Vikan - 29.11.1979, Blaðsíða 14
ODYRT og GOTT
ÚRVAL
BÓK / BLAÐFORMl
Geríst áskrífendur í síma 27022
Grunndeig í
gerbakstur
50 g ger, 150 g smjör (eða smjörlíki), 5 dl
mjólk, 1/2 tsk. salt, 1 1/2 dl strásykur, 1
tsk. kardimommur, ca I 1/2 lítri hveiti.
Myljið gerið saman við ögn af kaldri
mjólkinni og hrærið vel. Bræðið smjörið
og hellið saman við afganginn af mjólk-
inni. Hellið volgum vökvanum yfir ger-
.blönduna og hrærið vel saman. Blandið
salti, sykri, kardimommum og mestum
hluta hveitisins saman við og hnoðið
deigið kröftuglega. Hnoðið afganginum
af hveitinu smám saman saman við.
Lxggið rakan klút yfir deigið og látið það
lyfta sér. Hnoðið deigið varlega, skiptið
því i tvo hluta og látið það biða um
stund. áður en frekar er unnið með það.
Mömmusnúðar
1 skammtur af grunndeigi. Fylling: 50 g
mjúkt smjör, 1/2 dl strásykur, 2-3 tsk.
kanill eða kardimommur. Þeytt egg til
penslunar og perlusykur og saxaðar
möndlur til skreytingar.
Fletjið báða deighlutana út i aflangar
kökur. Smyrjið smjörinu jafnt yfir
kökurnar. Blandið saman sykri og kanil
og stráið yfir smjörið. Brjótið kökuna
saman þrefalt, skerið i strimla, vindið
strimlana upp í snúða. Einnig má rúlla
deiginu i þétta lengju. skera siðan
lengjuna í um 2 sm þykka bita og ýta
ofan á miðju þeirra með hnifsskafti.
Látið lyfta sér um helming undir rökum
klút, en það tekur um 30 mínútur.
Penslið með þeyttu eggi og stráið yfir
perlusykri og söx>.3um möndlum.
Bakið í miðjum 250° heitum ofni í ca 5
minútur.
Jólakringla
1/2 skammtur af grunndeigi. Fylling:
250 g möndlumassi, 1 eggjahvita. Þeytt
egg til penslunar, sykurbráð og sultaður
appelsínubörkur til skreytingar.
Fletjið deigið út í aflanga köku. Hrærið
saman möndlumassa og eggjahvitu og
breiðið blönduna á kökuna. Rúllið
kökunni í þétta lengju. Mótið lengjuna i
kringlu á bökunarplötunni, látið hana
lyfta sér um helming, penslið því næst
með þeyttu eggi og bakið i miðjum ofni
við 225° hita i um 20 mínútur. Búið til
sykurbráð úr 1 dl af flórsykri og
appelsínusafa, strjúkið bráðinni á kringl-
una og stráið yfir sultuðum appelsínu-
berki.
Ömmukrans
(Ekki á myndinni)
1/2 skammtur af grunndeigi. Fylling: 50
g smjör, 1/2 dl strásykur, 3 tsk. kardi-
mommur. Þeytt egg til penslunar og
saxaðar möndlur og perlusykur til
skreytingar.
Fletjið deigið út í aflanga köku. Smyrjið
smjörinu á kökuna, stráið sykri og
kardimommum yfir. Rúllið deiginu í
þétta lengju, skerið hana þvi næst í
sundur eftir endilöngu. Snúið lengjurnar
tvær saman og mótið úr þeim krans á
bökunarplötunni. Látið lyfta sér í u.þ.b.
30 mínútur. Penslið kransinn með
þeyttu eggi. stráið perlusykri og
söxuðum möndlum yfir. Bakið í miðjum
ofni við 225° hita í um 20 minútur.
Ávaxtakaka
200 g smjör, 1 1/2 dl strásykur, 4 egg, 4
dl hveiti, 2 tsk. lyftiduft, 1 dl súkkat, 2 dl
kúrennur, 5 stk. fíkjur, saxaðar, 5
kokkteilber, söxuð í bita, 1 msk. koníak.
Hrærið smjör og sykur ljóst og létt.
hrærið eggin saman við, eitt i senn.
Sigtið saman hveiti og lyftiduft og
hrærið saman við. Blandið saman
ávaxtabitunum ásamt 1 msk. af hveiti
og hrærið saman við deigið. Hellið
deiginu í ca 1 1/2 1 stórt mót og bakið
kökuna neðst í 175° heitum ofni i ca I
klukkustund. Hvolfið kökunni, en látið
hana kólna í mótinu.
Húsráð
Þegar gerdeig er aö lyfta sér
er gott að breiöa yfir það
plasthimnu.
Pressuger er mjög viökvæmt.
Þegar bakað er úr pressugeri
I_______:__________________________
má alls ekki opna ofninn
fyrstu mínúturnar og alls
ekki ef um mótkökur er að
ræöa. í bakstri, þar sem
mikið er af eggjum, lyfta þau
deiginu og því er hætta á að
kakan falli ef ofninn er
opnaður of snemma.
Notið bandprjón til að ganga
úr skugga um hvort kakan sé
bökuð og eins á kakan að
losna frá börmunum.
Látið deigið ekki fylla meira
en 2/3 hluta mótsins svo
kakan hafi nóg pláss til að
lyfta sér.
Sætar kökur eru yfirleitt ein-
göngu orkugjafi. Þær hafa
ekkert næringargildi og þœr
ætti því einungis að baka til
hátíðarbrigða. Slíkur bakstur
er mjög fitandi og því ólíkt
hollara að baka úr góðum og
næringarríkum hráefnum,
t.d. grófu korni.
Deig með lyftidufti þarf að
hnoða saman fljótt og baka
það ætíð strax.
Ger á að hrœrast upp í yl-
volgu vatni (37°-40° C).
Deigið á að vera lint þegar
það lyftir sér og því er betra
að hræra 2/3 hlutum hveitis-
ins í það í byrjun og afgangn-
um eftir að deigið hefur lyft
sér.
14 Vikan 48. tbl.