Vikan - 18.09.1980, Blaðsíða 47
hengt á stóra bambusstöng sem tveir
innfæddir báru á milli sín.
Orinoco-indíánarnir í Venesúela festu
hengirúm sin hátt uppi, á milli húsa-
stólpanna. og á næturnar kveiktu þeir
síðan litið bál undir rúmunum.
Reykurinn fældi móskitóflugumar frá
og að sjálfsögðu var þetta góð upphitun
á köldum nóttum, sérstaklega yfir regn-
tímann.
En sumir frumstæðir þjóðflokkar létu
sér ekki nægja að sofa i hengirúmum á
nætumar . . . þeir vildu lika eyða þar
svefninum langa! Þar var venja að
afmarka ákveðið svæði inni í frum-
skóginum, þar sem hinum látnu var
komið fyrir í hengirúmum hátt uppi i
krónum trjánna. Þar raskaði enginn ró
þeirra nema þá helst hrægammarnir.
En flestir indiánar og aðrir þeir sem
notuðu hengirúm nýttu þau á svipaðan
hátt og við gerum nú. Og það var sá
háttur sem Kolumbus varð hvað hrifn-
astur af. Eftir að hann uppgötvaði kosti
hengirúmsins tíðkaðist lengi að nota
hengirúm um borð í skipum. Þaðer mál
jnanna að aldrei hafi þægilegri svefn-
pláss verið í notkun á sjónum, því í stað
þess að menn yltu fram og til baka í
lokuðum trérekkjum, vögguðu þeir mjúk-
lega í hengirúmunum í takt við velting
skipsins. Nú hafa hengirúmin verið lögð
niður að mestu leyti um borð i skipum.
En hvort sem það er sjómönnum að
þakka eða öðrum þá fluttist þessi
hugmynd i land og hefur verið útbreidd
víða síðan.
Nú er tækifæri fyrir þá sem ekki eiga
þetta þarfaþing að útvega sér það á ódýr-
asta hátt — með því að búa það til
sjálfir. Ein aðferð sem handavinnu-
vinkona Vikunnar mælti með var að
prjóna. hengirúmið úr hampi. Þá eru
notaðir grófustu prjónar sem finnast á
markaðnum, Júmbóprjónar, og byrjað
Hér er falleg einfalt hengirúm úr snæri.
með aðeins fáeinar lykkjur. Síðan er
aukið út jafnt og þétt i annarri hverri
umferð, þar til tilætlaðri breidd er náð.
Prjónið þá áfram og athugið að hafa
lengdina ríflega. Síðan er fellt af með
sama millibili og aukið var út. Þegar
búið er að fella af eru klippt niður bönd
sem fest eru í báða enda á hengirúminu.
Mælt er með hnútnum sem sýndur er á
skýringarmynd I hér til hliðar.
Athugið að ef áhugi er fyrir því að
hekla rúmið er uppskriftin að framan vel
nýtanleg. Þeir sem búa svo vel að eiga
vefstól geta svo að sjálfsögðu ofið sér
hengirúm.
Ef prjónað eða heklað er úr hampi
geta þeir litaglöðu notað einn þráð af
meðalþykkum hampi á móti einum
þræði af islenska teppagarninu sem fæst
í öllum regnbogans litum. En þeir sem
eru meira fyrir náttúrulitina nota að
sjálfsögðu hampinn einan.
Að lokum skal bent á mjög handhæga
aðferð við gerð hengirúma. Þá er
notaður flatur hnútur sem sýndur er hér
til hliðar (sjá skýringarmynd II) og er
útkoman sérstaklega glæsileg eins og
sést á litmyndinni.
Og þá er ekki eftir annað en að bretta
upp ermarnar og hefjast handa.
* *
38. tbl. Vikan 47