Vikan - 05.03.1992, Page 21
Bragi Skúlason sjúkrahúsprestur: „Sjálfsvíg er dæmigert fyrir skyndidauða. Það gefst enginn tími til undirbúnings. Áfallið skellur á manni fyrirvaralaust."
■ y
vinnu. Þar er heill hópur sem getur veitt stuön-
ing við aö yfirstíga þetta erfiða skref aö koma
aftur út á meðal fólks. Hópurinn sem heild get-
ur fundiö sér farveg til að taka á móti viðkom-
andi eða einstaklingarnir gert það hver um sig.
Ef ekkert er gert á vinnustaðnum til að koma til
móts við syrgjandann þá hefur það mjög nei-
kvæð áhrif á samskipti og samstarf um alla
framtíð. Þetta verður tómur vandræðagangur
og þögnin mjög erfiö fyrir syrgjandann."
Þegar upp er staðið er það kannski bara
nánasti vinahópurinn eða fjölskyldan sem veit-
ir stuðning. Innan fjölskyldunnar, þar sem
sársaukinn er svo mikill hjá öllum, gengur ein-
staklingunum oft illa að styðja hvern annan.
Það er ekki sjálfgefið að foreldrar, sem nýlega
hafa misst barn, geti stutt hin sem eftir lifa. Afi
og amma geta heldur ekki axlað byrðar allra
annarra í fjölskyldunni.
„Við þessar kringumstæður reynir á hvort
vinir geta borið og veitt þennan stuðning. í
mörgum tilvikum geta þeir það ekki því vinátt-
an er byggð á allt öðrum grunni. Það er um-
hugsunarvert á hverju fólk byggir vináttusam-
bönd sín. Eru það bara sameiginleg áhuga-
mál, saumaklúbbur eða golf eða rúma þau til-
finningalegar umræður?" spyr séra Bragi
Skúlason.
HVAÐ ER HÆGT AÐ GERA
TIL AÐ HJÁLPA?
Hvað finnst sjúkrahúsprestinum hægt að gera
til að hjálpa fjölskyldum sem skyndilega verða
fyrir ástvinamissi?
„Mér finnst stór spurning hvort við eigum
alltaf að ætla fjölskyldunni að hafa frumkvæði
að því að leita sér hjálpar. Fjölskylduböndin
hafa svo mikið rofnað og það eru svo miklu
færri sem halda utan um hvern einstakling en
áður var. Fyrir vikið situr þessi nánasta fjöl-
skylda uppi með svo stór sár, eins og hún beri
alla ábyrgðina.
Það er vert umhugsunar hvort við getum
ekki komið með beinum hætti til fólksins og
boðið því þjónustu. Mér hefur líka dottið í hug
hvort ekki sé hægt að setja upp athvarf sem
fólk í sorg getur leitað til eftir áföll, líkt og kon-
urnar hafa gert með Kvennaathvarfinu þar
sem þær leita stuðnings og hjálpar þegar á
bjátar," segir séra Bragi Skúlason sjúkrahús-
prestur að lokum. □
5.TBL. 1992 VIKAN 21