir mér. Mér hefur alltaf fundist
listamaðurinn þarfnast stærra athafna-
svæðis en þúfuna sem hann er fæddur á.
Þess vegna hef ég ferðast mikið. Til að afla
mér lífsreynslu sem ég vinn svo úr í mynd-
um mínum.
— í fyrstu var það draumur minn að
komast til London. Annars hefst minn
flóttamannaferill í Færeyjum en þar dvaldi
ég í 5 mánuði. Síðan fór ég heim í sildar-
vinnu. En þá var síldarævintýrinu lokið,
engin síld og engir peningar fyrir Englands-
ferð. Svo það var ekki fyrr en 71 að ég
komst loks til London. Þá var ég þar i þrjá
mánuði.
— 1973 fer ég þangað aftur til árs dvalar.
Þetta er á einhverju mesta blómaskeiði
borgarinnar, alltaf eitthvað að gerast.
— Hvernig mér tókst að draga fram
lífið? Það er eitthvað sem ég ætla ekki að
RóttamannaferiH
hugmyndafræóings