Vikan - 18.10.1979, Blaðsíða 30

Þrír ólíkir draumar
Kæri draumrábandi.
Ég sendi þér fyrir löngu drauma,
sem ég bab þig að ráöa fyrir mig, en
þeir voru aldrei birtir. Ég skrifaði ekki
fulll nafn og kannski er það ástæðan.
Mig langar aftur að biðja þig að ráða
þessa drauma en vel getur verið að
þeir séu ekki eins orðaðir og í fyrra
skiptið.
Mér fannst ég vera stödd úti á landi
á mjög fallegum stað. Ég var stödd
uppi á hœð þorpsins ásamt mágkonu
minni. Hæðin var kalkmáluð og hvítur
sandur alls staðar. Glaðasólskin var.
Svo finnst mér ég vera komin á dans-
stað, mjög lítinn. Fyrir utan eða við inn-
ganginn voru mjögfalleg pálmatré
alveg að inngangi. Ég fer inn á þennan
dansstað ásamt mágkonu minni (þeirri
sömu og í upphaft draumsins). Við
setlumsl við borð eitt og tókum tal
saman. A lll í einu segir hún: Hvar er
maðurinn þinn? (sem ég kalla x). Það
veit ég ekki svara ég. Þegar við höfum
setið þarna dágóða stund þá verður
mér litið á nokkra menn og finnst mér
einn þeirra vera x (sat hann beint á
móti mér). Ég sagði við mágkonu
mína: Þarna er hann. Ég stóð upp og
gekk að borðinu en þegar þangað kom
voru allir mennirnir klæddir eins
fötum og x á, en enginn þeirra var
hann sjálfur. Mér þótti það furðulegt,
en labbaði aftur að borðinu mínu. Þá
var mágkona mín farin en mágur minn
kom til mín, er ég var sest. Hann segir
við mig: Þú tekur lífið of alvarlega,
þú ert ung og lœtur
kúga þig: Komdu með mér.
Þrír kvenmenn sátu við næsta borð.
Ein þeirra fór skyndilega að hágrála og
reyndu hinar tvær að hugga hana. Við
horfðum á þetta, en fannst okkur ekki
koma þetta við. Mágur minn tekur I
öxlina á mér og segir aftur: Komdu
með mér.
í því birtist x og var augnaráð hans
illskulegt en ég tók það ekki nærri
mér. Aðrir þrír kvenmenn (allar
Ijóshærðar, ungar og sætar) komu
aðvífandi meö miklum látum. Mér
fannst eins og þær ætluðu að reyna að
gera mér gramt í geði. En ég sagði:
Fáið ykkur sæti hjá manninum
mínum. Ein þeirra segir þá: Komdu
aðeins með okkur út. Ég fylgdi þeim
eftir, en þær fæmdu mig inn I
dimman skóg. A llt í einu birtust þrír
karlmenn. Allir litu þeir útfyrir aö
Mig
dreymdi
vera útlendingar. Tveir þeirra héldu I
sinn handlegginn hvor en sá þriðji
gekk á undan, allir voru þeir vopnaðir
spjótum og byssum. Þeir sneru mér
við, áleiðis til baka. Ég man ekki, hvað
þeir sögðu við mig, en mérfannst ég
skilja tungumál þeirra. Þegar við
komum aftur á staðinn, stóð þar heill
hópur af kvenfólki, sem sýnilega vildi
mér illt, en ég hélt hnarreist áfram og
allir viku úr vegi fyrir mér.
Draumurinn endaði eins og hann
byrjaði.
Annar draumur: Mér fannst ég halda
dreng undir skírn. Hann hafði eldrautt
hár, mér fannst ég eiga hann. Þegar
presturinn spurði hvað hann ætti að
heita svaraði ég Játvarður.
Þriðji draumur:
Mér fannst ég vera að fara á ball með
vinkonu minni en þegar þangað var
komið sagði ég: Nei, við förum ekki
inn, þetta er unglingaball. Mér fannst
ég gista hjá henni um nóttina, en
daginn eftir, þegar ég ætlaði að fara,
fann ég hvergi skóna mína. Móðir
hennar heyrir að ég er að tala um
skóna. Kom hún þá með þá og hafði
hún burstaö þá svo að þeir voru glans-
andi og enn faUegri en þeir I raun eru.
Ég er mjög spennt að fá þessa
drauma ráðna.
Með fyrirfram þökk.
H.Þ.
Fyrsti draumurinn er nokkuð erfiður i
ráðningu, því til þess að geta ráðið
hann er nauðsynlegt að þekkja betur
til dreymandans. Þó er þarna líklega
um að ræða fyrirboða ákveðinna
afmarkaðra atburða, sem eiga eftir að
henda þig, þótt í nokkuð öðru formi
verði. í draumnum eru sterk tákn sem
vara þig við að láta afbrýðisemi ná of
miklum tökum á þér, því það gæti
valdið þér miklum erfiðleikum. Þér
mun þó líklega takast að komast yfir
þessa erfiðleika og jafnvel standa betur
að vígi eftir en áður. Annar
draumurinn boðar þér mikla upphefð
og þú mátt eiga von á að eitthvað,
sem þú hefur lengi þráð, rætist mjög
óvænt. Þriðji draumurinn er reyndar
fyrirboði þess sama, og allir
draumarnir gefa í skyn að þú eigir
trygga vini, sem koma til skjalanna
þegar þú þarft þeirra mest við.
Blár páfagaukur
í kassa
Kæri draumráðandi!
Mig langar til að biðja þig að ráða
fyrir mig draum, sem mig dreymdi um
daginn. Hann er svona: Mér fannst ég
vera að labba niður I bæ með vini
mínum og var ég voða fin (í spari-
fötunum). Allt I einu var ég komin
meö kassa undir höndina og kíkti ég
ofan I hann. í einu horninu á
kassanum var blár páfagaukur, illur á
svip, en samt svolítið hræddur. Ég
hugsaði með mér: Hvað var ég að
kaupa mér páfagauk? Ég hef ekkert með
hann að gera. Svo fannst mér ég ganga
aðeins áfram og hugsa svo: Ætli hann
geti ekki kafnað með engin göt á
kassanum. Ég spyr vin minn en hann
segir að það sé allt I lagi. Þá kíki ég
aðeins á páfagaukinn. Hann var á
sama stað og var nú ekki hræddur við
mig og ekki var hann heldur eins illur
og hann varfyrst. Og ég hugsa með
mér: Æ, greyið, og mér fer að þykja
vænt um hann. Svo fnnst mér ég
alltaf ganga I bænum og alltaf er ég
öðru hverju að kíkja ofan I kassann og
páfagaukurinn verður alltaf mildari og
mildari og mér fnnst ég ekki geta án
hans verið því mér þykir svo vœnt um
hann. Svo gekk ég áleiðis heim með
pakkann I fanginu og með vini mínum,
og þá vaknaði ég.
Á.H.
Fuglar eru oft taldir mannafylgjur og
þessi draumur boðar þér talsverðar
breytingar í lífinu og þá tengdar
giftingu. Öll tákn í draumnum benda í
sömu átt, að þú kynnist bráðlega
mannsefninu eða hafir kynnst því nú
þegar og flest bendir til að samband
ykkar verði óvenju gæfusamt og að
þín bíði mikil velgengni.
30 Vikan 42. tbl.