Vikan - 05.03.1992, Side 63

EÐALVÍNIN ELDAST VEL
- Hvað ákvarðar það hvort
vín í flösku geymist vel,
kannski árum saman?
„Það er algengur misskiln-
ingur að öll vín verði betri eftir
því sem þau eru geymd lengur
á flöskunum. Oft kaupir fólk
flösku af ódýru víni á ferðalagi
erlendis og tekur með sér
heim. Ég er oft spurður að því
hvenær heppilegast sé að
taka upp flösku af þessu tagi,
hversu lengi ráðlegt sé að
geyma það. Ég hef stundum
sagt að best hefði verið að
drekka vínið í fyrra eða hitti-
fyrra. Það er erfitt að ráðleggja
fólki I þessum efnum því sum
vín geymast vel og batna með
tímanum á meðan önnur þola
ekki geymslu. Ég get þó fullyrt
eitt - að það er betra að
drekka vínið of ungt heldur en
of gamalt. Sum vín verða betri
með árunum og sumir árgang-
ar eru betri en aðrir.
Flest hvítvín eru best innan
tveggja ára frá því að þau
verða til. Önnur - eins og til
dæmis eikartunnu-vínið mitt -
má drekka ung en þau bæta
við sig í nokkur ár. Til eru létt
og lífleg rauðvln sem eru best
FINNDU 6 VILLUR
eins til tveggja ára og önnur
sem geyma má í allt að tutt-
ugu ár og jafnvel miklu lengur.
Það eiga sér stað ýmsar efna-
breytingar í flöskunni og þær
gera það að verkum að vínið
annaðhvort versnar eða batn-
ar með tímanum. Eðalvínin
eru þannig að þau mýkjast
með aldrinum og verða þýð-
ari.“
EKKI OF KALT -
EKKI OF HEITT
- Margir halda að best sé
að hafa hvítvínið sem lengst
í ísskápnum áður en það er
drukkið og að hafa rauðvín-
ið sem heitast.
„Þetta er mikill misskilningur
og þvl drekkur fólk gjarnan
hvítvín allt of kalt og rauðvín
allt of heitt. Ef hvítvínið er kælt
of mikið niður dofnar bragðið
af því. Við getum orðað það
svo að það herpist sama og
lokist. Rauðvínið er stundum
látið standa inni í eldhúsinu á
meðan eldað er og er kannski
orðið þrjátíu gráða heitt þegar
það er borið fram. Mér finnst
hóflegt að til dæmis rautt Bor-
deaux-vín sé drukkið við átján
til tuttugu gráður." □
STIÖRNUSPÁ
Finnið sex villur eða fleiri á milli mynda
HRÚTURINN
21. mars - 19. apríl
Á næstu tveimur vikum
munt þú þurfa að ráða fram úr
miklu vandamáli sem getur
breytt efnahag þinum. Þú skalt
samt ekki æðrast þó eitthvað
blási á móti. Þú getur fengið þitt
fram ef þú leggur þig fram. Þú
þrífst best í starfi sem kallar á
frumkvæði.
NAUTIÐ
20. apríl - 20. maí
Ef þú verður duglegur
og iðinn næsta hálfa mánuðinn
eru líkur á því að þú aukir vin-
sældir þínar og fáir jafnvel
launahækkun. Takist þér vel
upp er það mjög gott en óþarfi
að hreykja sér af því. Gættu þín
á rifrildi við börn þín og ástvini.
TVÍBURARNIR
21. maí - 21. júní
Ef þú kemst hjá því
skaltu ekki blanda þér í vanda-
mál annarra. Þér mun bjóðast
einstakt tækifæri á næstunni en
hætt er við að þú gerir þér ekki
grein fyrir hversu þýðingarmikið
það er. Lestur og ferðalög geta
haft mikið að segja fyrir innri
vöxtinn.
KRABBINN
22. júni - 22. júlí
Þú ættir að hvíla þig vel
í nokkra daga og láta ekki á þig
fá þótt mikilvægar ákvarðanir
sitji á hakanum um sinn. Taktu
enga áhættu og haltu þig við
það sem er öruggt, þú færð
annað tækifæri. Amor skýtur
einni af örvum sínum niður í
kunningjahóp þinn.
LJÓNIÐ
23. júlí - 23. ágúst
Þú ferð of mikið eftir þvl
sem aðrir segja, treystu meira á
sjálfan þig. Hafnaðu tilboði um
skjótfenginn gróða án mikillar
vinnu. Honum fylgir ógæfa. Þú
færð nógan tíma til að skemmta
þér en notaðu einnig tímann til
annars.
MEYJAN
24. ágúst - 23. sept.
Forðastu þátttöku í ófyr-
irsjáanlegum fjárfestingum. Ást-
vinur gæti svikið þig og þú tapað
peningum vegna þess. Forð-
Qjsnu uein juÁ) uu| uaeq Qusa jnjai| euunj ‘ubqis ja ede>(
UsjAnjQQ ja Qjrnj | j6Sn|B ‘juujui ja puÁuj ‘jbjuba j>|n|!in ‘ueQjajq ja jn669A
astu að hefja ástvini og jafnvel
börn á stall, það gæti kostað þig
hugarró. Yfirleitt mættirðu vera
svolítið opnari.
VOGIN
24. sept. - 23. okt.
Þú skalt nota sem flestar
tómstundir þinar næstu tvær
vikurnar til þess að hjálpa vinum
þínum. Opnaðu augu þín betur
fyrir því sem getur komið sér vel
í lífinu. Næsti hálfi mánuðurinn
virðist ætla að verða þér góður
bæði hvað varðar andlegu og
veraldlegu hliðina.
SPORÐDREKINN
24. okt. - 21. nóv.
Það lítur út fyrir að þú
eigir samkeppni í vændum af
því að þú vilt helst ekki víkja fyr-
ir neinum. Hafðu samt engar
áhyggjur því að lífiðgengurekki
allt út á samkeppni og ástandið
batnar. Farðu með gát í ásta-
málum.
BOGMAÐURINN
22. nóv. - 21. des.
Skyndilega lendir þú í
ævintýrum sem þú hélst að þú
ættir ekki eftir að upplifa. Þú hef-
ur ástæðu til að vera í sjöunda
himni. Konur ættu að hugsa sig
um tvisvar áður en þær leggja í
stórræði, einkanlega þó í ásta-
málum.
STEINGEITIN
22. des. - 19. janúar
Nú gildir að sýna hvað í
þér býr og þú verður að taka
ákvöröun um það sem hefur
verið að brjótast í þér. Brátt
muntu fá óskir þínar uppfylltar.
Þú átt í vændum viðurkenningu
fyrir vel unnin störf. Láttu ekki
ótta um fjárhagslegt öryggi hafa
of mikil áhrif á daglegt líf þitt.
VATNSBERINN
20. janúar -18. febrúar
Þú verður að færa fórn,
líklega á altari ástarinnar, til
þess að jafnvægi náist og það
fyrr en seinna. Ef þú sýnir iðni
og samviskusemi er ekki nokkur
vafi á að þú nærð árangri. Á
föstudaginn eftir viku gerist
eitthvað sem kemur þér
skemmtilega á óvart.
FISKARNIR
19. febrúar - 20. mars
Loftið er lævi blandið og
innan skamms gerist eitthvað
sem kemur róti á huga þinn. Þú
framkvæmir hugmynd sem þú
hefur lengi verið að bræða með
þér. Gerðu átak i peningamál-
unum sem allra fyrst. Þú ættir
jafnframt að láta til skarar skríða
í málum sem snerta einkalíf þitt.
5. TBL.1992 VIKAN 63