Vikan - 04.11.1993, Qupperneq 43

hinna fundnu verðmæta, að minnsta kosti ekki allra og
skila þeim þá til yfirvalda. Draumar þessir eiga ekkert
skylt við raunverulegan fund verðmæta. Þeir endur-
spegla sálfræðileg vandamál, eru einkenni um skort á
sjálfsmati. Okkur finnst að við séum sjálf svo lítils virði
að öllu góðu beri að vísa frá. Slíkir draumar eru alvarleg
aðvörun um óheppilega stöðu sem gerir það að verkum
að við getum spillt okkar eigin árangri.
DRAUMAR UM VEÐRIÐ
A Grænlandi, þar sem menn lifa á ystu mörkum náttúr-
unnar - frá miðnætursól til niðdimms vetrarmyrkurs - frá
hlýjum sumardögum til 30 gráða kulda að vetrinum - er
veðrið vinsælt draumaefni. Kona nokkur hafði komist að
því að eiginmaður hennar hafði samband við aðra konu.
Hún hélt að hún hefði fyrirgefið honum en dreymdi botn-
frosið stöðuvatn. í kringum það var ískalt snæviþakið
tandslag. Greinilegra tákn um kaldar tilfinningar er tæp-
ast hægt að finna. Draumurinn táknar að ef sambandið
á að hafa einhvern möguleika til þess að geta lifað verð-
ur hún að ræða þessar tilfinningar við eiginmann sinn.
Annars mun allur þessi kuldi koma fram í sambúð þeirra
°9 enda með skilnaði.
Norðmann nokkurn, sem þótti mikið varið í að vera á
svigskíðum, dreymdi umfangsmiklar skíðabrekkur og þar
var hann með marga skíðakappa í kringum sig. Hann
naut félagsskaparins svo sem best varð á kosið, sólin
skein og umhverfið var hið fegursta.
41