Vikan - 25.10.1979, Qupperneq 43

í holrúmiöog fyllt vel upp og
plöturnar negldar yfir. Eftir aö
búið er að klæða veggi og loft er
mjög áríðandi aðfylla (spartla)
vandlega í allar raufar hvort
heldur þið kjósið að mála eða
viðarklæða flötinn.
Efniskaup
Plötuefni er auðvelt að kaupa
tilsniðið og verðið er ekki
óviðráðanlegt. Gipsplötur eru mikið
notaðar til einangrunar. Þær eru
ekki eldfimar en eitthvað dýrari en
spónaplötur. Steinull og efni í
grind fáið þið allt í næstu
þyggingarvöruverslun og
afgreiðslumenn munu fúsir að gefa
góð ráð og upplýsingar, sem
leikmenn þurfa.
Hávaði í stigahúsum
Hávaði frá stigahúsum fjölbýlis-
húsa orsakast yfirleitt af bergmáli
og fótataki á óteppalögðum flötum.
Þar sem ekki hefur verið hlítt
ákvæðum reglugerða um hljóð-
einangrun er nauðsynlegt að setja
einangrunarplötur neðan í loft og
undir stiga. Þó svo öllum ákvæðum
sé fylgt, er nauðsynlegt að leggja
teppi eða sérstaklega hljóð-
einangrandi efni á stigaganga.
Mjög algengt er að nýrri íbúðir
séu mjög opnar, ef svo má að orði
komast. Skilur oft aðeins ein hurð
milli stigahúss og dagstofu og
svefnherbergisgangs. Þetta krefst
þess aðforstofuhurðin sé úr hinu
vandaðasta efni („massífum'' viði)
og þess gætt að vel sé þétt með
gúmmílistum í hurðarfalsi. Gætið
einnig að þéttingu milli hurðar-
karms og dyraops. Það er stór-
munur á ef hægt er að hafa lokaðar
dyr milli stofu og forstofu.
Einangrun gegn hávaða utan frá
Margar íbúðir eru þannig
staðsettar, að hávaði utan f rá, s.s.
umferðargnýr, skarkali hins
daglega lífs og ærslaleikir barna,
geta verið til umtalsverðra
óþæginda. Getur því veriðfyllsta
þörf á úrbótum, svo komast megi
hjá óþarfa óþægindum.
Við skulum nú huga að
gluggunum og hvort bæta megi þar
um betur. Er helst um þrjár leiðir
að vel ja.
• Setja góða þéttilista í opnanlegu
fögin.
• Setja aukarúðu í góðri fjarlægð
frá upphaflegu rúðunni.
• Skipta alveg um gler og setja í
staðinn sérstaklega þykkt
hl jóðeinangrandi gler.
Það kann að verða mjög til bóta
að setja nýja þéttilista í opnanlegu
fögin. Það gæti þó valdið erfið-
leikum að setja slíka lista í gamla
glugga, því yfirleitt er ekki pláss
fyrir þá. Þarf því annaðhvort að
dýpka falsið, svo það samsvari
þykkt listans, eða negla mjóa lista
innan viðopnanlega fagiðog koma
listanum fyrir á milli.
Áríðandi er að velja rétta tegund
þéttilista, sem ekki tapa teygjan-
leika með tímanum. Þéttilistar úr
„neopren'' (gúmmílistar) eru
heppilegastir. Frauðplastlistar
endast illa og grotna. Þessar
aðgerðir kunna að vera
fullnægjandi í mörgum tilfellum, en
þar sem hávaði er mjög mikill
verður að grípa til annarra ráða.
Allróttækari aðgerðir er að setja
nýja rúðu innan frá í eins mikilli
fjarlægð og unnt er frá upphaflegu
rúðunni. Ekki hæfir þetta þó alls
staðar og auðvitað ekki þar sem
opnanlegt fag er. Aukarúðan má
vera allþykk — t.d. 6 mm, þvi svo
þykk rúða einangrar best þar sem
umferðargnýr er áleitinn.
Setjum svo að 6 mm þykk rúða sé
sett 90 mm frá upphaflegu rúðunni,
þá þarf dýpt gluggans að vera 150
mm, ef hægt á að vera að fram-
kvæma verkið. En árangurinn
verður frábær.
Ef upphaflegu gluggarnir eru
með einföldu gleri er ekki vafi á að
nauðsynlegt er að skipta alveg um
gler og mun þá bæði hljóð og hita-
einangrun batna til stórra muna.
Slíkar framkvæmdir kalla á
kunnáttufólk og varla á færi nema
fárra leikmanna. Ekki er talið ráð-
legt að setja t.d. þrefalt gler í
gamla glugga, karmarnir eru yfir-
leitt ekki nógu sterkir og þola varla
aukinn þunga.
Opnanlegu fögin ættu helst að
hafa þrjá læsingarpunkta, svo
ramminn falli jafnt og þétt í falsið.
Þannig nýtist líka þéttilistinn best.
Þegar nýir gluggar eru settir í
er mikil nauðsyn að vel sé þétt
milli gluggaopsins og rammans.
Sakar ekki að húseigandi gefi því
auga hvernig smiðurinn innir
verkið af hendi.
Það þarf leyfi byggingaryfirvalda
til að breyta frá upphaflegri gerð
glugga og er nauðsynlegt að taka
tillit til sérkenna hússins.
Bætt hljóðeinangrun bæði á
veggjum, lofti og gluggum, mun
lækka kyndingarkostnað og draga
mikið úr hitatapi. Er því til mikils
að vinna, ef eitthvað mætti gera til
úrbóta varðandi einangrun híbýla.
Enginn skyldi ráðast í fyrir-
hafnarsamar og kostnaðarsamar
ráðstafanir án ráð'egginga sér-
fróðra manna. Ber uo 'eita til
byggingarmeistara., arkitekta eða
slíkra kunnáttumanna áður en
ráðist er í stórframkvæmdir.
Birt í samráði við Neytendasamtökin.
Þýð.: SH Or ForbrukerRapporten.
43. tbl. Vikan 43