Vikan - 25.10.1979, Síða 27

að steypa húsin þóttu þessi
gömlu bárujárnshús ekki ýkja
merkileg og það er varla fyrr en
á allra síðustu árum að augu
manna hafa opnast fyrir sér-
kennum þeirra og fegurð.
Úttekt á húsum á Seyðisfirði
er nú að Ijúka og þar hefur nú
þegar eitt verið friðað, Gamla
símstöðin. Auk þess er lagt til að
friðuð verði: kirkjan, Framnes,
hús Stefáns Th., Gamli
barnaskólinn, Steinholt,
Söluturninn og það sem nú er
kallað Wathnehús.
Þegar ekið er um Seyðisfjörð
mætir augum mergð fagurra
húsa. Ekki vekur síst athygli hús
sem stendur í hjarta bæjarins og
hefur tekið stórkostlegum
stakkaskiptum stig af stigi.
Húsið hefur breyst úr dæmi-
gerðu vanhirtu timburhúsi í
listaverk, sem vekur athygli allra
vegfarenda. Húsið nefnist
Steinholt og er upphaflega
norskt einingahús, byggt árið
1908. Eigandi var Stefán
Steinholt kaupmaður. Bærinn
gaf svo nýlega tónlistarfélaginu
á Seyðisfirði húsið og hefur
verið unnið að stöðugum endur-
bótum síðan. Eftir því sem
verkinu miðar áfram hefur þetta
hús orðið að einu fegursta og
sérstæðasta húsi staðarins.
Seyðisfjörður er smám.
saman að rétta úr kútnum eftir
erfiðleika áranna eftir hvarf
sildarinnar. Á síldarárunum í
kringum 1950-1960 risu upp
braggar og alls kyns byggingar,
sem voru svo yfirgefin drauga-
hús eftir að síldin hvarf. Staður,
sem áður hafði iðað af lífi og
framkvæmdasemi, átti í miklum
erfiðleikum. Fólk flutti á brott
og lítið var hugsað um viðhald
þess gamla. En undanfarin ár
hefur líf glæðst á ný og mörg
húsin bera þess augljós merki.
Nýtt fólk kemur í stað þess sem
fór og séreinkenni Seyðisfjarðar,
gömul norsk timburhús, byggð í
upphafi af miklum stórhug,
hljóta sinn sess, sameina
nútímann og virðulegan
hlýleika liðins tima.
baj
Hafnargata 6,1963. Mynd H. Á.
43. tbl. Vikan 27