Vikan - 18.09.1986, Side 56

STJÖRNUSPÁ
Á
SPÁIN GILDIR FYRIR VIKUNA
18.-24. SEPTEMBER
HRÚTURINN 21. mars-20. apríl
Þú veltir mikið fyrir þér múli sem
í þínum augum er mikilsvert og þér
sámar að aðrir skuli láta sér fátt
um finnast. Reyndu að finna út
hvað hentar þér best og síðan ætt-
irðu endilega að trúa einhverjum
fyrir því sem þér liggur á hjarta og
afla þér stuðnings.
TVÍBURARNIR 22. maí-21. júní
Hristu af þér slenið og reyndu að
koma einhverju skipulagi á daglegt
líf þitt. Það ergir þig að láta reka
á reiðanum til lengdar og auk þess
máttu búast við að þurfa að hlusta
á endalausar aðfinnslur. Þú mátt
treysta því að ekkert er óyfirstígan-
legt í þessum sökum.
LJÓNIÐ 24. júlí-23. ágúst
Einhverra breytinga er að vænta á
högum þínum. Það hefur átt að-
draganda en með þeim hætti þó að
þú hefur ekki veitt því athygli og
því kemur ýmislegt nokkuð flatt
upp á þig núna. Kvíddu engu, þegar
fram líða stundir verður þetta til
þess að staða þín styrkist til muna.
VOGIN 24. sept.-23. okt.
Þú lendir í töluverðum vanda og
satt að segja sýnist þér í fyrstu ekki
margra kosta völ. Sitt sýnist hverj-
um og þeir sem þú leitar ráða hjá
eru síður en svo á sama máli. Flan-
aðu ekki að neinu, hugleiddu málið
heldur af rósemi því að lausnin er
einfaldari en þig grunar.
BOGMAÐURINN 24. nóv.-21. des.
Láttu ekki á þig fá þótt þú lendir í
orðaskaki og þér finnist þú fara
halloka. Það þarf ekki endilega að
þýða að þú verðir undir þótt ein-
hver annar eigi síðasta orðið. Þér
berst óvæntur liðsauki þegar þú ert
um það bil að gefast upp og það
skiptir sköpum um framhaldið.
VATNSBERINN 21. jan.-19. febr.
Sýndu lipurð og samstarfsvilja ef
upp koma ágreiningsmál í fjölskyld-
unni. Það er um að gera að allir sem
hlut eiga að máli fái tækifæri til að
útskýra sjónarmið sín og sennilega
kemur í ljós að ekki ber eins mikið
í milli og í fljótu bragði kann að
virðast.
NAUTIÐ 21. apríl-21. maí
Þér gengur venju fremur vel að
koma hugðarefnum þínum á fram-
færi og sjálfsagt fyrir þig að notfæra
þér það svo lengi sem þú gengur
ekki á rétt annarra. Líkur eru á að
þú fáir gott tækifæri til að leggja
lítilmagna lið og það verður geymt
en ekki gleymt.
KRABBINN 22. júní-23. júlí
Framkoma þeirra sem þú umgengst
mest kemur þér á óvart og það
ruglar þig í ríminu að fólk virðist
hreint ekki vera sjálfu sér sam-
kvæmt. Það borgar sig ekki fyrir
þig að velta of mikið vöngum yfir
þessu því oft á tíðum liggur ekkert
að baki annað en hugsunarleysi.
MEYJAN 24. ágúst-23. sept.
Þú hefur lengi verið að basla við
að leiða einhverjum fyrir sjónir að
hann sé á rangri braut en hefur
satt að segja ekki haft erindi sem
erfiði. Ekki er endilega víst að öll-
um henti það sama og það sem er
gott fyrir þig þarf síður en svo að
vera öðrum nauðsynlegt.
SPORÐDREKINN 24. okt.-23. nóv.
Loksins færðu tækifæri til að kynn-
ast persónu sem þú hefur lengi
dáðst að úr fjarlægð. Látir þú til
skarar skríða verðurðu ekki fyrir
vonbrigðum og líkur eru á að kynni
ykkar verði upphafið að öðru meira
og báðum til heilla. Gleymdu samt
ekki gömlu vinunum.
STEINGEITIN 22. des.-20. jan.
Þér hættir til að mikla hlutina fyrir
þér og þessa dagana fmnurðu fyrir
óvenjumikilli verkkvíðni. Þú getur
sparað þér þessar áhyggjur því að
heppnin er með þér og auk þess eru
ýmsir góðviljaðir reiðubúnir að
leggja hönd á plóginn. Það skaltu
ekki hika við að þiggja.
FISKARNIR 20. febr.-20. mars
Freistingarnar sækja að og ekki eru
allar til þess að falla fyrir þeim þótt
af og til sé í góðu lagi að sletta
dálítið úr klaufunum. Annars væri
skynsamlegt fyrir þig að lifa sem
reglubundnustu lífi nú um sinn og
reyna að hafa hemil á óróanum.
Gættu þess umfram allt að sofa nóg.
Að þessu sinni beinum við athyglinni að börnum í meyjar-
merkinu. Þau eru venjulega þroskaleg sem ungbörn og fljót
til máls, fá gjarnan þá einkunn að þau séu afskaplega skýr.
Fljótt virðast þau hafa ákveðnar meiningar um hlutina og
til dæmis er þýðingarlaust að ætla að láta þau borða eitt-
hvað sem þeim hugnast ekki og eins líklegt að þá fari allt í
bál og brand. Þau eru athugul og gera oft snjallar athuga-
semdir varðandi það sem fyrir augu ber. Þessi börn þarfnast
meiri blíðu en þau láta í ljós og þeim er afar mikilvægt að
njóta velþóknunar. Langt fram eftir aldri hafa þau ekkert á
móti því að þeim séu sýnd blíðuhót og helst þarf að muna
eftir að hrósa þeim í hvert sinn sem þau standa sig vel. Þau
eiga auðvelt með að laga sig að aðstæðum, eru skemmtileg
og umgengnisgóð og enginn ætti að þurfa að hafa áhyggjur
af að þau týni eigum sínum. í skóla eru þetta góðir og þægi-
legir nemendur, áhugasamir en eiga það til að tefja tímann
vegna þess að alltaf þarf að ganga úr skugga um staðreynd-
ir og rökstyðja hvaðeina. Varlega þarf að fara í aðfinnslur
við þessi börn, þau eru auðsærð, taka mistök yfirleitt afar
nærri sér og þola öllum börnum verr að skopast sé að þeim.
Þau reyna að geðjast kennara sínum og eru boðin og búin
að aðstoða hann ef á þarf að halda enda vel til þess fallin,
samviskusöm og vandvirk. Hlaupi aftur á móti snurða á þráð-
inn á milli meyjarbarnsins og kennarans getur tekið tímana
tvo að bæta úr því.
56 VIKAN 38. TBL