Vikan - 17.07.1986, Side 27

Hornsteinn að Herkastalanum var lagður 11. maí 1916.
Á leið frá útisamkomu árið 1945.
tekið að sér hjúkrunarstörf á heimilum þar sem
öll fjölskyldan lá kannski í farsótt eins og
taugaveiki, þegar læknar og hjúkrunarkonur
höfðu reynst ófáanleg til að koma þar nærri.
Einnig stóð herinn fyrir matarútbýtingum á
ísafirði þegar illt var í ári, eins og til dæmis
frostaveturinn mikla 1918. Þá saumuðu herkon-
ur föt á bágstadda, gjarnan upp úr gömlum
flíkum. Börnum og unglingum stóð til boða
félagsskapur þar sem fram fór tungumála-
kennsla, kennsla í hannyrðum, söng og æfíngar
í hljóðfæraslætti.
ÁHRIF Á TÓNLISTARLÍFIÐ
Hefur Hjálpræðisherinn án efa haft áhrif á
tónlistarlíf í landinu enda erfitt að ímynda sér
að hljóðfærin, sem hann kom með, hafi verið
algeng hér um síðustu aldamót. Mun til dæmis
Sigvaldi Kaldalóns hafa stigið sín fyrstu spor
á tónlistarbrautinni hjá hernum, þó svo hann
hafi aldrei gerst félagi. Móðir hans, frú Sess-
elja Sigvaldadóttir, var hins vegar hermanna-
leiðtogi og einhverju sinni, er Sigvaldi spilaði
á samkomu, heyrði hann gauragang úti við dyr
og voru þá óróaseggir á góðri leið með að slá
móður hans niður þar sem hún var við dyra-
vörslu. Það var reyndar ekki óalgengt að
herinn yrði fyrir aðkasti á fyrstu árunum hér.
Einhvern tíma var herkonu á Akureyri stungið
í poka og átti að fara með hana niður í flæðar-
mál. Einnig kom íyrir að reynt var að trufla
samkomur, rúður brotnar og öryggin tekin úr
sambandi þannig að kveikja varð á kertum og
syngja í hálfgerðu myrkri. Þá hafa líka ýmsir
29. TBL VIKAN 27'
L