Vikan - 22.08.1985, Page 24

Veggmyndirúr innkaupapokum
Frumleg og skemmtileg veggskreyting, ekki satt? Sá sem hér var að verki lét
sér ekki nægja að brjóta innkaupapokana saman og setja þá niður í skúffu eöa
nota þá undir rusl heldur tók hann þá fallegustu og rammaöi þá inn og setti upp á
vegg. í þessu tilfelli eru rammarnir áreiðanlega mörgum sinnum dýrari en
„myndirnar”.
Sagt er aö það megi skipta mönnum í tvo hópa — þá sem elska hvítlauk og þá
sem ekki geta þolað hann. Sumum finnst hvítlauksbragðið allt of sterkt en kunna
þó vel að meta það í hófi. Fyrir þá og aðra hvítlauksunnendur má benda á að þaö
er stórsnjallt að setja nokkur hvítlauksrif niður í blómapott, um það bil 2 cm niður
í moldina. Vökvið vel og setjið á bjartan stað. Eftir örfáar vikur gægjast græn
blöð upp úr moldinni. Þegar þau eru orðin um það bil 15 cm á hæð má byrja að
klippa þau, til dæmis í salöt eða ofan á brauð. Af blöðunum er daufur en ósvikinn
hvítlaukskeimur.
Spegilbrot á borðplötu
Ef litla, gamla borðið er orðiö lúið og slitið kemur hér dálítil hugmynd að endur-
lífgun. Skerið sjálf, eða látið skera, spegil, til dæmis úr brotnum spegli, í mislanga
en jafnbreiða bita sem síðan eru límdir ofan á plötuna. Borðiö er síðan málað meö
glansandi lakkmálningu og fær heiðurssæti í stofunni.
Húsráðfyrir
byrjendur
Nokkur gömul húsráð sem allir kunna — nema
þeir sem eru að byrja
Þau eru mörg, gömlu, góðu hús-
ráðin sem allir kunna, eða kunna þau
allir? Hvað um þá sem eru að byrja
búskap? Einu sinni verður allt fyrst.
Hér koma nokkur algeng og árang-
ursrík húsráð.
* Púðursykur harðnar oft illa eftir
að búið er aö opna umbúðirnar.
Heillaráð er því að setja brauðbita í
pokann eða dósina. Þá helst hann
mjúkur og meðfærilegur.
* Grænir tómatar verða rauðir ef
þeir eru hafðir nokkra stund úti í
glugga.
* Ef rauðvín hellist niður í dúk eða
teppi er ráð að strá strax salti yfir
blettinn, láta bíða til næsta dags og
ryksuga síðan teppið eða þvo dúkinn.
* Þegar velta á kjötbitum upp úr
hveiti og kryddi er best að setja
hveitið og kryddið í plastpoka, setja
bitana síöan ofan í pokann og hrista
vel. Með þessu dreifist hveiti-krydd-
blandan betur yfir bitana og auk
þess er þetta fljótlegra.
* Eina ráöið til að ná tyggjói úr
fötum er að láta flíkina vera í frysti
þar til tyggjóið grjótharðnar og
kroppa það síðan burtu. Fari tyggjó í
áklæði eða teppi eöa annað sem ekki
er gott að koma í frystinn er ráð að
setja ísmola í plastpoka og leggja
við. Skiptið um ísmola jafnóðum og
þeirfara aðbráðna.
* Verði maturinn of saltur er reyn-
andi aö afhýða hráar kartöflur og
setja í pottinn. Kartöflurnar drekka í
sig saltvatniö.
* Fari kertavax ofan í dúk eða flík-
ur er hægt að ná því burtu með því að
leggja dagblaö eða þerriblað yfir og
strjúka yfir með straujámi.
* Þrjú ráð til þess að fá ekki tár í
augun viö aö skera niður lauk: 1.
Skrúfið frá vatninu og látiö það
renna á meðan. 2. Andið meö munn-
inum. 3. Nuddið salti í lófana áður en
þið byrjið.
* Pússið yfir gluggarúður með
gömlum dagblöðum eftir þvott — við
það verða þær skínandi hreinar.
24 Vikan 34* tbl.