Vikan - 29.09.1988, Side 27

Ferðamenn og hið háa verðlag
— Ég vil spyrja þig um mál sem hefur
verið mikið til umræðu, en það er verðlag-
ið á hótelgistingu og þjónustu á veitinga-
húsum. Það er jafhvel talað um að við
séum að fæla ffá okkur erlendu ferða-
mennina.
— Ég er alveg sammála þessu. Það er allt
mjög dýrt hér á íslandi. Við verðum virki-
lega að passa okkur, það er alveg stað-
reynd. Við fáum ekki ferðamenn hingað í
auknum mæli á þessu verðlagi. Ef við för-
um til Þýskalands og lítum þar í gluggann
hjá ferðaskrifstofú þá sjáum við að við get-
um farið til Grikklands í þrjá mánuði á
sama verði og vikuferð til íslands kostar.
Þetta er gífurlegur munur á verðlagi, alltof
mikill.
í fyrsta lagi vil ég segja að söluskattur-
inn er óheyrilega hár og svo er launa-
kostnaðurinn gífúrlegur. Þó er ég ekki að
segja að það sé of mikið að fá þessi laun í
hendur. Á veitingarekstri er mjög mikið af
gjöldum og sköttum. Það eru óendanlegar
tölur sem fara í ríkiskassann. Og það er
núna verið að tala um að setja virðisauka-
skatt á gistingu. Ég vil þá túlka það þannig,
að við getum alveg eins sett virðisauka-
skatt á þann flsk sem við erum að selja úr
landi vegna þess, að nteð því að selja út-
lendingum gistingu erum við að afla gjald-
eyristekna. Við erum því mjög óánægð
nteð það að það skuli vera settir svona
miklir skattar og álögur á það sem við
erum að selja til erlendra ferðamanna.
í*etta er í raun sambærilegt við útflutning
°8 sá gjaldeyrir sem við öflum er eins mik-
ils virði og sá gjaldeyrir sem fest fyrir
fiskinn.
Ferðamannaþjónustan hefur þegar aflað
gífúrlegra gjaldeyristekna án þess að mikið
hafl verið stutt við bakið á þeirri atvinnu-
grein. Við erum að selja auk gistingar bæði
kjöt og fisk samskonar þeim sem seldur er
úr landi.
Þess má líka geta að ferðamannavertíðin
er afar stutt hér á landi. Það hefur mjög
mikið verið gert til þess að lengja ferða-
mannatímann en gengið mjög illa. Það er
einn markaður sem ég hef trú á en það er
ráðstefhuhald. Það hafa komið hingað
mest Norðurlandaráðstefnur, en þessi
möguleiki skiptist nokkuð á milli Norður-
landanna. Nokkuð hefur þó áunnist. Hins-
vegar er miklu stærri markaður í Norður-
Ameríku en sá möguleiki hefúr alls ekki
verið nýttur til fulls.
Framtíðin er alls ekki björt
í ferðamannaþjónustu
- Hverju spáir þú um framtíðina í ferða
mannaþjónustu og þá á ég við móttöku er-
lendra ferðamanna?
— í augnablikinu frnnst mér framtíðin
ekki björt, alls ekki eins og staðan er í dag.
Það er verðlagið og það vantar kannski
betra samstarf milli þeirra sem vinna að
þjónustu við ferðamenn.
— Telur þú að ferðamannaþjónustunni
verði betur borgið í framtíðinni í opinber-
um rekstri fremur en í einkarekstri?
— Ég er hlynnt einkarekstri. Ég hef
miklu meiri trú á honum.
— Hvað getum við gert róttækast til að
örva straum erlendra ferðamanna hingað?
— Þá komum við að verðlagsmálunum
aftur. Ég tel að við verðum tvímælalaust að
hrófla við þessum söluskatti og örðum
álögum. En svo verðum við líka að líta á
það, að hingað á Hótel Valhöll koma ekki
síður innlendir ferðamenn. Það er of mik-
ið um það að íslenskir ferðamenn kjósi
heldur vegna verðlagsins að eyða sumar-
leyfum sínum erlendis. Ég held að ríkið
græddi helmingi meira ef söluskatturinn
yrði lækkaður um helming og það yrði
gert meira aðlaðandi fýrir íslendinga að
eyða sumarleyfum sínum hér heima, auk
þess sem það myndi auka straum útlend-
inga hingað. Það þýddi annars vegar gjald-
eyrissparnað og hins vegar auknar gjald-
eyristekjur. Það þarf að gefa íslendingum
tækifæri til að geta gist og borðað á hótel-
um innanlands. Ef verðlagið yrði skaplegt
yrði líka betri nýting á hótelunum og
ferðamannatíminn yrði lengri.
— Þú sagðir frá því í byrjun að þú hefðir
verið hótelstjóri víðar úti á landi. Er ekki
mikill munur að vera þar og hér á Hótel
Valhöll?
— Það er kannski ekki svo ýkja mikill
munur. En það er gaman að fara frá átta
herbergja hóteli úti á landi þar sem ekki er
einu sinni uppþvottavél og maður verður
jafnvel að ganga í öll störf meira og minna
sjálfur sem til falla, og fara svo eins og í
Nesjaskóla þar sem eru 40 herbergi og
mikið svefnpokapláss. En þar var aftur á
móti minni greiðasala heldur en til dæmis
hér. Til Nesjaskóla koma aðallega hópar. í
Bifröst var um að ræða fjölbreyttari þjón-
ustu. Svo kom ég hingað á lang stærsta
staðinn og hér er mest um að vera að öllu
leyti. En það er ósköp gott að hafa farið
þessa leið, byrja smátt og hafa svo smá
aukið umsvifin.
Framtíðin er alveg óráðin
Nú er ferðamannavertíðinni á Þingvöll-
um bráðum lokið og eitthvað hefúr hótel-
stjórinn fyrir stafni á veturna?
— Já, ég er alltaf að vinna eitthvað á vet-
urna, mest við skrifstofústörf og hef verið
víða. Ég vann hjá Félagsstofnun stúdenta
einn vetur og einn vetur vann ég á skrif-
stofúnni hjá Blómavali. Mér finnst oft erfitt
eftir svona stóra vertíð að slappa alveg af
svo ég er heilmikið í félagsmálum á
kvöldin. Ég hef starfað hjáJC Reykjavíkur
og hef Iært heilmikið af því varðandi mína
vinnu. Þetta er góður félagsmálaskóli og
mikið námskeiðahald. Ég hef unnið við að
leiðbeina og það er ég kannski líka í starf-
inu frekar en fyrirskipari eins og var í
gamla daga. Það kemur hingað mikið af
ungu og ólærðu skólafólki til starfa beint af
skólabekknum og því þarf að leiðbeina.
Það tekur jafnvel allt sumarið að læra réttu
handtökin.
- Megum við búast við að hitta þig
hérna næsta sumar?
- Það er alveg óvíst. Ég jafnvel efa það
stórlega. Þessi rekstur tilheyrir Ferðaskrif-
stofu ríkisins og við vitum ekkert hvað
framtíðin ber í skauti sér. Ég spái auðvitað
í framtíðina en maður getur ósköp lítið
sagt um hvað verður. □
■ „Fjöldi matargesta hefur farið í sex hundruð á einum degi og þó er
það fyrir utan alla þd sem koma við í sjoppunni, koma aðeins í kaffi
eða líta við ó barnum..
■ ....það er núna verið að tala um að setja virðisaukaskatt ó gist-
ingu. Ég vil þó túlka það þannig að við getum alveg eins sett virðis-
aukaskatt ó þann fisk sem við erum að selja úr landi vegna þess að
með því að selja útlendingum gistingu erum við að afla
gjaldeyristekna."
VIKAN 27