Vikan - 23.10.1986, Blaðsíða 24

Stúdentapólitík
Sverrir Hermæmsson menntamálaráðherra:
„Við vorum hógværari
en stúdentar eru í dag“
Sverrir Hermannsson hefur setið
beggja vegna borðsins. Hann sat í
Stúdentaráði á árum áður en nú fer
hann með yfirstjórn menntamála í
landinu.
Þrátt fyrir mikið annríki gaf Sverr-
ir sér litla stund til að ræða við
Vikuna um málefni sem tengjast
stúdentum fyrr og síðar.
Sverrir sagðist allar götur hafa
haft mikinn áhuga á félagsmálum
og því hefði það ekki verið óeðlilegt
að hann hefði einnig tengst þeim á
háskólaárum sínum. Afskipti Sverris
af stúdentapólitík hófust með því að
hann fór að ritstýra Stúdentablaðinu
á öðru námsári sínu í Háskólanum.
Síðan varð hann formaður Vöku,
félags lýðræðissinnaðra stúdenta,
1953-1954 en þegar hann lét af því
starfi fór hann í framboð til Stúd-
entaráðs og náði kjöri. „Ég man að
þar sat ég með Ragnhildi Helgadótt-
ur, núverandi heilbrigðisráðherra,
Jónasi Hallgrimssyni, prófessor og
lækni, séra Ingólfi Guðmundssyni,
Árna Björnssyni þjóðháttafræðingi
og fleirum. Þetta var allt öðruvísi þá,
miklu smærra í sniðurn en nú er. Ég
held að við höfum ekki haft ýkja
mikil áhrif á stjórnvöld vegna hags-
muna námsmanna á þessum árum.
Við vorum líka miklu hógværari en
stúdentar eru i dag. Starfandi stjórn-
málaflokkar í landinu höfðu sína
menn inni í ráðinu og þótti það gott.
En að öðru leyti sinntu þeir þessu
ekki að neinu ráði. Það hefur losnað
um þessi tengsl flokkanna við Stúd-
entaráð. Þó held ég að Vaka sé
tengdari Sjálfstæðisflokknum en hin-
ir flokkarnir sem sitja í Stúdenta-
ráði.“
- Er það leiðin til frama í Sjálf-
stæðisflokknum að hafa verið
framarlega í Vöku?
„Ég veit það nú ekki en hinu ber
ekki að neita að menn marka sína
braut oft snemma á lífsleiðinni og
það spillir áreiðanlega ekki fyrir þeim
að hafa verið framarlega þar. En
hvort þessi leið flýtir eitthvað frekar
fyrir en að hafa starfað í öðrum ung-
liðahreyfingum á vegum Sjálfstæðis-
fiokksins skal ég ekkert segja um."
- Vilt þú hafa golt samband við
námsmannahreyfingarnar sem starf-
andi eru í dag?
„Það vil ég. Það hafa orðið harka-
legir árekstrar á milli mín og for-
svarsmanna námsmanna og það er
ekki siglt fyrir öll sker í þeim efnum.
Ég geri mér ekki háar vonir um að
þeir vilji samþykkja mín prógrömm
varðandi lánasjóðinn. En þetta er
myndarlegt fólk og það er sennilega
uppburðarmeira gagnvart stjórn-
völdum en við vorum á minni tið.
Það er af hinu góða. Þetta er frjálst
fólk og fullburða en það er sjálfsagt
frekara til fjárins en við vorum. Það
er heldur enginn vafi á að það er
hægt að veita því meira en hægt var
að veita okkur. Við áttum ekki ann-
arra kosta völ en strita fyrir þessu
námi okkar. Ég man þó að ég fékk
á síðasta námsári mínu tvisvar sinn-
um 3500 krónur sem þótti þónokkurt
fé þá."
- Baráttuaðferðir námsmanna
hafa breyst á undanförnum árum ...
„Auðvitað hefur margl breyst. Við
munum stúdentabyltinguna sem
varð í kringum 1970. Þá breyttist
baráttan í mikinn trumbuslátt sem
okkur hefði nú ekki dottið í hug að
beita. Það eru aðrir tímar og við því
er ekkert að segja.
En mér hefur þótt gáman að hitta
þetta unga fólk. Til dæmis þótti mér
gaman að hitta það á mótmælafund-
inum sem haldinn var í Háskólabíói
síðastliðinn vetur. Þar var þéttskip-
að, hafa sjálfsagt verið rúmlega 1000
manns. Unga fólkið í dag er hvorki
offorsfullt né hávaðasamt en það er
grimmt í afstöðu sinni en samt
manneskjulegt."
- Hver yrðu viðbrögð þín ef stúd-
entar hertækju menntamálaráðu-
neytið?
„Ég myndi taka öllu með ró og
reyna að ræða málin."
- Myndi það milda þínar aðgerð-
ir?
„Ég held að það myndi engin áhrif
hafa á mig nema stúdentar gætu fært
haldgóð rök fyrir sínum málstað.
Annars læt ég slikar aðgerðir engin
áhrif hafa á mig. Þó er ég alltaf til-
búinn að ræða við þetta fólk og er
24 VIKAN 43. TBL