Vikan - 28.06.1990, Blaðsíða 38
- og gómsœtar
grilluppskriftir
LAXA-
KÓTILETTUR
Grillaður fiskur er herra-
mannsmatur og nú, þegar
hægt er að fá lax á öllum
tímum árs, er ekkert því til
fyrirstöðu að grilla laxsneið -
eða laxakótilettu eins og
frændur okkar annars staðar
á Norðurlöndunum kalla þetta
- jafnvel að vetrarlagi ef fólk á
grill sem hægt er að nota allan
ársins hring.
Laxsneiðin er pensluð með
olíu og krydduð með svörtum
pipar og sítrónutimian. Búast
má við að fiskurinn festist
svolítið við grillteinana og af
þeim sökum er gott að nota
sérstakar grillgrindur fyrir fisk.
Þær munu til dæmis fást f
Hagkaup. Fiskinum er þá
stungið milli tveggja rista sem
spenntareru saman. Síðan er
hægt að halda í eins konar
handfang sem gerir mönnum
auðveldara að snúa fisksneið
eða heilum fiski á grillinu.
Þar sem fiskinum hættir til
að þorna á grillinu er
nauðsynlegt að hafa með
honum góða sósu. Hún er
hvað best ef notaður er sýrður
rjómi, majones og heilmikið af
dilli eða öðru kryddi út í. Rétt
er að bera fram sítrónusneiðar
með laxakótilettunum og
einnig soönar kartöflur.
BANANIMEÐ
AFTER EIGHT
OG RJÓMA
Engin máltíð er fullkomnuð
nema á eftir komi eftirréttur og
nú stingum við upp á að þið
grillið banana og berið fram
en ekki einan og sér heldur
meö After eight og rjóma.
Best er að taka hýðið utan af
banananum, setja hann í
álpappír, leggja tvær eða
þrjár plötur af After eight ofan
á hann, brjóta síðan upp á
álpappírinn og loka bananann
inni í pakkanum. Þegar
bananinn er grillaður - eftir
5-10 mínútur - er hann settur
á disk í álpappírnum en
gestum borinn þeyttur rjómi
með til að bæta enn á gæðin.
Ef ekki er til After eight má rétt
eins nota súkkulaðipipar-
mintusósu sem hægt er að fá
í búð. Sumir grilla bananann í
hýðinu og gera rauf á hann
þar sem þeir stinga súkkulaði-
bita inn í hann. Án efa er hægt
að gera þetta á margan hátt
og það er nokkuð víst aö
rétturinn getur aldrei orðið
nema góður.
GRILLAÐUR
OG FYLLTUR
SILUNGUR
Eftir vel heppnaða veiðiferð
getur verið gaman að grilla
veiðina og þá er líka
skemmtilegt að bregða
svolítið á leik og bregða út af
því hefðbundna, til dæmis
með að setja bragðgóða
fyllingu inn í fiskinn.
Eins og hálfs til tveggja
kílóa fiskur ætti að nægja fyrir
fjóra. Fiskurinn er hreinsaður
vandlega (hreistrið tekið af)
og síðan er hann látinn liggja
í krydd- og mysublöndu í þrjá
tíma áður en hann er
grillaður. Út í mysuna myljið
þið lárviðarlauf og stráið yfir
salti og timian. Fyllingin er
búin til úr 2 matskeiðum af
smjöri, einum meðalstórum,
söxuðum lauk, mörðum
tómötum og nokkrum stórum
sveppum. Gott er að saxa
sellerí smátt og blanda því
saman við og einnig má saxa
papriku saman við. Fyllingin
er bragðbætt með timian,
pipar, salti og að lokum rifnum
osti sem er punkturinn yfir i-ið.
Ef ykkur þykir bragðmikill
ostur góður skuluð þið nota
hann, jafnvel gráðaost,
annars bara venjulegan rifinn
mjólkurost. Fyllingin er sett
inn í fiskinn og nú er komið
að því að grilla hann. Gott er
að bera olíu blandaða góðu
kryddi utan á fiskinn. Nokkuð
misjafnt er hversu lengi
fiskurinn þarf að vera á grillinu
en líklega þó aldrei skemur en
15-20 mínútur á hvorri hlið.
Það fer eftir því hversu stór
hann er og hversu vel steiktan
menn vilja hafa hann.
FOLALDA- EÐA
NAUTALUNDIR
Á TEINIEÐA
TANNSTÖNGLI
Lundirnar eru skornar niður í
3 cm þykkar sneiðar. Hver
sneið er skorin sundur til hálfs
og þar inn í er sett blanda úr
gráðaosti og camembert,
steinselju og öðru því kryddi
sem ykkur þykir gott.
Beikonsneið er vafið utan um
bitana og síðan eru þeir
þræddir upp á grilltein eða
tannstöngli stungið í gegnum
þá. Það ætti að nægja að
grilla hvern bita í 3-4 mínútur
á hvorri hlið. Með þessu er
gott að bera fram sósu úr
rjóma, steiktum sveppum og
bræddum osti, kryddaða að
vild.
Loks er rétt að geta þess að
með öllum þessum grillmat fer
frábærlega vel að hafa soðin
hrísgrjón og að sjálfsögðu
hrásalat úr því grænmeti sem
við höndina er hverju sinni.
Við erum viss um að þið eigið
ykkar uppáhalds salatupp-
skriftir svo við sleppum þeim í
þetta sinn.
KOLABRAGÐ
AF GRILLMAT
ÚR GASGRILLI
Mörgum þykir grillmatur ekki
eins góður ef grillað er á
gasgrilli í stað þess að grilla
yfir kolum. í Skeljungsbúðinni
var okkur sagt að auðvelt væri
að bæta úr þessu með því að
kaupa sérstök kol sem lögð
eru í gasgrillið. Þau endast í
tíu skipti og gefa matnum
þetta dæmalaust góða
grillbragð sem allir eru að leita
að. Kolapoki kostar frá 700 í
1000 krónur.
LAMBALfRI
GRILLAÐ í
ÁLPAPPÍR
Lambalæri, sem grillað hefur
verið einn til einn og hálfan
klukkutíma, vafið í álpappír
og vandlega kryddað, er
frábær matur. Það sem til þarf
til þess að lærið veröi sem
best er safi úr einni sítrónu,
þrjár msk. af matarolíu, salt,
pipar, hvítlaukssalt, papriku-
duft, rósmarín og oreganó.
Bpst er að bera þessa blöndu
á lærið og láta það liggja í
henni í einn til tvo sólarhringa
áður en ætlunin er að grilla
það. Margir vilja þurrka
grilllöginn af lærinu áður en
það er sett inn í álpappír og
sett á grillið en öðrum finnst
jafnvel enn betra að láta
kryddefnin brenna sig inn í
lærið á meðan verið er að
grilla. Nauðsynlegt er að vefja
álpappír tvisvar utan um lærið
svo ekki sé hætta á að hann
rifni og safinn renni út. Best er
að snúa lærinu á fimmtán
mínútna fresti svo það grillist
jafnt og grilltíminn er frá einni
upp í eina og hálfa klukku-
stund, bæði eftir stærð
lærisins og eftir því hvað fólk
vill hafa kjötið vel steikt.
Vel má nota sveppasósuna,
sem við gátum um hér á
undan, með lærinu.
38 VIKAN 13. TBL. 1990