Vikan - 20.09.1995, Blaðsíða 49

:rp ~Y7 “\
nS 1 'l
Sól skín í heiði yfir
Kirkjubæjarklaustri og
í fjarska liggur jökull-
inn fram á lappir sínar. Tony
situr fyrir framan matartjald
tónlistarfólksins sem kemur
fram á Uxa. Hann er í góðu
skapi ( dag.
„Ég hef skemmt mér kon-
unglega hér um helgina,"
segir hann brosandi. „Við,
breska tónlistarfólkið, þekkt-
umst flest öll áður en við
komum hingað og sum okk-
ar gefa út hjá sama plötufyr-
irtækinu. Okkur finnst mjög
gaman að hafa fengið tæki-
færi til að koma til íslands,
skemmta okkur saman og
leika tónlist."
Tony spilar aðallega á
dansklúbbum í London og
hafa vinsældir hans sífellt
verið að aukast. Fyrir
skömmu náði lag hans Mani-
ak til að mynda miklum vin-
sældum. Hann sagði í viðtali
við Extrablaðið, sem gefið
var út rétt fyrir Uxahátíðina,
að ein af ástæðunum fyrir
því að hann ynni fyrir sér
sem plötusnúður væri sú að
honum þætti svo gott að fá
að sofa út á morgnana. Fyrir
nokkrum árum lenti hann í
alvarlegu bílslysi í London
einmitt vegna þess hve van-
svefta hann var.
„Slysið varð snemma
morguns þegar ég var á leið
heim úr vinnu. Ég ók á
fleygiferð eftir hraðbraut;
hafði ekki sofið í tvo sólar-
hringa og var dauðþreyttur.
Ég sofnaði undir stýri og áð-
ur en ég vissi af ók ég út af
brú. Til allrar hamingju var
ekki mikil umferð og því lenti
bíllinn ekki á neinum öðrum
bílum fyrir neðan brúna.“
Auk annarra meiðsla hlaut
Tony þungt höfuðhögg og lá
í dái í á þriðju viku. í fyrstu
var honum ekki hugað líf og
var búist við að hann myndi
deyja innan 40 klukku-
stunda. Það fór hins vegar
betur en á horfðist.
„Ég rankaði við mér þegar
verið var að flytja mig í sjúkra-
bfl á milli sjúkrahúsa. Það
fyrsta sem ég sá var faðir
minn sem laut yfir mig. Ég
spurði hann hvar ég væri eig-
inlega staddur og hann sagði
mér að ég hefði verið í dái í
nærri því þrjár vikur. Mér
fannst eins og það hefði verið
svindlað á mér. Ég hafði
misst af öllum þessum tíma.“
Tony segir hluta af heilanum
hafa bólgnað upp og hefði það
lýst sér í ofsóknarbrjálæði.
„Ég var mjög æstur og
skammaðist út í allt og alla.
Einn daginn var ég skyndi-
lega aftur orðinn eins og ég
átti að mér að vera.“
Tony neitar því að dáið
hafi haft áhrif á tónlistina,
sem hann leikur, en hún er
mjög hörð og hröð.
„Tónlistin mín hefur dáleið-
andi áhrif,“ segir hann og
setur upp mjög dularfullan
svip. „Mér finnst teknótónlist
yfirhöfuð upplifgandi og það
er endalaust hægt að lesa
eitthvað nýtt út úr henni. Ég
er mjög hrifinn af bandarískri
teknótónlist og sú breska er
óneitanlega farin að bera
keim af henni."
Tony telur teknótónlistina
komna til að vera.
„Henni eru engin takmörk
sett,“ segir hann með þungri
áherslu. Svo hlær hann og
bætir við: „Venjulega er ég
frekar leiðinlegur í viðtölum
og segi ekki mikið. Sýran
hefur hins vegar orðið til
þess að ég hef sagt þér heil-
mikið.“ □
ÓLÍKAR
Tuttugasta og áttunda
september næstkom-
andi kemur út geisla-
diskurinn Litir með Kristínu
Eysteinsdóttur sönkonu og
lagasmið. Útgáfutónleikarnir
verða svo í Þjóðleikhúskjall-
aranum fimmtudagskvöldið
nítjánda október. Kristín gef-
ur sjálf út diskinn sem hljóð-
ritaður var f Studio Hljóð-
hamri og sá Páll Borg um
upptökuna. Á diskinum eru
tíu lög. Þau eru öll eftir Krist-
ínu og samdi hún alla text-
Teknótónlistarmaöurinn Tony Sapiano þeytti skífum á Uxa '95 um
verslunarmannahelgina. Fyrir fáeinum árum lenti hann í bílslysi með
þeim afleiðingum að hann lá í dái í þrjár vikur.
ana fyrir utan einn. Lögin
voru öll samin á gítar en út-
setningar eru ólíkar en um
þær sáu þau Kristín og Orri
Harðarson. Kristín ákvað að
þessi fyrsti geisladiskur
hennar innihéldi ólíkar hliðar
tónlistar og á honum má
finna róleg kassagitarlög,
djasstónlist, rokklög auk létt
pönkaðra og fönkaðra laga.
Kristín syngur og spilar á gít-
ar, Orri Harðarson spilar á
gítar og bassa, Jón Bjarki
Bentsson spilar á bassa í
einu lagi, um trommuleik sér
Ingólfur Sigurðsson, Elísa
Geirsdóttir spilar á fiðlu og
Ólöf Sigursveinsdóttir á selló.
Kristín er búin að koma sam-
an hljómsveit sem mun
fylgja plötunni eftir. □
9. TBL. 1995 VIKAN 49
TEXTI: SVAVA JÓNSDÓTTIR