Vikan - 18.09.1986, Blaðsíða 14

HIN GUÐ-
DÓMLEGA
- GOÐSÖGNIN
GRÉTA GARBO
Hvað skyldu þeir vera orðnir
margir, dálkakílómetrarnir sem
skrifaðir hafa verið um „hina guð-
dómlegu“, „goðsögnina í lifanda
lífi“ - Grétu Garbo? Hún er enn í
dag eitt vinsælasta slúðurdálkaefni
blaða og tímarita um allan heim
og einkalíf hennar, meðan hún var
enn í sviðsljósinu fyrir rúmum
fjörutíu árum, veldur blaðamönn-
um og rithöfundum eilífum heila-
brotum.
Garbo er orðin áttatíu ára gömul
og býr ein sem fyrr við 52. stræti í
New York. Endrum og sinnum
tekst vökulum ljósmyndara að
festa goðsögnina á filmu er hún
bregður sér í göngutúr, látlaust
klædd og með stór sólgleraugu. En
aðeins einum blaðamanni hefur
tekist að fá upp úr henni orð síðan
hún sneri baki við frægðinni upp
úr 1940.
Nýjustu vangaveltur í blaða-
heiminum eru um hvort Gréta
Garbo sé nú loks á leið í hjóna-
bandið. Hefur hún undanfarið sést
á gangi með forríkum fornmuna-
sala, Joseph Lombardo, en einnig
eru gagnkvæmar heimsóknir
þeirra tíðar. Sá sem ljóstraði upp
þessum tíðindum er ljósmyndarinn
Ted Leyson sem í rúm fjögur ár
hefur staðið tvo tíma á hverjum
degi við hús Garbo, í von um góða
mynd og góða frétt. Myndir hans
skipta nú hundruðum en fréttirnar
eru öllu færri. Þó fullyrðir hann
að svo mikið viti hann um hagi
Garbo að það sé misskilningur að
hún lifi einangruðu og óhamingju-
sömu lífi, hún eigi marga vini sem
hún hitti reglulega.
Gréta Garbo giftist aldrei en
mörgum sinnum komst hjóna-
bandsorðrómur á kreik, meðal
annars er hún átti vingott við hinn
fræga hljómsveitarstjóra Leopold
Stokowsky. Einu sinni er þó talið
að munað hafi litlu; mótleikari
hennar og stór stjarna þess tíma,
John Gilbert, er sagður hafa beðið
hennar í tvígang og í bæði skiptin
játaði Garbo - en flúði á síðustu
stundu!! Sjálf sagði Gréta Garbo á
síðasta ári í viðtali við sænskan
blaðamann - hinu eina í rúm fjöru-
tíu ár: - Ég giftist aldrei. Og það
er vegna þess að ég kunni ekki að
elda mat... Karlmenn vilja ekki
eiginkonur sem ekki kunna að
matbúa...
Gréta Garbo og vinur hennar,
Joseph Lombardo.