Vikan - 25.10.1979, Qupperneq 42

vitna til þessarar reglugerðar, en
hana má fá hjá félagsmála-
ráðuneytinu, skipulagsstjóra ríkis-
ins og byggingarfulltrúum út um
land.
Þörf fyrir viðbótareinangrun
Þó svo settum reglum byggingar-
yfirvalda hafi verið fullnægt, er
ekki þar með sagt að allir séu
ánægðir. Reglurnar verður að skoða
sem lágmarkskröfur. T.d. munu
hurðaskellir, hróp og köll, píanóspil
o.fl. o.fl. geta borist frá nágrönn-
unum og þreyta margan þann sem
býr í fjölbýlishúsi. í mörgum eldri
Uppsetning grindar. Biliö milli stafanna er 60
mm.
íbúðum er einangrun svo slæm, að
hægt er að fylgjast með samtölum í
næstu íbúðum. Það getur verið afar
þreytandi að búa sífellt við hávaða
frá grönnunum, fótatak bæði fyrir
ofan sig og neðan, hávaða frá
fjölmiðlunum, útvarpi og sjónvarpi,
að ekki sé minnst á hl jómf lutnings-
tæki, sem framleiða aldeilis ótrú-
legan hávaða. í nábýli verður
maður oft að þola ýmiss konar
áreitinn hávaða, en það er vel hægt
að bæta svo um, að viðunandi
árangur náist.
Stundum nægir að teppaleggja
gólfin, þar sem slíkt er ekki þegar
gert, setja þéttilista við hurðar-
falsið á forstofuhurðinni og einnig
við opnanlegu fögin í gluggunum.
En þar sem slíkt dugir ekki til, þarf
að grípa til róttækari aðgerða.
Verður nú hugað að hvaða mögu-
leika neytendur geta valið, hyggi
þeir á úrbætur varðandi einangrun
híbýla sinna.
Efni til
einangrunar
Á veggi og loft eru notaðar
tilsniðnar plötur og steinull í
holrúmið. Besta plötuefnið er 13
mm gipsplötur, 12 mm spónaplötur
eða annað efni sömu gerðar. Það
kann að teljast kostur að nota tvö
lög af plötum hvort yfir annað.
Plöturnar eru festar á grind minnst
50 mm frá vegg- eða loftfleti, en
æskilegasta fjarlægð er 100 mm.
Plöturnar eru festar á grindina
með 10-15 sm naglabili.
Bestur árangur fæst ef ramminn
sem plöturnar eru festar á er ekki
festur beint á vegg eða loft.
Einangrun
veggja
Þið byrjið á að kynna ykkur gerð
og efni hins upphaflega veggjar. Ef
veggurinn er steyptur eða hlaðinn
má festa grindina beint á vegginn.
Grindin þarf að vera frístandandi
ef uþphaflegi veggurinn er úr
léttara efni, t.d. tré. Grind, sem
fest er beint á vegg, mun ekki skila
sama árangri og frístandandi grind
eins og áður er sagt. Stafirnir eru
48 x 73 mm, ekki minni ef grindin
er frístandandi. Þið byrjið á að
festa yfirstykki og syllu ( undir-
stykki). Ef gólfið er óslétt ber að
þétta með þunnu lagi af steinull. í
Steinull er lögð milli stafanna, reynið að fylla
alveg í bilin.
Stafirnir og loftbitarnir ættu því að
vera 10 mm frá vegg- eða loftfleti.
Síðan er 60 mm bil milli stafanna í
sjálfum rammanum. Steinullin er
lögð í holrúmið og leitast við að
fylla vel upþ í milli stafanna. Ef
menn kjósa að klæða með viðar-
þiljum má negla þær yfir plöturnar
eftir að búið er að fylla vel í allar
raufir meðspartli. Einar sér eru
viðarþiljur ekki nógu þéttar.
Ekki skulu menn búast við, að
slíkar aðgerðir gefi 100% hljóð-
einangrun, en mikla bót má ráða á
illa einangruðum íbúðum. Mun eftir
sem áður nauðsynlegt að taka tillit
til granna sinna.
Laghent fólk mun ráða sjálft við
uppsetningu slíkrar einangrunar,
sem hér er um rætt og sýnt á
myndum. Ekki þarf leyfi
byggingaryfirvalda til aðfram-
kvæma slíkar úrbætur á eigin íbúð,
en rétt mun að kynna sér reglur
um brunavarnir. Þurfi að hreyfa
við rafmagni er talið ráðlegast að
kalla til rafvirkja.
Tilsniðnar plöturnar eru festar mað 10-15 sm
naglabili. Þéttið vel allar rrfur með spartli.
steyþta eða hlaðna fleti skal nota
stálnagla eða bora fyrir festingum.
Gæta þarf nákvæmni við gerð
grindarinnar þannig að veggurinn
verði réttur. Hallamál og lóðlína
eru því nauðsynleg hjálpartæki.
Loftklæðning
Þar sem lofthæð er lítil eru 48 x
48 mm bitar festir beint í loftið. En
hér gildir hið sama og um veggina,
að best er að bitarnir snerti ekki
loftflötinn og sett sé svokallað
,,fIjótandi loft”. Bitana má ekki
festa upp í miðju lofts með stál-
þræði eða slíku. Þar sem tréloft er
fyrir er kostur að rífa gömlu loft-
•klæðninguna burtu. Þá er hægt að
setja nýju loftbitana milli gólf-
bitanna og breytist lofthæðin þá
minna. Byrjað er að festa þita, 36 x
48 mm á veggina uþpi undir lofti,
eða í þeirri f jarlægðeern æskileg
þykir. Bitarnir eru festir í grindina
með 60 mm bili. Steinull er svo sett
42 Vikan 43. tbl.