Vikan - 11.10.1979, Blaðsíða 62
POSTl
Get ég fengið
þunglyndispillur?
Póstur góður.
Ég ætla að byrja á því að
þakka þér fyrir allt gamall og
gott efni í Vikunni. Ég les
hana alltaf og ég mótmœli
þeim sem segja að í henni sé
ekkert fyrir unglinga. Það er
fulll af efni sem mér finnst
gaman að lesa.
En nóg um það. Nú ætla ég
að biðja þig til tilbreytingar að
hjálpa mér aðeins. Ég á nefni-
lega við alvarlegt vandamál að
stríða. Ég er svo ferlega þung-
lynd á veturna að það er alveg
að fara með mig. Ég er ekki
alltaf þunglynd, en þegar ég á
að fara snemma I skólann og
veðrið úti er hryllingur, kalt og
rok og rigning og slydda og
hálka og brrrr, brrrr, þá verð ég
svo þunglynd þann dag og
kannski næsta dag líka að það
er ekkert eðlilegt.
Hvað get ég gert? Ég er ekki
nema 14 ára. Get égfengið
einhverjar þunglyndispillur hjá
lækni? Hjálpaðu mér, öllum
fmnst ég nefnilega svo mikill
fýlupoki, en ég er það ekki. Ég
ræð bara ekkert við þetta.
Hjálp. Ein þunglynd.
. ég hef verið að bíða eftir hcntugu tækifæri til að tala við þig...
Svona, hertu upp hugann, þú
ert örugglega ekkert þunglynd
og þarft alls ekkert á því að
halda að innbyrða einhver
geðlyf. Hins vegar er ekkert
ósennilegt að þú þjáist af
vítamínskorti og það valdi
þessari slentilfinningu. Farðu til
læknis og láttu athuga hvort þig
vantar ekki bæði blóð og víta-
mín og vittu til, skapið verður
fljótt að komast i samt lag. Síðan
skaltu taka þig saman í andlitinu
og hella þér út í einhverja
tómstundaiðju, breyta í her-
berginu þínu og allt annað, sem
þér hugkvæmist til að breyta
núverandi ástandi. Þegar þú
hefur aftur safnað kröftum
finnst þér ekki nema hressandi
að fara í skólann i roki og
rigningu og tilveran verður öllu
litríkari en áður.
Eitthvað til þess
að brjóstin
stækki
Halló, kæri Póstur!
Hvað á ég að vera þung ef
ég er 170 sm á hæð?
Hvernig er hægt að losna við
fúapensla?
Ég er að verða 15 ára og ég er
með brjóst á við 10-11 ára
stelpu. Hvað get ég gert? Ekki
segja að þau komi með
tímanum, heldur gefðu mér nú
góð ráð.
Ef maður notar eitthvað sér-
stakt mataræði geta brjóstin þá
stœkkað?
Eru engar æfingar sem gera
brjóstin stærri? En lyf hvað
með þau? Getur maður ekki
fengið nein svoleiðis lyf ég
meina til að láta brjóstin
stækka?
Gefið þið mér nú einhver
mjög góð ráð.
Með fyrirfram þakklæti fyrir
birtinguna.
22-33
P.S. Auða blaðið er til Helgu
svo hún éti þetta ekki, því mér
liggur svo á svari. Ég hef nefni-
lega skrifað ykkur áður og þá
hefur Helga verið svöng, því
mér var aldrei svarað.
Eins og þú sérð ákvað Helga
að þyrma þér í þetta skiptið, en
henni finnst samt litið í auð blöð
varið. Þú átt samkvæmt
töflunni að vera 59 kíló, ef þú
ert beinasmá, annars aðeins
jyngri. Til þess að losna við fíla
pensla þarftu að gæta þess að
borða ekki mjög sætan mat eða
sætindi og mjög gott er að fara
reglulega í gufubað. Æfingar til
?ess að stækka brjóst eru
'jölmargar en skiptar skoðanir
um ágæti þeirra og einnig hvort
mataræði hefur þar nokkur
áhrif. Þú getur treyst þvi að
brjóstin eru alls ekki fullvaxin
og þú átt eftir að þroskast mikið
ennþá. Lyf myndi varla nokkur
æknir gefa þér I þessum
tilgangi.
Fegurðarsam-
keppni karla
Halló, Póstur.
Við erum hérna nokkrar
vinkonur sem eigum eina ósk,
sem við vitum ekki hvar við
eigum að koma á framfæri.
Þess vegna ákváðum við að
skrifa þér og vonum við að þú
komir óskinni til réttra aðila.
Og þá komum við að því
hver óskin er. Hún er sú að
það sé haldin karlafegurðar-
samkeppni eins og það er
haldin kvennafegurðar-
samkeppni á hverju ári. Okkur
finnst óréttlátt, þegar alltaf er
verið að tala um jafnrétti
kynjanna, að við getum ekki
fengið leyfi til að dást að
hinum fallegu íslensku
karlmonnum, öllum á einu
bretti. Við vitum líka um
marga Stráka sem væru alveg
til í að fara I svoleiðis fegurðar-
samkepþni.
Við treystum því að þú
komir þessari ósk til skila og að
þú sjáir til þess að karla-
fegurðarsamkeppnin fái tvær
opnur í lit í Vikunni, þegar
hún verður haldin!
Með fyrirfram þökk fyrir
hjálpina.
Saumaklúbburinn
fimm fríkaðar
Þið eigið vísan stuðning Póstsins
í þessu efni og óskinni er hér
með komið á framfæri. Ef af
keppninni yrði má telja nokkuð
öruggt að frá því yrði skýrt hér á
síðum Vikunnar, jafnvel í lit!
62 Vikan 41. tbl.