Vikan - 18.08.1983, Blaðsíða 40

Lögreglan í Senswall í New
Mexico hélt að einfalt mál hefði
borist upp í hendurnar á henni
þegar svokallað Kendruff-mál
kom upp í ágúst 1982. Málið átti
þó eftir að valda lögreglunni þar,
og loks alríkislögreglunni, meiri
heilabrotum en flest önnur mál
sem upp komu um svipað leyti.
Ung kona, Alice Kendruff,
hringdi snemma kvölds á laugar-
degi í lögregluna og tilkynnti að
maðurinn hennar lægi örendur á
gólfinu heima hjá þeim. Hún
hafði reynt lífgunartilraunir en
árangurslaust.
Eiginkonan unga virtist frem-
ur róleg og yfirveguð og greindi
fúslega frá því sem hún vissi við
fyrstu yfirheyrslur. Saga hennar
var ákaflega einföld: maðurinn
hennar hafði fengið sér einfaldan
asna eftir kvöldmatinn, gengið
um gólf meðan hann hlustaði á
fréttirnar í sjónvarpinu og horfði
með öðru auganu á það sem
vakti athygli hans þar. Hún
hafði líka gefið fréttunum auga
en annars verið niðursokkin í bók
og ekki tekið eftir miklu í kring-
um sig fyrr en maður hennar
hneig niður fyrir framan hana og
ísmolarnir úr glasinu dreifðust
yfir gólfið.
Hún hafði verið starfandi
hjúkrunarkona áður en hún gift-
ist Kendruff yfirlækni og reyndi
því lífgunartilraunir en árangurs-
laust. Pleyton lögregluforingi
hafði á tilfinningunni að konan
væri að segja satt þegar hún rakti
þessa sögu. Frúin greindi frá því
að læknirinn hefði orðið uppvís
að alvarlegri vanrækslu í starfi
og bandarísku læknasamtökin
hefðu ekki treyst sér til að standa
með honum í því máli, maður-
inn hennar hefði verið mjög
þunglyndur eftir að hann missti
atvinnu við virt sjúkrahús í New
Mexico, drukkið stíft og litla til-
burði sýnt til að takast á við
vandamálið. Hann hefði lokað
sig inni, orðið mjög upptekinn
af útliti sínu og fylgst með um-
heiminum gegnum sjónvarpið