Vikan - 17.07.1986, Qupperneq 45

/
Fólki hættir stundum til að dæma fyrirfram,
það gerði ég þegar ég heyrði fyrst minnst á
Svarthvítan draum. En stuttu seinna sannaðist
fyrir mér hve rangt það er að dæma eitthvað
áður en maður hefur kynnst því. Það var á tón-
leikum Einstiirzende Neubauten, þar sem
Svarthvítur draumur var upphitunarband. Tón-
listin var hrá og skemmtileg en minnti helst til
mikið á Birthday Party. Sviðsframkoman var
lifandi og kveiktu þeir í fólkinu og fyrir mitt
leyti gat ég ekki með góðu móti staðið kyrr.
Eg setti mig í samband við strákana í Svart-
hvítum draumi og demdi yfir þá spurningum.
Svarthvítan draum skipa þeir Gunnar Hjálmars-
son, bassi og rödd, Steini Birgisson, gítar, og
Biggi Baldursson er trommarinn. Hljómsveitin
hefur starfað síðan '82 undir þessu nafni, með
lítilsháttar trommaraskiptum. Strákarnir hafa
spilað samhliða skólanum en þeir voru að næla
sér í stúdentshúfu.
Þið gáfuð út plötu fyrir stuttu, Bensínskrímsl-
ið öskrar. Hvernig hefur gengið að selja hana?
Platan kom út í febrúar og hefur gengið svona
eins og við bjuggumst við, ekkert of vel. En við
gefumst ekkert upp. Það má vel vera að við
gerum fleiri plötur, töpurn peningum.
Getið þið skilgreint tónlistina sem þið spiiið?
Tónlistin okkar krefst þess að gera eitthvað
við hana, hreyfa sig en ekki liggja bara á bakinu
og pæla. Hins vegar reynum við að spila margs
konar tónlist, ekki bara eitthvað „one way“.
Það er samt erfitt að skilgreina tónlistina eitt-
hvað betur. Við viljum ekki útjöskuð nöfn eins
og „new wave“ eða „rock“.
- Nú fannst mér tónlistin greinilegt pönk.
Ja, við vorum að vaxa úr grasi þegar pönk-
bylgjan skall á. Við erum eiginlega mjög heppnir
að hafa ekki fæðst seinna, þá værum við að
hlusta á rusl eins og U2 og þess háttar.
Ein spurning sem ég held mikið upp á, ís-
lenskir áheyrendur?
Við höfum spilað oft opinberlega og áheyr-
endur eru svona upp og ofan. Maður lendir í
tvenns konar „situation“, annaðhvort er fólkið
dautt eða brjálað.
Tíska?
Við erum náttúrlega ekki tískufrík. Fólk er
ekki föt.
Hvernig er að vera hljómsveit á íslandi í dag?
Við erum listamenn almennt. En við erum
hundleiðir á þessum Islandshroka - Eurovision
og handbolti og hálf þjóðin liggur fyrir framan
sjónvarpið og runkar sér, ísland, Island. Þjóð-
ernismúgsefj unarhroki!
Pólitískt band?
Við viljum ekki móta neinn en getum tekið
undir það sem Fræbbblarnir sögðu í sjónvarpi
árið ’79 að 99% íslensku þjóðarinnar væru fávit-
ar.
Að lokum...
.. .viljum við benda fólki á plötuna okkar, það
er ekkert of seint að næla sér í eintak. Svo erum
við með sérstök skilaboð til ungs fólks: HENDIÐ
VÍDEÓTÆKJUNUM OG FARIÐ AÐ SPILA
ROKK.
29. TBL VIKAN 45
L