Vikan - 27.12.1979, Blaðsíða 62

Póstur
. ... en ef bróðir minn
gerir eitthvað
Pósturinn í Vikunni
hefur margt að geyma,
ástarsorgir, vandamál,
sem enginn ætti að gleyma.
H.H.
Kœri Póstur.
Ég hef aldrei skrifað þér áður og vona að þú birtir þetta
bréf. Mamma heldur mikið upp á bróður minn sem er
tveimur árum eldri en ég. Ég tek til og vaska upp en hún er
óánægð og setur út á allt sem ég geri. Ef bróðir minn tekur
til (sem er mjög sjaldan) þá er mamma ofsa ánœgð og hælir
honum mikið fyrir. Hann fær næstum allt sem hann biður
um, sérstaklega föt. Það þýðir ekkert fyrir mig að rifast því
þá segir hún: Voðalegur kjaftur er á þér, barn!
Þetta var allt í lagi, áður en við fluttum, þá var mamma
góð við okkur bæði. Mér finnst þetta svo leiðinlegt, en
hvað á ég að gera? Mér þykir vænt um hana en get ekki
þolað þetta tuð í henni.
Kæri Póstur. Viltu hjálpa mér og ráðleggja mér eitthvað.
Vertu sæll.
H.H.
P.S. Ég ætla að vona að ruslafötuna skorti ekki plastpoka.
En ég sendi henni einn ef hana skyldi skorta.
Bless.
Það er ekki nema um eitt að gera, talaðu um þetta við móður
þína og úskýrðu fyrir henni þitt sjónarmið. Gleymdu samt
ekki að hlusta á það sem hún hefur að segja líka, þvi vera má
að hún líti málin allt öðrum augum. Ekki er ósennilegt að
þarna spili inn í gamla, góða viðhorfið að karlmenn eigi að
sleppa mun betur frá húsverkunum og kvenfólkið sé ekkert of
gott til að sinna þessu. Það er ósanngjarnt að hæla honum
fyrir hluti, sem þú ef til vill gerir daglega og enginn tekur eftir,
en þetta er mjög algengt vandamál og þú vinnur ekkert með
því að rífast. Ef slíkt er rætt í góðu tómi og reynt að líta á
málin frá öllum hliðum hljóta allir að geta náð samkomulagi.
Ef ekki getur þú huggað þig við að þú vinnur meira en bróðir
þinn á þessu fyrirkomulagi, því þetta veldur honum aðeins
erfiðleikum síðar í sambúð við annað fólk, en þú hefur ekkert
nema gott af reynslunni. Umfram allt skaltu forðast rifrildi,
því með þvi leysir þú engin vandamál, frekar skapar fleiri og
stærri erfiðleika. Helga ruslafata er mjög gamaldags og plast-
pokar fást ekki ofan í hana með nokkru móti. Hins vegar þótti
henni ágætt að fá sendinguna. Hún gaf henni Gunnu vinkonu
sinni pokann í afmælisgjöf, en Gunna er nýmóðins og þarf
marga slíka poka daglega.
Hvemig á aö
sanna aö þetta
sé HANS bam?
Sæll, elsku Póstur.
Ég hef skrifað þér áður en
þú hefur ekki svarað þeim
bréfum. Það var nú ekki það
sem ég ætlaði að tala um. En
þannig er mál með vexti að ég
er með strák sem er 9 árum
eldri en ég. Ég er búin að vera
með honum í 3 vikur og ég
hleypti honum upp á mig strax
fyrsta kvöldið. Við vorum
hvorugt með nokkrar getnaðar-
varnir. Og svo er ég ófrísk eftir
hann og hann vill eklci viður-
kenna að hann sé faðir
barnsins. Það kemur náttúrlega
ekki til mála að ég láti eyða því
og ég vil að barnið eigi föður.
En hvernig á ég að sanna að
þetta sé HANS barn?
Elsku Póstur, hjálpaðu mér!
Ein hjálparþurfi
Það er varla miklum vand-
kvæðum bundið fyrir þig að
feðra bamið. Fyrst skaltu láta
tímann líða, leyfa baminu að
fæðast og athuga hvort þetta
jafnar sig ekki allt saman. Ef svo
verður ekki og barnsfaðir þinn
ætlar að sýna sömu framkomu
og þú hefur áður lýst er ekki um
annað að ræða fyrir þig en að
sækja um meðlag sem allra fyrst
eftir fæðingu bamsins. Síðan
gengur það rétta leið í gegnum
kerfið og ef bamsfaðirinn neitar
að eiga bamið verður að taka
blóðsýni bæði af honum og
baminu. Þú þarft ekki að hafa
áhyggjur af því að ekki takist að
sanna rétt faðemi bamsins, en
þetta getur tekið tíma. Mikið
liggur við að þú látir það hafa
sem minnst áhrif á þig sjálfa
andlega og barnið getur orðið
þér til mikillar gleði í fram-
tíðinni.
Enskt hrossabú
Elsku Póstur.
Ég þakka gott blað og ég
reyni að kaupa Vikuna sem
oftast. Þannig er mál með vexti
að mig langar til Englands á
hrossabú. Ég veit ekkert hvað
ég á að gera. Á ég að tala við
eitthvert sendiráð eða eitthvað
svoleiðis?
Elsku Póstur, hjálpaðu mér.
Ein hrossasjúk.
P.S. Vona að Helga sé ekki
svöng. Afsakaðu skriftina.
Hafðu samband við breska
sendiráðið, annaðhvort símleiðis
eða með því að fara á staðinn.
Þar verður þér bent á hvaða
aðferð við að komast í samband
við slíkt bú er heppilegust og
hvernig þú snýrð þér í málinu.
Nóttin 7. okt
Kæri Póstur.
Ég er 13 ára og ég held að
égsé ólétt. Kærastinn minn,
sem er 15 ára, og ég sváfum
saman nóttina 7. okt. Ég sagði
mömmu að ég hefði sofið hjá
vinkonu minni og hún trúði
því.
Og hérna sit ég og skrifa og
vona að þú hjálpir mér, því ég
er alveg I öngum mínum út af
þessu. Ég get ekki alltaf keypt
Vikuna, en ég ætla að reyna að
skrapa saman fyrir næstu
fórum Vikum. Ef ekkert svar
hefur þá birst verð ég að sætta
mig við að fá ekkert svar. Eg
vona að þú skiljir skriftina.
Bestu kveðjur.
L.K.
Vinnslutími Vikunnar er oft
meira en fjórar vikur, og er þá
ekki gert ráð fyrir þeim tíma,
sem bréfið bíður hjá Póstinum,
þannig að þegar þetta birtist
eru vikurnar þínar fjórar löngu
liðnar. Pósturinn ætlar samt að
birta bréfið þitt í þeirri von að
það beri fyrir augu þín á ein-
hvern máta.
Vonandi hefur þetta ekki
reynst rétt hjá þér og blæðing-
ar tafist af einhverjum öðrum
orsökum. í tilviki sem þessu er
réttast að snúa sér strax til
læknis og láta rannsaka
óyggjandi hvort grunurinn
hefur reynst réttur. Sé slíkt gert
án tafar er möguleiki á að fá
fóstureyðingu opinn fyrir
stúlkur, sem eru á þínum aldri.
Þann möguleika ber að íhuga
vandlega, því vandséð er hvað í
ósköpunum barn á þínum aldri
hefur með afkvæmi að gera. Ef
getnaður hefur orðið umrædda
nótt verður ekki aftur snúið nú,
en eftir sem áður áttu kost á
margs konar aðstoð, sem þú
ættir að fá allar upplýsingar
um á Heilsuverndarstöðinni í
Reykjavík. Hafðu hugfast að
þú ert allt of ung til þess að
standa ein og óstudd og við
allar ákvarðanir þarftu að njóta
aðstoðar fullorðinna, t.d.
lækna, félagsráðgjafa og for-
eldra.
Peimaviiiir
Catalina Cabahero, c/o Ruiz,
Compound, Tabunoc, Talisay, Cebu
Philippines 6453, er 27 ára gömul og
óskar eftir islenskum bréfavinum. Hún
skrifar á ensku og áhugamál hennar eru
lestur, leikhús og margt fleira.
fcX Vlkan 52. tbl.