Vikan - 29.09.1988, Blaðsíða 24

Ljósm.: Páll Kjartansson.
FYRSTU KYNNIN
Soffía Guðmundsdóttir svarar spurningu Vikunnar
Hvar kynntust þið
Ásgeir Elíasson?
Soffía Guðmundsdóttir ásamt eiginmanni sinum, Asgeiri Elíassyni, þjálfara íslands-
meistara Fram í knattspyrnu.
ið Ásgeir kynntumst á skemmti-
/ stað úti í Kaupmannahöfh vorið
1966. Við vorum bæði á íþrótta-
ferðalagi. Ég hafði verið að spila
með unglingalandsliðinu í handbolta úti í
Noregi og hann með unglingalandsliðinu í
handbolta í Svíþjóð. Liðin fóru síðan til
Kaupmannahafhar og var báðum boðið í
mat á einum skemmtistaðnum. Þegar byrj-
að var að dansa eftir matinn kom Ásgeir
rakleitt til mín, án þess að við þekktumst
fyrir, og bauð mér upp í dans. Ég var heill-
uð af ákveðni hans og sagði já. Þar með
vorum við rokin út á dansgólfið, fyrst af
öllum,“ segir Soffía Guðmundsdóttir kenn-
ari, hjúkrunarffæðingur og eiginkona Ás-
geirs Elíassonar, þjálfara íslandsmeistara
Fram í knattspyrnu.
Þau gengu síöan íþað heilaga 27. des-
ember, á þríðja í jólum, fjómm árum
síðar, áríð 1970. Hún var 22 ára vog,
hann 21 árs sþorðdreki.
„Við byrjuðum nú ekki á að vera saman
þarna úti í Danmörku. Að vísu sátum við
saman í flugvélinni á leiðinni heim. Það
var eiginlega ekki fyrr en við hittumst aft-
ur í Glaumbæ skömmu eftir heimkomuna
að alvara komst á sambandið. Þetta var
samt ekki með neinum látum, heldur þró-
aðist þetta hægt og sígandi," segir Soflfía.
- Hvað með fyrstu símhringinguna.
Ilvort ykkar varð fyrra til?
„Ég man það ekki. Ætli það hafi ekki ver-
ið ég. Ég man að það var oft erfitt að tala
við Ásgeir í síma á þessum árum. Hann var
frekar feiminn, þannig að ég hafði oftast
orðið.“
- Munið þið eftirfyrstu bíóferðinni?
„Við fórum í Austurbæjarbíó. Það hefur
Iíklegast verið gamanmynd eða kúreka-
mynd. Ásgeir var mikið gefinn fyrir slíkar
myndir á þessum árum. Annars man ég að
við fórum í strætó í bíó þetta kvöld sem
var óvenjulegt þar sem við vorum yfirleitt
á bíl.“
- Hvað var það setn þú tókst fyrst eftir í
farí Ásgeirs?
„Mér fannst hann myndarlegur en
augnaráðið vakti samt mesta athygli mína.
Það var bæði fallegt og hlýtt.“
- Gefið þið hvort öðru blóm?
„Nei, það er alltof sjaldan."
- Hvað segir Ásgeir Elíasson um af
mcelisdag konu sinnar, 15. október? Man
hann alltaf eftir honum?
„Það verður að viðurkennast að ég
gleymi honum stundum. í þau skipti hef
ég þó haft hann í huga daginn áður, en það
er víst ekki nóg. Hins vegar verður það að
segjast eins og er að hún stendur sig betur
í þessum efnum."
Hvemig tekur hún gleymskunni?
„Henni sárnar en annars gerir hún ekki
of mikið úr hlutunum."
Soffía hefur ákaflega gaman af knatt-
sþymu og fer oft á völlinn. Hún er úr Vest-
urbcenum og sþilaði handbolta ífimmtán
ár með KR. Nú er hún bœði Framarí og
KR-ingur. Þó öllu meiri Framari, að sögn.
„Það er nú svo að ég hef ætíð hvatt það
lið sem Ásgeir þjálfar hverju sinni. Ég hélt
til dæmis með Þrótturum þegar hann þjálf-
aði þá.“
Svo mikill er áhugi Soffíu að hún er
þekkt fyrir hróþ sín þegar hún horfir á
Fram sþila.
„Ég heyri í henni öskrin þar sem ég sit á
bekknum. Hins vegar heyrði ég aldrei í
henni þegar ég var sjálfúr að spila inni á
vellinum," segir Ásgeir.
Vogin er stjömumerki Soffíu.
„Ég hef stundum sagt að það komi sér
vel þar sem Ásgeir er sporðdreki.“
- Hvað finnst þér einkenna fólk í vog-
armerkinu?
„Mér finnst það vera samvinnuþýtt. Það
leggur áherslu á að hafa frið og ró í kring-
um sig.“
— En hvað með sþorðdrekana?
„Þeir eru yflrleitt dagfarsprúðir. Þeir
vilja samt ráða, það einkennir þá öðru
fremur.“
Um það hvers vegna Ásgeir hafl flýtt sér
svona að bjóða Soffiu upp í dans kvöldið
sem þau hittust í Kaupmannahöfn segir
Ásgeir: „Mig langaði að dansa og rauk auð-
vitað á myndarlegustu stúlkuna."
24 VIKAN