Vikan - 14.05.1992, Page 61

AMENN
Þaö er því ekkert einkamál foreldra aö bjóða
börnunum sínum upp á heimilisiðnað þann sem
heimskulegur er og tengist óreglu ýmiss konar. Það
er mál barnsins og komandi kynslóða líka. Það er
ekkert skemmtilegt til þess að hugsa að verða
vegna vanrækslu foreldra sinna einhver flutnings-
maður vandræða yfir á sín börn og mögulega aðra,
ef maður er ekki svo lánsamur að ná aö átta sig á
ósómanum og grimmdinni sem honum venjulegast
fylgir og stöðva með harðfylgi framgang hans fyrir
fullt og fast.
Einmitt hvað þetta varðar og þú spyrð réttilega
um verð ég að segja eins og er að eftir að hafa lesið
bréfið þitt og spáð svolítið í þig dulrænt verð ég því
miður foreldra þinna vegna að viðurkenna að það
virðist fátt í manngerð þinni benda til möguleika eða
tilhneiginga í þær áttir sem þú hefur nú þegar geng-
ið tengdar rugli og sakamálum.
Þess vegna leyfi ég mér að fullyrða að ef þú hefð-
ir fengið annars konar uppeldi við kærleiksríkar og
siðfágaðar aðstæður með nokkru af aga í bland er
miklu líklegra en ekki að þú hefðir alls ekki gengið
þa vegi sem þegar hafa valdið þér og þínum vanda
og kvöl heldur einfaldlega þvert á móti.
UPPREISN ÆRU OG SIÐFÁGUN
Hvað varöar spurningu þína um hvort þú kunnir að
geta hreinsað af þér fortíð þína og náð að verða
marktækur í samfélaginu með þennan sorglega
bakgrunn er þetta að segja: Sem betur fer lifum við
íslendingar í siðfáguðu samfélagi og höfum tileink-
að okkur flest af kenningum kristindómsins. Þess
vegna vitum við að það er ósæmilegt að gerast
dómari í lífi samferðafólks síns og sér í lagi ef við-
komandi er þegar búinn eftir lagalegum leiðum að
gjalda fyrir brot sín.
Það er nú einhvern veginn þannig að oft er verið
að smjatta á og blása upp það litla sem sést af flis-
inni í auga náungans á sama tíma og við erum með
í eigin auga heilan bjálka vandræða og almennra
axarskafta. Auðvitað tekur tíma að byggja sig upp
frá aflöguðu mannorði og kannski ennþá erfiðara
hér á Islandi af því hvað við erum fá og rosalega
forvitin þegar kemur að því sem miður kann að hafa
farið í lífi einhvers.
DÓMGREINDARLEYSI OG SKORTUR
Á ÁBYRGÐ
Samt sem áður er þess virði að klóra í bakkann og
ákveða nýja lífssýn sér til handa, sem er jákvæð og
einkennist af fyrirhyggju, þegar maður er búinn að
átta sig á að rangt líferni gengur bara alls ekki nema
stuttan tíma og skyldi raunar.aldrei gera. Hægfara
viðleitni til góðrar breytni, sem er heiðarleg og að-
haldssöm, er hyggilegust í þinni stöðu. Betra er það
líf sem kostar nokkurt puð en það líf sektarkenndar
og sjálfsútskúfunar sem fylgir rangri breytni okkar
hvert við annað og heimskulegum framkvæmdum.
Það er hvimleitt innra ástand sem veldur tjóni því
sem venjulegast fylgir dómgreindarleysi sem þeir
ástunda sem ekki vilja bera neina lágmarksábyrgð
Vinsamlega handskrifið bréf til Jónu Runu
og látið fylgja fullt nafn og kennitölu,
ásamt dulnefni. Svörin byggjast á innsæi
Jónu Rúnu og rithandarlestri og því miður
er alls ekki hægt að fá þau í einkabréfi.
Utanáskriftin er:
Jóna Rúna Kvaran, Kambsvegi 25, 104
Reykjavík.<