Vikan - 18.08.1983, Síða 13

í október siðastliðnum var varla
þverfótað fyrir James Bond og öilu
hans liði í Udaipur á Indlandi. Roger
Moore, núverandi aðalhandhafi
James-Bond-titilsins, og fjöldinn allur
af indverskum og enskum Ijósmynda-
fyrirsætum, smástirnum frá Los
Angeles og stakri sænskri Ijósku
fylltu fínustu hótelin þar í borg, alls
um tvö hundruð manns. Auk þeirra
var loftfimleikafólk og franski leikar-
inn Louis Jourdan og indverskir leik-
arar og tennisleikarar.
Octopussy og aðrar Bond-hetjur
Indland hefur áður verið i sigtinu
hjá hönnuðum James Bond-mynda.
Til stóð að taka kvikmyndina Moon-
raker, sem sýnd var hér á landi síðast-
liðinn vetur, á Indlandi, en þegar til
átti að taka reyndist það eitthvað
flókið og málið var leyst með Feneyj-
um og Rio de Janeiro.
En nú var draumurinn sem sagt lát-
inn rætast og Indland var ofið inn í at-
burðarásina í Octopussy.
Hvað er svo þetta Octopussy? Eitt-
hvert stórhættulegt vopn eða undir-
heimahópur sem stefnir að heimsyfir-
ráðum? Nei, ekki alveg. Maud
Adams, ein aðalleikkvennanna í
myndinni, segist eiga heiðurinn af því
að vera Octopussy og erfir þann titil
reyndar frá kolkrabba (octopus)
pabba síns. í myndinni auðvitað. Það
muna kannski einhverjir Bond-aðdá-
endur eftir hinum voðalega majór
Smith úr Bond-myndum. Það er pabb-
inn. Og sagan í myndinni (sem reynd-
ar er samsuða úr 3 smásögum lan
Fleming) er venjulegur Bond-þrilli
með öllu, njósnurum, fallegum kon-
um, 007, prinsum og afgönskum
svindlurum. Þar að auki er í myndinni
eitt stykki gáfuð (og að sjálfsögðu fal-
leg) kona.
Utflutningur á umhverfi?
Það hljóp sannarlega á snærið hjá
Indverjum að fá kvikmyndafólkið,
þótt það staldraði ekki við nema 3
vikur i allt. Taliö er að það hafi eytt
um 25 milljónum dollara meðan á
dvölinni stóð. Þess er reyndar ekki
getið hvort það voru indverskir eða
amerískir dollarar, en upphæðin er að
minnsta kosti nógu há.
Það er dágóð summa fyrir tuttugu
mínútur í einni kvikmynd. Indverjar
hugleiða líka i fullri alvöru hvort ekki
eigi að gefa þessari staðreynd gaum
og hefja „útflutning" á indverskum
staðháttum í erlendar kvikmyndir.
Nokkur alþjóðleg fyrirtæki hafa sýnt
áhuga. Indland er fjarri því að vera
óþekkt í kvikmyndum því að líklega
er það sviðsmynd í fleiri kvikmyndum
en nokkurt annað land á hverju ári.
Indverjar eru nefnilega mestu kvik-
myndaframleiðendur heims ef fjöldi
mynda er talinn. Ekki má gleyma því
að kvikmyndin um Gandhi var tekin á
Indlandi, þótt þar sé um ólíka mynd
að ræða, borna saman við Octopussy.
Talar ekki um fjármál
En það eru fleiri en Indverjar sem
hagnast á Octopussy. Roger Moore,
James Bond sjálfur, segist að vísu
neita að tala um fjölskyldumál og fjár-
mál við blaðamenn. En það þarf ekki
mikið hugmyndaflug til að ætla að
hann hafi dágott upp úr tökunni. Enda
bætir hann við: „lan Fleming skrifaði
sögurnar um James Bond til að
skemmta fólki og lappa upp á fjárhag
sinn. Ætli ég leiki hlutverkið ekki af
báðum sökum."
Heimild: lndiaTodayo.fi.
33. tbl. Vlkan 13