Vikan - 15.01.1987, Blaðsíða 50

D R A U M A R
KAA
LYKILLOG
FLEIRA
Kæri draumráðandi!
Mig langar til að biðja þig um
að ráða fyrir mig nokkra drauma
sem mig dreymdi fyrir nokkru. Ég
hef oft verið að hugsa um hvað
þessir draumar tákna. Ég vona að
þú getir hjálpað mér.
Fyrsti var þannig að mér fannst
ég vera að ganga á háum, steypt-
um vegkanti (eins og er oft
meðfram götum og gangstéttum)
og ég var að sveifla lykli í bandi.
Þessi vegkantur var samt ekki hjá
neinum vegi heldur var hann við
sjóinn. Það var engin fjara og sjór-
inn var mjög djúpur þarna strax.
Svo gekk ég bara og sveiflaði lykl-
inum og allt í einu missti ég lykil-
inn í sjóinn. Þá teygði ég mig í
hann og aetlaði að ná honum en
rann til og datt niður í sjóinn. Ég
man að þetta var mjög mikilvægur
lykill en ég man þara ekki að
hverju hann gekk. Ég fann lykilinn
í kafi en þegar ég reyndi svo að
synda upp var eins og eitthvað
ýtti mér bara lengra niður og ég
sökk alltaf lengra og lengra. Ég
barðist um í kafi og spriklaði eins
og brjálæðingur. Ég var mjög
hrædd við að drukkna. Svo fannst
mér að liði yfir mig og þá varð
allt svart og ég vaknaði.
Annar draumurinn var þannig
að mér fannst ég vera einhvers
staðar úti (um sumar). Þá fékk ég
allt í einu skot i höfuðið, fyrir ofan
gagnaugað. Ég átti alls ekki von
á þessu og sá ekki þann sem skaut
en vissi að hann var nálægt mér.
Það sem mér fannst skrýtnast við
þennan draum var að ég fann alls
engan sársauka við skotið. En ég
fann blóðið fossa niður og nokkr-
um sekúndum seinna kom annað
skot og þriðja skotið kom líka. Og
öll hittu þau í höfuðið. Ég hugsaði
á meðan á draumnum stóð að nú
hlyti ég að deyja. En ég dó ekki
og fann aldrei neinn sársauka og
það fannst mér mjög skrýtið. Ég
stóð meira að segja uppréttl! En
ég fann greinilega í draumnum að
þessi manneskja var að reyna að
drepa mig.
Þriðji draumurinn var þannig að
það var ein fluga sem var alltaf
að angra mig með því að fljúga í
andlitið á mér og þannig. Og ég
gat ómögulega losnað við hana.
Svo tókst mér að slá með annarri
hendinni í hana og þá loksins fór
hún. En þá vissi ég ekki fyrr en
kominn var stór hópur af flugum,
frekar stórum eins og húsflugum,
og þær ráðast á mig, setjast í and-
litið á mér. Ég reyndi að slá þær
af með höndunum en það gagn-
aði ekkert. Það var eins og þær
væru alveg fastar við mig. Ég gat
næstum því ekki andað fyrir þeim,
þær voru svo margar. Þá kom vin-
kona mín og virtist ekki taka eftir
neinu. Þá sagði ég við hana:
Sjáðu! og benti á andlitið á mér.
Þá starði hún á mig verulega undr-
andi. Svo var draumurinn búinn.
Með fyrirfram þökk fyrir birting-
una.
María.
Og svo þetta vanalega: Flvað
lestu úr skriftinni? Og hvernig
passa saman bogmaður og sporð-
dreki?
Best að byrja á að ítreka að
draumráðandi ies ekki úr skrift og
hefur lítið meira vit á stjörnuspeki
en hver annar áhugamaður úti i
bæ. En það er hægt að skrifa
stjörnuspekingum á öðrum blöð-
um til að fá betri svör en hér væri
hægt að gefa. Svo eru líka til
stjörnumerkjabækur sem upplýsa
allt svona og stundum hefur Vikan
birt upplýsingar um hvernig
stjörnumerki passa saman.
En þá eru það draumarnirsjálfir:
Fyrsti draumurinn er tákn um
tækifæri sem þú glatar: gloprar úr
höndunum á þér, þó kannski ekki
beint þvi allt eins er víst að það
sem kemur I veg fyrir að þú getir
notað þér tækifærið sé ófyrirsjáan-
legt og óviðráðanlegt, svo sem
veikindi eða annað slíkt. Þú reynir
og reynir að fá annað tækifæri í
sama máli en það mun bara valda
þér auknum erfiðleikum. Þú átt
mjög erfitt með að sætta þig við
orðinn hlu! en neyðist til þess.
Þótt undarlegt megi virðast er
annar draumurinn öllu gæfulegri,
það er eins og þú verðir fyrir happi
þrisvar í röð, óvæntu en ósköp
notalegu. Þessi draumur getur
bent til átaka og þá sigurs I þrem-
ur áföngum en sennilegra þó að
allt sé með kyrrum kjörum i lifi
þinu þegar þessir óvæntu atburðir
gerast.
Þriðji draumurinn er skýr og
skilmerkilegur eins og hinir tveir
og bendir til þess að eitthvað sem
þú vildir heldur láta liggja i þagn-
argildi verði grafið upp og þér
núið þvi um nasir. Þú reynir áreið-
anlega að koma þér út úr vandan-
um, ef til vill með þvi að reyna að
redda þér með ósannsögli en það
gerir þara illt verra þannig að úr
getur orðið röð af misskilningi ef
ekki er varlega farið. Sennilega er
hreinskilni og æðruleysi og sátt
við fyrri heimskupör (ef einhver
eru) langbesta ráðið til að losna
við þann ófögnuð sem illt umtal
getur verið. Það tekur kannski á
taugarnar en margborgar sig þeg-
ar fram i sækir.
BREMSULAUS
Kæri draumráðandi.
Mig langar að fá ráðningu á
tveimur draumum, að mestu sam-
hljóða. Mér fannst ég vera á ferð
í bíl og var að velta fyrir mér vega-
lengdinni sem þyrfti til að stöðva
bílinn. Þá reyndist bíllinn bremsu-
laus og rann stjórnlaust áfram. í
öðrum draumnum að minnsta
kosti var ég ekki við stýrið heldur
karlmaður, svo fullur að þegar
dyrnar voru opnaðar valt hann út.
í öðrum draumnum lentum við á
skjannahvítum sendiferðabíl en
hann skemmdist ekkert nema
toppgrindin. Ég man að konurnar,
sem áttu bílinn, voru að velta fyrir
sér hvort þær ættu nokkuð að fá
sér bleika grind í staðinn. Flvað
merkir að fara með vinnufélaga
sínum upp í lyftu, stórri með
gluggum, og hann færir sig að
glugganum svo konan hans sjái
hann, að því er hann segir. Með
fyrirfram þökk fyrir birtinguna.
V.V.
Lyftudraumurinn er sennilega
merkingarlaus, það er að segja ef
þú umgengst vinnufélaga þinn
mikið og hann er giftur. Annars
merkir hann tilfinningaátök. Það
þykir þó betra að fara upp en nið-
ur í draumi.
Bíladraumarnir gætu verið tákn-
rænir. Þeir merkja ótviræðar og
óvenjulegar breytingar, að þvi er
virðist á þann veg að þú getur
ekkert sagt um hvernig þær verða,
fyrst bíllinn var bremsulaus í báð-
um tilfellum. Þú ræður ekki
atburðarásinni og hún mun valda
breytingum hjá fleiri en þér.
SJÓROGSITT-
HVAÐ FLEIRA
Kæri draumráðandi.
Mig langar til þess að biðja þig
að ráða þennan draum fyrir mig
Mér fannst ég vera að veiða og
ég var að veiða hval en það var
býsna erfitt þvi hvalur þessi vissi
svo margt. Flann sagði mér - þeg-
ar ég spurði hann einhvers sem
ég man ekki hvað var að hann
hefði lesið alfræðibækurnar. Og
einhvern veginn tókst hvalnum að
koma mér í sjóinn og var að reyna
að drekkja mér. Ég reyndi að tefja
hann og spurði hvernig meltingar-
færi fiska og öndunarfæri þeirra
væru. Flann sagði mér það en ekki
man ég hvað ég sagði. Ég bað
hann um að gá að einhverju niðri
í fötu sem hékk í kaðli frá bátnum
og lengst niður í sjó. Þá fór hvalur-
inn og reyndi ég þá að komast í
bátinn en hvalurinn kom og beit
mig í löppina en ég reyndi að kitla
hann með puttanum og það
reyndist duga. Svo sagði hvalur-
inn mér að færi ég strax núna upp
í bát og gerði ekkerí til að hægja
á ferðinni fengi ég að lifa. Ég var
akki sein að stökkva inn um einn
gluggann og ég stökk í bleytu með
dauðum þorski í, hauslausum og
slægðum, og hugsaði að þetta
væri eini fiskurinn sem eftir væri.
Ætlaði ég að henda honum til
hvalsins en sá hann hvergi. Þá
ætlaði ég að grípa einhverja slá
og hægja á ferðinni en mundi
hvað hvalurinn sagði og svo sá
ég svona loftnetsstöng bogna eða
svigna frá bátnum og hélt að þetta
væri sjóleið sem báturinn myndi
sjálfur rata. Ég sá þá að ég var að
verða komin i höfn og hljóp af
stað út í stýrishús en það var í
hinum enda skipsins. Ég sá að við
ætluðum að stima á stórt skip en
það var eins og bátnum væri fjar-
stýrt og fór hann fram hjá skipinu,
i stað þess sá ég þessi tvö hval-
skip sem var sökkt og voru þau i
kafi. Rétt áður en ég hélt að bátur-
inn myndi rekast á hvalveiðiskipin
stökk ég og greip í bryggjubrúnina
því ég vildi ekki meiða mig með
því að stökkva á bryggjuna en ég
veit ekkert hvaó varð af bátnum.
Ég vaknaói einu sinni einhvers
staðar í miðjum draumnum en
sofnaði aftur og hélt áfram að
dreyma sama drauminn.
Ein á hvalveiðum.
Ekki verður þessi draumur talinn
tákndraumur i Ijósi þeirra atburða
sem nýlega gerðust i hvalamálum.
En draumurinn lýsir frjóu og
skemmtilegu imyndunarafli og þú
ert ágætis sögumanneskja, þó
ekki væri nú nema að dreyma
svona ekta spuna út frá atburðun-
um i hvalveiðimálunum.
En þar sem draumráðandi taldi
að þú myndir hafa áhyggjur af
draumnum taldi hann rétt að birta
hann og þessi draumur er lika
óvenju gott tákn um skemmtilega
delludrauma sem spinnast út frá
atburðum í þjóðfélaginu eða i
kringum þá.
50 VIKAN 3. TBL