Vikan - 09.02.1989, Blaðsíða 47

Ber góðan hug til sjúkra og
gamalla — en vill ekkert eiga
undir henni sjálfur
Guðmundur sagðist vita og vera viss
um, að Guðrún Helgadóttir bæri góðan
hug til sjúkra og gamals fólks, sem ætti í
erfiðleikum. „í þeirri afstöðu sinni er hún
heilsteypt," sagði hann. „Ég verð því mið-
ur hins vegar að viðurkenna það, að þó
svo ég vilji veg Sjálfstæðismanna í stjórn-
málum sem minnstan, þá vildi ég ffemur
eiga mitt undir Þorvaldi Garðari Kristjáns-
syni sjálfstæðisþingmanni og forvera
Guðrúnar í starfi þingforseta, heldur en
Guðrúnu. Sannast sagna þá vil ég ekki eiga
neitt undir Guðrúnu Helgadóttur," sagði
Guðmundur J. Guðmundsson að lokum.
Fór fyrst að styðja Guðrúnu
í Gervasoni-málinu
Margrét S. Björnsdóttir, félagsffæðingur
og endurmenntunarstjóri Háskóla íslands
er sú úr hópi stuðningsmanna Guðrúnar
Helgadóttur, sem við vitnum hér í undir
nafhi.
„Ég kynntist Guðrúnu fyrir einum tólf
árum en það var fyrst í svo kölluðu Gerva-
soni-máli, sem ég fór beint að styðja hana,“
segir Margrét. „Þá komst ég að raun um
hvað Guðrún var hugrökk í stjórnmálum
og umfram allt góð manneskja. í þessu
Gervasoni-máli komst hún upp á kant við
flesta ráðamenn í flokknum og átti tölu-
vert undir högg að sækja,“ segir Margrét.
„Guðrún gaf þá yfirlýsingar um það að hún
væri hætt að styðja ríkisstjórnina ef Gerva-
soni yrði vísað úr landi. Ráðherrar Alþýðu-
bandalagsinbs urðu æfir,“ segir Margrét.
Því má skjóta hér inn í, að Gevasoni var
ungur ffanskur maður, sem barst hingað
til lands Iandflótta undan herskyldu í
Frakklandi. íslensk yfirvöld voru um það
bil að senda hann til Frakklands í gegnum
Danmörku, þegar mikil mótmæli hófúst
hér á landi. Meðal annars stóðu verkalýðs-
félögin fyrir útifúndi á Lækjartorgi í
Reykjavík þar sem þess var krafist, að hætt
yrði við að senda Gervasoni úr landi á
meðan allt benti til þess að hann lenti
beint í frönsku herfangelsi.
Hótaði að hætta stuðningi
við stjórn Gunnars Thor
í þessum fundi stóðu þau saman sem
ræðumenn Guðrún Helgadóttir og Guð-
mundur J. Guðmundsson ásamt fleirum.
Guðrún gaf þar út yfirlýsingu um það að ef
Gervasoni yrði sendur úr landi, þá væri
stuðningi hennar við ríkisstjórnina lokið.
Þetta var grafalvarlegt mál, því ríkisstjórn
Gunnars Thoroddsen, sem þá sat, hafði að-
eins eins atkvæðis meirihluta og mátti ekki
við því að missa Guðrúnu úr sínum
töðum.
Stuðningsmenn Guðrúnar og þar með
talin Margrét S. Björnsdóttir telja ffam-
göngu hennar í Gervasoni-málinu henni til
mikils sóma. Guðmundur J. Guðmundsson
og fleiri andstæðingar hennar telja hins
vegar að Gevasoní málið sé gott dæmi um
upphlaup Guðrúnar út af engu. Meira að
segja segja sumir andstæðingarnir, að
Guðrún hafi gefið út yfirlýsingarnar í mál-
inu gegn betri vitund og vitandi það að
verið var að leysa málið á bak við tjöldin
og í samráði forsætisráðherra íslands
Gunnars Thoroddsen og Ankers Jörgen-
sen, þáverandi forsætisráðherra Danmerk-
ur. En hvað um það, ffamganga Guðrúnar
Helgadóttur í Gervasoni-málinu vakti
mikla athygli.
Töluverður einfari í pólitík
Og áfram með það sem Margrét S.
Björnsdóttir endurmenntunarstjóri Há-
skólans hefur um Guðrúnu að segja.
„Guðrún Helgadóttir er töluverður ein-
fari í pólitík innan Alþýðubandalagsins, þó
ótrúlegt megi virðast. Hennar helsta ein-
kenni er heiðarleikinn. Þessi heiðarleiki,
sem til dæmis gerir það að verkum, að hún
talar hreint út um hlutina eins og um dag-
peninga alþingismanna erlendis, svo við
minnumst á það nýjasta."
Margrét S. Björnsdóttir var ómyrk í
máli.þegar hún ræddi um afstöðu and-
stæðinga Guðrúnar innan Alþýðubanda-
lagsins.
Gamla liðið í flokknum
hatar hana
„Þetta gamla lið í flokknum hatar hana
eins og pestina. Það hatar hana vegna þess
hve vinsæl hún er meðal almennra kjós-
enda flokksins. Guðrún Helgadóttir er sú
eina af þingmönnum Alþýðubandalagsins,
sem fólk trúir að sé að segja satt. Guðrún
er nefnilega heiðarleg og þetta finnur
venjulegt fólk og þess vegna styður það
hana. Hún hefur auðvitað gert ýmis póli-
tísk mistök en líka brillerað á því sviði á
milli.
Þrífst illa í
fjandsamlegu umhverfi
Það háir Guðrúnu mjög, að hún þrífst
illa í fjandsamlegu umhverfi. Þannig um-
hverfi má hún búa við í flokksstarfi Alþýð-
ubandalagsins meira og minna og þetta
háir henni eins og ég sagði. Vegna þess að
hún er einfari í pólitík eins og áður var
búið að segja þá missir hún stundum jarð-
samband í þessu fjandsamlega umhverfi
og þá verða henni helst á mistök."
Margrét S. Björnsdóttir sagðist að lok-
um vilja leggja áherslu á það hverjir helstu
kostir Guðrúnar Helgadóttur væru. „Hún
er heiðarleg, hugrökk og mjög góð mann-
eskja. Þetta hefúr hinn almenni kjósandi
fúndið og þess vegna hefur Guðrún verið
svo vinsæl sem raun ber vitni,“ sagði
Margrét S. Björnsdóttir að lokum. □
lannifer Ames
á ftFVIKNUM
Rauðskinna
Sími: 651099
Hann lýsti í kring með sínu
vasaljósi. Þama voru fót-
spor allt um kring og virt-
ust ný. Ein spor frá veggnum að
Ijósinu en síðan mörk í kringum
það og loks tvenn spor milli vasa-
Ijóssins og kvíslarinnar, sem
þama var skammt frá. Hugh rakti
sporin. Þau enduðú í mikilli upp-
rótaðri leðju á kvíslarbakkanum.
Hann lýsti niður í kvíslina og
stirðnaði upp. Leigh liðþjálfi lá
upp í loft á botninum á kvíslinni.
Hann var dauður. Höfuðkúpan
hafði verið moluð öðm megin af
þungu höggi.
BÓKAÚTGÁFAN
RAUDSKINNA
3. TBL. 1989 VIKAN 47